കോഴിക്കോട്: കനത്തമഴയും മുടല്‍മഞ്ഞും കാരണം കരിപ്പൂര്‍ വിമാനത്താവളത്തില്‍ ഇറങ്ങേണ്ട നാലു വിമാനങ്ങള്‍ വഴിതിരിച്ചുവിട്ടു. നെടുമ്പാശേരി, കണ്ണൂര്‍ വിമാനത്താവളങ്ങളിലേക്കാണ് ഇവ തിരിച്ചുവിട്ടത്.
കരിപ്പൂരില്‍നിന്നുള്ള ദോഹ, ബഹറിന്‍ വിമാനങ്ങള്‍ മഴ കാരണം പുറപ്പെടാന്‍ വൈകി. തിങ്കളാഴ്ച രാത്രി മുതലാണ് കരിപ്പൂരില്‍ ശക്തമായ മഴ തുടങ്ങിയത്.
കാലാവസ്ഥ അനുകൂലമായാല്‍ വിമാന സര്‍വീസുകള്‍ സാധാരണ നിലയിലാകുമെന്ന് വിമാനത്താവള അധികൃതര്‍ പറഞ്ഞു.