National News
സൂറത്തിലെ ജയം: ബിജെപിയുടെ ഒത്തുകളിക്കു തെളിവുകൾ
സൂറത്തിലെ ജയം: ബിജെപിയുടെ ഒത്തുകളിക്കു തെളിവുകൾ
Thursday, April 25, 2024 1:19 AM IST
ന്യൂ​ഡ​ൽ​ഹി: ഗു​ജ​റാ​ത്തി​ലെ സൂ​റ​ത്തി​ൽ​നി​ന്ന് ബി​ജെ​പി സ്ഥാ​നാ​ർ​ഥി മു​കേ​ഷ് ദ​ലാ​ൽ എ​തി​രി​ല്ലാ​തെ തെ​ര​ഞ്ഞെ​ടു​ക്ക​പ്പെ​ട്ട​തി​ൽ കോ​ണ്‍ഗ്ര​സ് അ​ട​ക്ക​മു​ള്ള മ​റ്റ് ഒ​ന്പ​ത് സ്ഥാ​നാ​ർ​ഥി​ക​ളു​മാ​യി ബി​ജെ​പി ന​ട​ത്തി​യ ഒ​ത്തു​ക​ളി​യു​ടെ കൂ​ടു​ത​ൽ വി​വ​ര​ങ്ങ​ൾ പു​റ​ത്ത്.

കോ​ണ്‍ഗ്ര​സ് സ്ഥാ​നാ​ർ​ഥി നി​ലേ​ഷ് കും​ഭാ​നി​യു​ടെ​യും ഡ​മ്മി​യാ​യ സു​രേ​ഷ് പാ​ഠ​ശാ​ല​യു​ടെ​യും നാ​മ​നി​ർ​ദേ​ശ പ​ത്രി​ക​യി​ൽ പി​ന്തു​ണ​ച്ച​വ​രു​ടെ ഒ​പ്പു​ക​ൾ ത​ങ്ങ​ളു​ടേ​ത​ല്ലെ​ന്നു കാ​ണി​ച്ച് സ​ത്യ​വാ​ങ്മൂ​ലം അ​റ്റ​സ്റ്റ് ചെ​യ്തു ന​ൽ​കി​യ നോ​ട്ട​റി ബി​ജെ​പി​യു​ടെ ലീ​ഗ​ൽ സെ​ല്ലി​ലെ അ​ഭി​ഭാ​ഷ​ക​നാ​ണ്.

പ​ത്രി​ക​യി​ൽ ഒ​പ്പു​വ​ച്ച​തും പി​ന്നീ​ട് ഒ​പ്പ് ത​ങ്ങ​ളു​ടേ​ത​ല്ലെ​ന്ന് സാ​ക്ഷ്യ​പ്പെ​ടു​ത്തി​യ​തും കോ​ണ്‍ഗ്ര​സ് സ്ഥാ​നാ​ർ​ഥി കും​ഭാ​നി​യു​ടെ ഭാ​ര്യാ​സ​ഹോ​ദ​ര​നും മ​രു​മ​ക​നും അ​ട​ക്കം വ​ള​രെ അ​ടു​ത്ത ബ​ന്ധു​ക്ക​ളും ബി​സി​ന​സ് പ​ങ്കാ​ളി​യു​മാ​ണെ​ന്ന​തും ക​ള്ള​ക്ക​ളി വ്യ​ക്ത​മാ​ക്കു​ന്നു.

