സ്വ​ന്തം ലേ​ഖ​ക​ൻ

തൃ​ശൂ​ർ: കോ​ർ​പ​റേ​ഷ​ൻ ക​ട​മു​റി​ക​ൾ വാ​ട​ക​യ്ക്കു​ന​ല്കാ​ൻ ടെ​ൻ​ഡ​റു​ക​ൾ ക്ഷ​ണി​ച്ച​വേ​ള​യി​ൽ, മു​ൻ​കാ​ല​ങ്ങ​ളി​ൽ മു​റി​ക​ൾ വാ​ട​ക​യ്ക്കെ​ടു​ത്ത​വ​ർ ഇ​ര​ട്ടി​ലാ​ഭ​ത്തി​നാ​യി മ​റി​ച്ചു​വി​ൽ​ക്കാ​ൻ പ​ര​സ്യം ന​ല്കു​ന്നു. ഇ​തി​നെ​തി​രേ കോ​ർ​പ​റേ​ഷ​ൻ ക​ട​മു​റി​ക​ൾ​ക്കാ​യി കാ​ത്തി​രി​ക്കു​ന്ന ചെ​റു​കി​ട​ക​ച്ച​വ​ട​ക്കാ​ർ രം​ഗ​ത്ത്.

ശ​ക്ത​ൻ ബ​സ് സ്റ്റാ​ൻ​ഡി​ലെ ശ​ക്ത​ൻ ആ​ർ​ക്കേ​ഡി​ലെ ക​ട​മു​റി​ക​ൾ​ക്കു മു​ന്പി​ലാ​ണ് മു​റി വാ​ട​ക​യ്ക്ക് എ​ന്നെ​ഴു​തി മൊ​ബൈ​ൽ​ന​ന്പ​ർ സ​ഹി​തം പ​ര​സ്യ​പ്പെ​ടു​ത്തി​യി​ട്ടു​ള്ള​ത്. ഇ​തി​ന്‍റെ ദൃ​ശ്യ​ങ്ങ​ൾ സാ​മൂ​ഹ്യ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്നു​ണ്ട്.

ര​ണ്ടു​ദി​വ​സം മു​ന്പാ​ണ് കോ​ർ​പ​റേ​ഷ​ൻ​വ​ക വി​വി​ധ ഷോ​പ്പിം​ഗ് കോ​പ്ല​ക്‌​സു​ക​ളി​ലെ മു​റി​ക​ളും മാ​ർ​ക്ക​റ്റു​ക​ളി​ലെ ഒ​ഴി​വു​ള്ള ക​ട​മു​റി​ക​ളും ഏ​റ്റെ​ടു​ക്കാ​ൻ ജോ​യി​ന്‍റ് കോ​ർ​പ​റേ​ഷ​ൻ സെ​ക്ര​ട്ട​റി (ഇ​ൻ​ചാ​ർ​ജ്) ടെ​ൻ​ഡ​ർ ക്ഷ​ണി​ച്ച​ത്. കൗ​ൺ​സി​ൽ അം​ഗീ​ക​രി​ച്ച ലൈ​സ​ൻ​സ് വ്യ​വ​സ്ഥ​ക​ൾ​ക്ക​നു​സൃ​ത​മാ​യി ക​ട​മു​റി​ക​ളു​ടെ നി​ല​വി​ലു​ള്ള അ​വ​സ്ഥ​യി​ൽ ഏ​റ്റെ​ടു​ക്കാ​ൻ ത​യാ​റു​ള്ള​വ​രു​ടെ ടെ​ൻ​ഡ​റു​ക​ളാ​ണു ക്ഷ​ണി​ച്ച​ത്. ടെ​ൻ​ഡ​റി​ൽ ക​ച്ച​വ​ട ആ​വ​ശ്യം കാ​ണി​ക്ക​ണ​മെ​ന്നും ച​ട്ട​മു​ണ്ട്. ഇ​തൊ​ന്നും പാ​ലി​ക്കാ​തെ​യാ​ണ് അ​മി​ത​ലാ​ഭ​ത്തി​നാ​യി മ​റി​ച്ചു​വി​ല്പ​ന പ​ര​സ്യം പ​തി​ച്ചി​ട്ടു​ള്ള​ത്.

