സി​റി​യ​യി​ലെ ഏ​കാ​ധി​പ​ത്യ ഭ​ര​ണ​കൂ​ട​ത്തി​നെ​തി​രേ തീ​വ്ര​വാ​ദി​ക​ളാ​യ വി​മ​ത​ർ വീ​ണ്ടും
യു​ദ്ധ​ത്തി​നി​റ​ങ്ങി​യി​രി​ക്കു​ക​യാ​ണ്. അ​താ​യ​ത്, 2011 മു​ത​ൽ അ​ഞ്ചു ല​ക്ഷ​ത്തോ​ളം മ​നു​ഷ്യ​ർ കൊ​ല്ല​പ്പെ​ട്ട രാ​ജ്യ​ത്ത് വീ​ണ്ടും കു​ഞ്ഞു​ങ്ങ​ളെ ഉ​ൾ​പ്പെ​ടെ മ​രി​ക്കാ​ൻ ഒ​രു​ക്കി​നി​ർ​ത്തി​യി​രി​ക്കു​ന്നു.

“ഞാ​ൻ ഇ​തെ​ല്ലാം ദൈ​വ​ത്തോ​ടു പ​റ​ഞ്ഞു​കൊ​ടു​ക്കും”-2012​ൽ സി​റി​യ​ൻ ആ​ഭ്യ​ന്ത​ര​ക​ലാ​പ​ത്തി​ൽ പ​രി​ക്കേ​റ്റ് ചി​കി​ത്സ​യി​ലാ​യി​രു​ന്ന അ​ഞ്ചു വ​യ​സു​കാ​ര​ൻ മ​രി​ക്കു​ന്ന​തി​നു മു​ന്പ്, തീ​വ്ര​വാ​ദി​ക​ളോ​ടു പ​റ​ഞ്ഞ വാ​ക്കു​ക​ളാ​ണ​ത്രേ. മ​നു​ഷ്യ​ന്‍റെ നി​സ​ഹാ​യ​ത​യെ അ​ങ്ങേ​യ​റ്റം വെ​ളി​പ്പെ​ടു​ത്തു​ന്ന വാ​ക്കു​ക​ളും നി​ല​വി​ളി​ക​ളു​മു​യ​ർ​ത്തി സി​റി​യ​യി​ൽ വീ​ണ്ടും ആ​ഭ്യ​ന്ത​ര​യു​ദ്ധം പൊ​ട്ടി​പ്പു​റ​പ്പെ​ട്ടി​രി​ക്കു​ക​യാ​ണ്.

ഏ​കാ​ധി​പ​ത്യ സ​ർ​ക്കാ​രും വി​മ​ത​ർ എ​ന്ന ഓ​മ​ന​പ്പേ​രി​ൽ അ​റി​യ​പ്പെ​ടു​ന്ന മു​സ്‌​ലിം തീ​വ്ര​വാ​ദി സം​ഘ​ങ്ങ​ളു​മാ​ണ് ഏ​റ്റു​മു​ട്ടു​ന്ന​ത്. സി​റി​യ​യി​ലെ ര​ണ്ടാ​മ​ത്തെ വ​ലി​യ ന​ഗ​ര​മാ​യ ആ​ലെ​പ്പോ പി​ടി​ച്ച​ട​ക്കി​യ തീ​വ്ര​വാ​ദി​ക​ൾ മ​റ്റി​ട​ങ്ങ​ളി​ലേ​ക്കു നീ​ങ്ങു​ക​യാ​ണ്. കു​ഞ്ഞു​ങ്ങ​ൾ ഉ​ൾ​പ്പെ​ടെ മ​രി​ച്ചു​വീ​ഴു​ന്നു. അ​വ​രു​ടെ ത​ണു​ത്തു​മ​ര​വി​ച്ച അ​ധ​ര​ങ്ങ​ളി​ൽ യു​ദ്ധ​ക്കൊ​തി​യ​ന്മാ​ർ​ക്കെ​തി​രേ​യു​ള്ള പ​രാ​തി​ക​ൾ വാ​ക്കൊ​ഴി​ഞ്ഞു കി​ട​പ്പു​ണ്ടാ​കാം. സ​മാ​ധാ​നം​കൊ​ണ്ട് ഇ​നി​യ​വ​ർ​ക്കെ​ന്തു കാ​ര്യം?