നാ​മ​നി​ർ​ദേ​ശ പ​ത്രി​ക ന​ൽ​കു​ന്ന​തി​ന് മു​ന്പു​ത​ന്നെ ബി​ജെ​പി​ക്കു​വേ​ണ്ടി കോ​ണ്‍ഗ്ര​സ് സ്ഥാ​നാ​ർ​ഥി ഒ​ത്തു​ക​ളി ന​ട​ത്തി​യെ​ന്ന​തി​ന്‍റെ തെ​ളി​വു​ക​ളാ​ണ് പു​റ​ത്തു​വ​ന്ന​ത്. ബി​ജെ​പി​യു​ടെ സ​ജീ​വ പ്ര​വ​ർ​ത്ത​ക​നാ​യ നോ​ട്ട​റി കി​ര​ണ്‍ ഗോ​ഘാ​രി​യാ​ണ് കും​ഭാ​നി​യു​ടെ പ​ത്രി​ക​യി​ൽ പി​ന്തു​ണ​യ്ക്കു​ന്ന​വ​രു​ടെ ഒ​പ്പു​ക​ൾ ത​ങ്ങ​ളു​ടേ​ത​ല്ലെ​ന്നു കാ​ണി​ച്ച് സ​ത്യ​വാ​ങ്മൂ​ലം അറ്റസ്റ്റ്‌ ചെ​യ്തു ന​ൽ​കി​യ​ത്.
സാ​ധാ​ര​ണ ഫീ​സാ​യ 500 രൂ​പ​യ്ക്കു പ​ക​രം 2,500 രൂ​പ ഇ​തി​നാ​യി ഫീ​സ് വാ​ങ്ങി​യി​രു​ന്നു​വെ​ന്നും പ്ര​ഫ​ഷ​ണ​ൽ ജോ​ലി എ​ന്ന നി​ല​യി​ലാ​ണു സ​ഹാ​യി​ച്ച​തെ​ന്നും കി​ര​ണ്‍ വി​ശ​ദീ​ക​രി​ച്ചു.

കും​ഭാ​നി​യു​ടെ പ​ത്രി​ക​യി​ൽ ഒ​പ്പു​വ​ച്ച​ത് അ​ദ്ദേ​ഹ​ത്തി​ന്‍റെ ഭാ​ര്യാ​സ​ഹോ​ദ​ര​ൻ ജ​ഗ​ദീ​ഷ് സ​വാ​ലി​യ, സ​ഹോ​ദ​ര​പു​ത്ര​നാ​യ ധ്രു​വി​ൻ ധ​മേ​ലി​യ, ബി​സി​ന​സ് പ​ങ്കാ​ളി ര​മേ​ശ് പോ​ൾ​റ എ​ന്നി​വ​രാ​യി​രു​ന്നു. ഇ​വ​ർ​ത​ന്നെ​യാ​ണു പി​ന്നീ​ട് പ​ത്രി​ക​യി​ലെ ഒ​പ്പ് ത​ങ്ങ​ളു​ടേ​ത​ല്ലെ​ന്നു കാ​ണി​ച്ച് ബി​ജെ​പി​ക്കാ​ര​നാ​യ നോ​ട്ട​റി​യെ​ക്കൊ​ണ്ട് രേ​ഖാ​മൂ​ലം സ​ത്യ​വാ​ങ്മൂ​ലം ന​ൽ​കി​യ​തെ​ന്ന​തും യാ​ദൃ​ച്ഛികമ​ല്ല. കും​ഭാ​നി​യു​ടെ ഡ​മ്മി സ്ഥാ​നാ​ർ​ഥി പാ​ഠ​ശാ​ല​യു​ടെ പ​ത്രി​ക​യി​ൽ ഒ​പ്പു​വ​ച്ച ഭോ​ട്ടി​ക് കോ​ലാ​ഡി​യ​യും ഒ​പ്പ് ത​ന്‍റേ​ത​ല്ലെ​ന്നു കാ​ണി​ച്ച് ഇ​തേ നോ​ട്ട​റി​യെ​ക്കൊ​ണ്ട് അ​റ്റ​സ്റ്റ് ചെ​യ്താ​ണു സ​ത്യ​വാ​ങ്മൂ​ലം ന​ൽ​കി​യ​ത്.


