മു​ക്കം ചെ​റു​പു​ഴ​യ്ക്ക് സം​ര​ക്ഷ​ണ​മൊ​രു​ക്കി മു​ള​ങ്കൂ​ട്ട​ങ്ങ​ൾ
Tuesday, June 11, 2024 7:40 AM IST
മു​ക്കം: മു​ക്കം ക​ട​വ് പാ​ല​ത്തി​ന് സ​മീ​പ​ത്തെ ചെ​റു​പു​ഴ​യു​ടെ തീ​ര​ത്തെ മു​ള​ങ്കൂ​ട്ടം പ​രി​സ്ഥി​തി സം​ര​ക്ഷ​ണ​ത്തി​ൽ പു​തി​യ മാ​തൃ​ക സൃ​ഷ്ടി​ക്കു​ന്നു. പ​ട​ർ​ന്നു പ​ന്ത​ലി​ച്ച് നി​ൽ​ക്കു​ന്ന മു​ള​ങ്കൂ​ട്ട​ങ്ങ​ൾ ചെ​റു​പു​ഴ​യു​ടെ തീ​ര​ങ്ങ​ൾ സം​ര​ക്ഷി​ക്കു​ന്ന​തി​ൽ പ്ര​ധാ​ന പ​ങ്കാ​ണ് വ​ഹി​ക്കു​ന്ന​ത്. പ​രി​സ്ഥി​തി സം​ര​ക്ഷ​ണ​ത്തി​നൊ​പ്പം ത​ന്നെ നാ​ട്ടു​കാ​ർ​ക്കും ഇ​തു​വ​ഴി​യു​ള്ള യാ​ത്ര​ക്കാ​ർ​ക്കും ത​ണ​ലൊ​രു​ക്കി​യും സ്ഥി​തി ചെ​യ്യു​ന്ന മു​ള​ങ്കൂ​ട്ട​ങ്ങ​ൾ ന​യ​നാ​ന​ന്ദ​ക​ര​മാ​യ കാ​ഴ്ച കൂ​ടി​യാ​ണ്.

മു​ക്ക​ത്തി​ന്‍റെ ക​ഥാ​കാ​ര​നും സ​ഞ്ചാ​ര സാ​ഹി​ത്യ​കാ​ര​നു​മാ​യ എ​സ്.​കെ. പൊ​റ്റെ​ക്കാ​ട്ട് സ്മൃ​തി കേ​ന്ദ്ര​ത്തോ​ടു ചേ​ർ​ന്നാ​ണ് മു​ള​ങ്കൂ​ട്ട​ങ്ങ​ൾ ആ​രെ​യും ആ​ക​ർ​ഷി​ക്കും വി​ധം നി​ല​കൊ​ള്ളു​ന്ന​ത്.

പ്ര​ദേ​ശ​വാ​സി​ക​ൾ വൈ​കു​ന്നേ​ര​ങ്ങ​ളി​ലും മ​റ്റും കാ​റ്റ് കൊ​ള്ളാ​നും വി​ശ്ര​മി​ക്കാ​നും ഈ ​മു​ള​ങ്കാ​ടു​ക​ളു​ടെ ശീ​ത​ളഛാ​യ​യി​ലാ​ണ് എ​ത്തു​ന്ന​ത്. പു​ഴ​ക​ളു​ടെ​യും മ​റ്റും തീ​ര​ത്ത് ഈ ​രീ​തി​യി​ൽ മു​ള​ക​ൾ ന​ട്ടു​പി​ടി​പ്പി​ച്ചാ​ൽ തീ​ര​സം​ര​ക്ഷ​ണം സാ​ധ്യ​മാ​വു​മെ​ന്ന​തി​ന്‍റെ ഉ​ത്ത​മ ഉ​ദാ​ഹ​ര​ണ​മാ​ണ് വി​ശാ​ല​മാ​യ സ്ഥ​ല​ത്ത് മു​ള​ക്കൂ​ട്ട​ങ്ങ​ൾ പ​ട​ർ​ന്നു പ​ന്ത​ലി​ച്ച് നി​ൽ​ക്കു​ന്ന ചെ​റു​പു​ഴ​യു​ടെ തീ​ര​ത്തെ ഈ ​കാ​ഴ്ച.

പു​ഴ​ത്തീ​ര​ങ്ങ​ൾ വ്യാ​പ​ക​മാ​യി ഇ​ടി​ഞ്ഞ് തീ​രു​ന്പോ​ൾ മു​ള​ങ്കൂ​ട്ട​ങ്ങ​ൾ ഉ​ള്ള ഭാ​ഗ​ങ്ങ​ളി​ൽ ഇ​ടി​ച്ചി​ൽ കു​റ​വാ​ണെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ ചൂ​ണ്ടി​കാ​ട്ടു​ന്നു. എ​സ്.​കെ. സ്മൃ​തി കേ​ന്ദ്ര​ത്തി​ന്‍റെ ചു​മ​ത​ല കാ​ര​ശേ​രി പ​ഞ്ചാ​യ​ത്ത് ബ​ഹു​സ്വ​രം സാം​സ്കാ​രി​ക കൂ​ട്ടാ​യ്മ​യെ​യാ​ണ് ഏ​ൽ​പി​ച്ചി​രി​ക്കു​ന്ന​ത്. ബ​ഹു​സ്വ​ര​ത്തി​ന്‍റെ നേ​തൃ​ത്വ​ത്തി​ൽ മു​ള​ങ്കാ​ടും എ​സ്.​കെ. സ്മൃ​തി കേ​ന്ദ്ര​വും സം​ര​ക്ഷി​ക്കു​ന്ന​തി​നു​ള്ള ന​ട​പ​ടി​ക​ളും ന​ട​ത്തു​ന്നു​ണ്ട്. മു​ന്പ് മ​ഞ്ഞ മു​ള​ക​ൾ മാ​ത്ര​മാ​ണ് ഇ​വി​ടെ​യു​ണ്ടാ​യി​രു​ന്ന​ത്. നി​ല​വി​ൽ ബ​ഹു​സ്വ​രം പ്ര​വ​ർ​ത്ത​ക​ർ പ​ച്ച മു​ള​ക​ളും ന​ട്ടു​പി​ടി​പ്പി​ക്കു​ന്നു​ണ്ട്.

Copyright @ 2022 , Rashtra Deepika Ltd.