തു​ർ​ക്കി സാ​യു​ധ​സം​ഘ​ങ്ങ​ളു​ടെ പി​ന്തു​ണ​യോ​ടെ സി​റി​യ​യി​ലെ സു​ന്നി സാ​യു​ധ​സം​ഘ​മാ​യ ഹ​യാ​ത് ത​ഹ്‌​രീ​ര്‍ അ​ല്‍ ഷാ​മി​ന്‍റെ (എ​ച്ച്ടി​എ​സ്) നേ​തൃ​ത്വ​ത്തി​ലാ​ണ്, പ്ര​സി​ഡ​ന്‍റ് ബാ​ഷ​ര്‍ അ​ല്‍ അ​സ​ദി​ന്‍റെ സ​ര്‍​ക്കാ​രി​നെ​തി​രേ ആ​ഭ്യ​ന്ത​ര​യു​ദ്ധം പൊ​ട്ടി​പ്പു​റ​പ്പെ​ട്ടി​രി​ക്കു​ന്ന​ത്. 2011 മു​ത​ൽ സി​റി​യ ആ​ഭ്യ​ന്ത​ര​യു​ദ്ധ​ത്തി​ന്‍റെ പി​ടി​യി​ലാ​ണ്. 2012ല്‍ ​ആ​ലെ​പ്പോ​യു​ടെ പ്ര​ധാ​ന ഭാ​ഗ​ങ്ങ​ൾ വി​മ​ത​ര്‍ പി​ടി​ച്ചെ​ടു​ത്തെ​ങ്കി​ലും 2016ൽ ​റ​ഷ്യ​യു​ടെ പി​ന്തു​ണ​യോ​ടെ അ​സ​ദ് ഭ​ര​ണ​കൂ​ടം തി​രി​ച്ചു​പി​ടി​ച്ചി​രു​ന്നു.

പി​ന്നീ​ട് അ​ട​ങ്ങി​യി​രു​ന്ന വി​മ​ത​ർ ഏ​താ​നും ദി​വ​സം മു​ന്പ് ക​ലാ​പ​ക്കൊ​ടി വീ​ണ്ടും ഉ​യ​ർ​ത്തു​ക​യാ​യി​രു​ന്നു. സി​റി​യ​യി​ലെ ര​ണ്ടാ​മ​ത്തെ വ​ലി​യ ന​ഗ​ര​മാ​യ ആ​ലെ​പ്പോ പി​ടി​ച്ച​ട​ക്കി​യ​വ​ർ സ​മീ​പ​ത്തു​ള്ള ഇ​ദ്‌​ലി​ബ്, ഹ​മ, ല​ടാ​കി​യ പ്ര​ദേ​ശ​ങ്ങ​ളി​ലു​മെ​ത്തി. ത​ല​സ്ഥാ​ന​മാ​യ ഡ​മാ​സ്ക​സി​ലെ​ത്തി ഭ​ര​ണം പി​ടി​ക്കു​ക​യാ​ണു ല​ക്ഷ്യം. അ​സ​ദി​നെ സ​ഹാ​യി​ക്കാ​ൻ റ​ഷ്യ​യും ഇ​റാ​ന്‍റെ പി​ന്തു​ണ​യോ​ടെ ഇ​റാ​ക്കി​ൽ പ്ര​വ​ർ​ത്തി​ക്കു​ന്ന സാ​യു​ധ​സം​ഘ​ങ്ങ​ളും സി​റി​യ​യി​ലെ​ത്തി. മു​ന്പും സി​റി​യ​യെ സ​ഹാ​യി​ച്ചു​കൊ​ണ്ടി​രു​ന്ന​ത് റ​ഷ്യ​യും ഇ​റാ​നു​മാ​ണ്.