കും​ഭാ​നി​യും ഡ​മ്മി പാ​ഠ​ശാ​ല​യും പ​ത്രി​ക ന​ൽ​കി​യ​തി​നു പി​ന്നാ​ലെ​ത​ന്നെ പ​ത്രി​ക​യി​ൽ പി​ന്തു​ണ​ച്ച് ഒ​പ്പു​വ​ച്ചി​രി​ക്കു​ന്ന നാ​ലു​പേ​രു​ടെ​യും ഒ​പ്പു​ക​ൾ വ്യാ​ജ​മാ​ണെ​ന്നും പ​ത്രി​ക ത​ള്ള​ണ​മെ​ന്നും ആ​വ​ശ്യ​പ്പെ​ട്ട് ബി​ജെ​പി സ്ഥാ​നാ​ർ​ഥി​യു​ടെ ഏ​ജ​ന്‍റ് ദി​നേ​ഷ് ജോ​ധാ​നി പ​രാ​തി ന​ൽ​കി​യ​തും മു​ൻ​കൂ​ട്ടി ത​യാ​റാ​ക്കി​യ അ​ട്ടി​മ​റി പ​ദ്ധ​തി​യു​ടെ ഭാ​ഗ​മാ​യി​രു​ന്നു​വെ​ന്നു വ്യ​ക്തം.

സൂ​റ​ത്ത് ക​ള​ക്‌​ട​റും ജി​ല്ലാ വ​ര​ണാ​ധി​കാ​രി​യു​മാ​യ സൗ​ര​ഭ് പാ​ർ​ഗി​യു​ടെ മു​ന്നി​ൽ കും​ഭാ​നി​യും പാ​ഠ​ശാ​ല​യും ഉ​ള്ള​പ്പോ​ൾ ത​ന്നെ​യാ​ണ് ഒ​പ്പു​ക​ൾ ത​ങ്ങ​ളു​ടേ​ത​ല്ലെ​ന്ന് കും​ഭാ​നി​യു​ടെ ബ​ന്ധു​ക്ക​ൾ പ​ര​സ്യ​മാ​യി പ​റ​ഞ്ഞ​തെ​ന്ന​തും ത​മാ​ശ​യാ​യി. ഒ​പ്പ് വ്യാ​ജ​മാ​ണെ​ന്നു കാ​ണി​ച്ച് ഇ​വ​ർ ന​ൽ​കി​യ സ​ത്യ​വാ​ങ്മൂ​ലം കോ​ണ്‍ഗ്ര​സ് സ്ഥാ​നാ​ർ​ഥി​യു​ടെ സാ​ന്നി​ധ്യ​ത്തി​ൽ ത​ന്നെ​യാ​ണു സ്വീ​ക​രി​ച്ച​തെ​ന്നും ക​ള​ക്‌​ട​ർ പാ​ർ​ഗി പ​റ​ഞ്ഞു.

കോ​ണ്‍ഗ്ര​സ് സ്ഥാ​നാ​ർ​ഥി​യു​ടെ​യും ഡ​മ്മി​യു​ടെ​യും പ​ത്രി​ക ത​ള്ളി​യ​തി​നു പി​ന്നാ​ലെ മ​ത്സ​ര​രം​ഗ​ത്ത് ശേ​ഷി​ച്ചി​രു​ന്ന മ​റ്റ് എ​ട്ടു സ്ഥാ​നാ​ർ​ഥി​ക​ളും പ​ത്രി​ക പി​ൻ​വ​ലി​ച്ച​തും കൃ​ത്യ​മാ​യ പ​ദ്ധ​തി​യു​ടെ ഭാ​ഗ​മാ​യി​രു​ന്നു.

പ​ത്രി​ക പി​ൻ​വ​ലി​ച്ച സ​ർ​ദാ​ർ വ​ല്ല​ഭാ​യി പ​ട്ടേ​ൽ പാ​ർ​ട്ടി​യു​ടെ സ്ഥാ​നാ​ർ​ഥി​യും ബി​സി​ന​സു​കാ​ര​നു​മാ​യ അ​ബ്‌​ദു​ൾ ഹ​മീ​ദ് ഖാ​നും ബി​ജെ​പി സം​സ്ഥാ​ന പ്ര​സി​ഡ​ന്‍റ് സി.​ആ​ർ. പാ​ട്ടീ​ലും ഒ​രു​മി​ച്ചു​ള്ള ഫോ​ട്ടോ​യും ഇ​തി​നി​ടെ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ച്ച​തോ​ടെ ബി​ജെ​പി ന​ട​ത്തി​യ ജ​നാ​ധി​പ​ത്യ അ​ട്ടി​മ​റി കൂ​ടു​ത​ൽ വ്യ​ക്ത​മാ​യി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.