കോ​ർ​പ​റേ​ഷ​നി​ൽ ടെ​ൻ​ഡ​ർ​സ​മ​യ​ത്തു രേ​ഖാ​മൂ​ലം കാ​ണി​ച്ചി​ട്ടു​ള്ള‌ ക​ച്ച​വ​ട​ങ്ങ​ള​ല്ല പ​ല​രും നി​ല​വി​ൽ ന​ട​ത്തു​ന്ന​തെ​ന്നും ആ​രോ​പ​ണ​മു​ണ്ട്. ഈ ​അ​വ​സ​ര​ത്തി​ലാ​ണു മു​ൻ​കാ​ല​ങ്ങ​ളി​ൽ ക​ട​മു​റി​ക​ൾ ലേ​ല​ത്തി​ൽ​പി​ടി​ച്ച​വ​ർ അ​ന്യാ​യ​വാ​ട​ക​യ്ക്കു മ​റി​ച്ചു​ന​ല്കാ​ൻ മു​റി​ക​ൾ വാ​ട​ക​യ്ക്കെ​ന്ന നോ​ട്ടീ​സ് പ​തി​ച്ചി​രി​ക്കു​ന്ന​ത്. കോ​ർ​പ​റേ​ഷ​ൻ ക​ട​മു​റി​ക​ളി​ൽ പ​ല​തും വ​ർ​ഷ​ങ്ങ​ളാ​യി കൈ​വ​ശം​വ​ച്ച് മ​റ്റു പ​ല​ർ​ക്കും വാ​ട​ക​യ്ക്കു മ​റി​ച്ചു​കൊ​ടു​ത്ത് അ​മി​ത​ലാ​ഭം കൊ​യ്യു​ന്ന​യാ​ളാ​ണ് ഇ​തി​നു​പി​ന്നി​ലെ​ന്നാ​ണ് ആ​രോ​പ​ണം. ഭ​ര​ണ- ഉ​ദ്യോ​ഗ​സ്ഥ​രു​മാ​യി പി​ടി​പാ​ടു​ള്ള ഇ​യാ​ൾ ല​ക്ഷ​ങ്ങ​ളാ​ണ് ഇ​ത്ത​ര​ത്തി​ൽ സ​ന്പാ​ദി​ക്കു​ന്ന​ത്. ഇ​തി​ന്‍റെ നി​ശ്ചി​ത​വി​ഹി​തം ഉ​ദ്യോ​ഗ​സ്ഥ​ർ​ക്കും ചി​ല കൗ​ൺ​സി​ല​ർ​മാ​ർ​ക്കും ര​ഹ​സ്യ​മാ​യി എ​ത്തു​ന്ന​താ​യും ചെ​റു​കി​ട ക​ച്ച​വ​ട​ങ്ങ​ൾ തു​ട​ങ്ങ​ൻ ക​ട​മു​റി​ക​ൾ​ക്കാ​യി കാ​ത്തി​രി​ക്കു​ന്ന​വ​ർ കു​റ്റ​പ്പെ​ടു​ത്തി.

കോ​ർ​പ​റേ​ഷ​ൻ​വ​ക ക​ട​മു​റി​ക​ൾ വാ​ട​ക​യ്ക്കു​കി​ട്ടാ​ൻ പു​തി​യ​താ​യി ടെ​ൻ​ഡ​ർ ന​ല്കു​ന്ന​വ​രെ ക​ട​മു​റി​മാ​ഫി​യ​ക​ൾ ഭീ​ഷ​ണി​പ്പെ​ടു​ത്തു​ന്ന​താ​യും പ​റ‍​യു​ന്നു.