റ​ഷ്യ യു​ക്രെ​യ്ൻ അ​ധി​നി​വേ​ശ​ത്തി​ൽ ഏ​ർ​പ്പെ​ട്ടി​രി​ക്കു​ക​യും ഇ​റാ​ൻ, ഹ​മാ​സി​നെ​യും ഹി​സ്ബു​ള്ള​യെ​യും പി​ന്തു​ണ​ച്ച് ഇ​സ്ര​യേ​ലു​മാ​യി ഏ​റ്റു​മു​ട്ട​ലി​ലാ​കു​ക​യും ചെ​യ്ത​തോ​ടെ സി​റി​യ​യ്ക്കു​ള്ള സ​ഹാ​യം കു​റ​യു​മെ​ന്ന വി​മ​ത​രു​ടെ ക​ണ​ക്കു​കൂ​ട്ട​ലാ​കാം ഇ​പ്പോ​ഴ​ത്തെ പ​ട​പ്പു​റ​പ്പാ​ടി​നു പി​ന്നി​ൽ. അ​ൽ-​ഖ്വ​യ്ദ​യു​ടെ​യും ഇ​സ്‌​ലാ​മി​ക് സ്റ്റേ​റ്റി​ന്‍റെ​യും മു​സ്‌​ലിം ബ്ര​ദ​ർ​ഹു​ഡി​ന്‍റെ​യു​മൊ​ക്കെ തീ​വ്ര​വാ​ദ ആ​ശ​യ​ങ്ങ​ൾ ഉ​ൾ​ക്കൊ​ള്ളു​ന്ന ഹ​യാ​ത് ത​ഹ്‌​രീ​ർ അ​ൽ ഷാ​മി​നെ തു​ർ​ക്കി​യും അ​മേ​രി​ക്ക​യും പി​ന്തു​ണ​യ്ക്കു​ന്നു​ണ്ട്.

ഇ​റാ​നു​മാ​യു​ള്ള ബ​ന്ധം അ​വ​സാ​നി​പ്പി​ക്കു​ക​യും ഇ​റാ​നി​ൽ​നി​ന്ന് ല​ബ​ന​നി​ലെ ഹി​സ്ബു​ള്ള​യ്ക്ക് ആ​യു​ധ​മെ​ത്തി​ക്കാ​ൻ സി​റി​യ​ൻ ഭൂ​മി അ​നു​വ​ദി​ക്കു​ന്ന​ത് അ​വ​സാ​നി​പ്പി​ക്കു​ക​യും ചെ​യ്താ​ൽ സി​റി​യ​യ്ക്കേ​തി​രേ​യു​ള്ള ഉ​പ​രോ​ധ​ങ്ങ​ൾ അ​മേ​രി​ക്ക നീ​ക്കി​യേ​ക്കു​മെ​ന്ന് റോ​യി​ട്ടേ​ഴ്സ് വാ​ർ​ത്താ ഏ​ജ​ൻ​സി റി​പ്പോ​ർ​ട്ട് ചെ​യ്തു. ത​ങ്ങ​ളു​ടെ സൈ​നി​ക താ​ത്പ​ര്യ​ങ്ങ​ൾ സം​ര​ക്ഷി​ക്കാ​നും ഭ​ര​ണ​കൂ​ട​ങ്ങ​ളെ ദു​ർ​ബ​ല​മാ​ക്കാ​നും വി​ഘ​ട​ന​വാ​ദി​ക​ളെ​യും തീ​വ്ര​വാ​ദി സം​ഘ​ട​ന​ക​ളെ​യും പി​ന്തു​ണ​യ്ക്കു​ന്ന​തി​ൽ പാ​ശ്ചാ​ത്യ​രെ​ന്നോ പൗ​ര​സ്ത്യ​രെ​ന്നോ വ്യ​ത്യാ​സ​മി​ല്ല.

അ​ൽ-​ഖ്വ​യ്ദ​യു​ടെ​യും താ​ലി​ബാ​ന്‍റെ​യു​മൊ​ക്കെ വ​ള​ർ​ച്ച​യി​ൽ ലോ​കം അ​തു ക​ണ്ട​താ​ണ്. സി​റി​യ​യി​ൽ 2011 മു​ത​ൽ 2023 വ​രെ മ​രി​ച്ച​ത് അ​ഞ്ചു ല​ക്ഷ​ത്തി​ലേ​റെ മ​നു​ഷ്യ​രാ​ണെ​ന്ന് "സി​റി​യ​ന്‍ ഒ​ബ്‌​സ​ര്‍​വേ​റ്റ​റി ഫോ​ര്‍ ഹ്യൂ​മ​ന്‍ റൈ​റ്റ്‌​സ്' പ​റ​യു​ന്നു. കൊ​ന്ന​തും മ​രി​ച്ച​തും ഏ​റെ​യും ഒ​രേ മ​ത​ത്തി​ൽ​പ്പെ​ട്ട​വ​ർ. ആ​ര് ഏ​തു പ​ക്ഷ​ത്തു നി​ൽ​ക്കും?
1963ൽ ​അ​ട്ടി​മ​റി​യി​ലൂ​ടെ ഭ​ര​ണ​ത്തി​ലെ​ത്തി​യ അ​റ​ബ് സോ​ഷ്യ​ലി​സ്റ്റ് ബാ​ത്ത് പാ​ർ​ട്ടി​യി​ൽ​നി​ന്ന് മ​റ്റൊ​രു അ​ട്ടി​മ​റി​യി​ലൂ​ടെ 1971ൽ ​അ​ധി​കാ​രം പി​ടി​ച്ച​ട​ക്കി​യാ​ണ് ജ​ന​റ​ൽ ഹ​ഫീ​സ് അ​ൽ അ​സ​ദ് മൂ​ന്നു പ​തി​റ്റാ​ണ്ട് സി​റി​യ ഭ​രി​ച്ച​ത്.

അ​ദ്ദേ​ഹ​ത്തി​ന്‍റെ മ​ര​ണ​ശേ​ഷം 2000ത്തി​ൽ മ​ക​ൻ ബാ​ഷ​ർ അ​ൽ അ​സ​ദ് പ്ര​സി​ഡ​ന്‍റാ​യി. അ​താ​യ​ത്, ആ​റു പ​തി​റ്റാ​ണ്ടാ​യി സി​റി​യ​ക്കാ​ർ ഏ​കാ​ധി​പ​ത്യ​ത്തി​നു കീ​ഴി​ലാ​ണ്. ഇ​തി​നി​ടെ, ഏ​കാ​ധി​പ​ത്യം അ​വ​സാ​നി​പ്പി​ക്കാ​ൻ അ​റ​ബ് വ​സ​ന്ത​ത്തി​ന്‍റെ ആ​വേ​ശ​ത്തി​ൽ 2011 മു​ത​ൽ മു​സ്‌​ലിം ബ്ര​ദ​ർ​ഹു​ഡ് ഉ​ൾ​പ്പെ​ടെ തീ​വ്ര​സം​ഘ​ട​ന​ക​ൾ ന​ട​ത്തി​യ ശ്ര​മ​ങ്ങ​ളെ അ​സ​ദ് അ​ടി​ച്ച​മ​ർ​ത്തി. മു​സ്‌​ലിം ബ്ര​ദ​ർ​ഹു​ഡ് അ​ധി​കാ​ര​ത്തി​ലെ​ത്തി​യാ​ലും മാ​റ്റം ഏ​കാ​ധി​പ​ത്യ​ത്തി​ൽ​നി​ന്ന് ഇ​സ്‌​ലാം തീ​വ്ര​വാ​ദ​ത്തി​ലേ​ക്കു മാ​ത്ര​മാ​യി​രി​ക്കു​മെ​ന്നും ലോ​ക​ത്തി​ന് ഇ​പ്പോ​ഴ​റി​യാം.

ജ​നാ​ധി​പ​ത്യ​ത്തി​ന്‍റെ എ​തി​ർ​ധ്രു​വ​ത്തി​ലാ​ണ് ഭീ​ക​ര​പ്ര​സ്ഥാ​ന​ങ്ങ​ളും മ​ത ഭ​ര​ണ​കൂ​ട​ങ്ങ​ളും നി​ല​യു​റ​പ്പി​ച്ചി​രി​ക്കു​ന്ന​ത്. മ​ന​സു​ക​ളി​ൽ​നി​ന്നു മ​ന​സു​ക​ളി​ലേ​ക്ക് രൂ​പാ​ന്ത​ര​പ്പെ​ട്ടു​കൊ​ണ്ടി​രി​ക്കു​ന്ന ഭീ​ക​ര​ത​യെ​ന്ന വൈ​റ​സി​നെ​തി​രേ ഒ​ന്നി​ക്കാ​ൻ ലോ​ക​ത്തി​ന് ഇ​തു​വ​രെ ക​ഴി​ഞ്ഞി​ട്ടു​മി​ല്ല. “ഞാ​ൻ ഇ​തെ​ല്ലാം ദൈ​വ​ത്തോ​ടു പ​റ​ഞ്ഞു​കൊ​ടു​ക്കും” എ​ന്നു സി​റി​യ​ൻ ബാ​ല​ൻ പ​റ​ഞ്ഞ​തി​നു തെ​ളി​വി​ല്ല.

ആ​ശു​പ​ത്രി​യി​ൽ അ​വ​ന്‍റെ ഫോ​ട്ടോ​യെ​ടു​ത്ത എ​എ​ഫ്പി ഫോ​ട്ടോ​ഗ്രാ​ഫ​ർ ആ​രി​സ് മെ​സി​നി​സും അ​തു കേ​ട്ടി​ട്ടി​ല്ല. അ​ങ്ങ​നെ​യാ​ണെ​ങ്കി​ൽ, മ​നു​ഷ്യ​ന്‍റെ മ​ര​വി​ച്ച മ​ന​സാ​ക്ഷി​യെ ഉ​ണ​ർ​ത്താ​ൻ മ​നു​ഷ്യ​ത്വ​മു​ള്ള ആ​രോ ന​ട​ത്തി​യ അ​വ​സാ​ന​ശ്ര​മ​മാ​യി അ​തി​നെ കാ​ണേ​ണ്ട​തു​ണ്ട്. യു​ക്രെ​യ്നി​ലോ ഗാ​സ​യി​ലോ ഇ​സ്ര​യേ​ലി​ലോ സി​റി​യ​യി​ലോ എ​വി​ടെ​യു​മാ​ക​ട്ടെ, മ​രി​ച്ചു​വീ​ഴു​ന്ന കു​ഞ്ഞു​ങ്ങ​ൾ​ക്ക് ദൈ​വ​ത്തോ​ടു പ​റ​യാ​ൻ പ​രാ​തി​ക​ൾ ഏ​റെ​യു​ണ്ട്.

അ​വ​രു​ടെ മു​റി​വു​ക​ളെ​ക്കു​റി​ച്ച്, ന​ഷ്ട​പ്പെ​ട്ട മാ​താ​പി​താ​ക്ക​ളെ​യും സ​ഹോ​ദ​ര​ങ്ങ​ളെ​യും​കു​റി​ച്ച്, കി​ട്ടാ​തെ​പോ​യ മ​രു​ന്നി​നെ​യും ഭ​ക്ഷ​ണ​ത്തെ​യും വെ​ള്ള​ത്തെ​യും​കു​റി​ച്ച്, കൊ​ല്ലാ​ൻ വ​രു​ന്ന മു​തി​ർ​ന്ന​വ​രെ​ക്കു​റി​ച്ച്, ത​ക​ർ​ക്ക​പ്പെ​ട്ട വീ​ടി​നെ​യും വി​ദ്യാ​ല​യ​ത്തെ​യും കാ​ണാ​താ​യ കൂ​ട്ടു​കാ​രെ​യും​കു​റി​ച്ച്... ഒ​ക്കെ​യു​ണ്ട് പ​റ​യാ​ൻ.

പ​ക്ഷേ, മ​ത​ത്തി​നും ഇ​ടു​ങ്ങി​യ ദേ​ശീ​യ​ത​യ്ക്കും അ​തി​ർ​ത്തി​ക​ൾ​ക്കും​വേ​ണ്ടി കൊ​ന്നൊ​ടു​ക്കു​ന്ന​വ​ർ​ക്ക് കു​ട്ടി​ക​ളോ ദൈ​വ​മോ സ​ഹ​ജീ​വി​യോ ഒ​ന്നു​മി​ല്ല; കൊ​ല്ലു​ന്ന​തി​ലാ​ണ് സം​തൃ​പ്തി. തീ​വ്ര​വാ​ദ​ത്തി​ന്‍റെ മു​ഖ്യ​പ​ങ്ക് മ​റ​ച്ചു​വ​ച്ചും രാ​ഷ്‌​ട്രീ​യ-​സാ​ന്പ​ത്തി​ക-​സൈ​നി​ക താ​ത്പ​ര്യ​ങ്ങ​ൾ​ക്കാ​യി തീ​വ്ര​വാ​ദ​ത്തോ​ടു വി​ട്ടു​വീ​ഴ്ച ചെ​യ്തും ഒ​രു സ​മാ​ധാ​ന​ശ്ര​മ​വും സാ​ധ്യ​മാ​കി​ല്ല.