പാ​ട്ട​ഭൂ​മി​യി​ൽ കൃ​ഷി​യി​റ​ക്കി​യ ക​ർ​ഷ​ക കു​ടും​ബ​ങ്ങ​ൾ ദു​രി​ത​ത്തി​ൽ
Friday, March 29, 2024 5:08 AM IST
സു​ൽ​ത്താ​ൻബ​ത്തേ​രി: പാ​ട്ട​ഭൂ​മി​യി​ൽ കൃ​ഷി​യി​റ​ക്കി​യ ക​ർ​ഷ​ക കു​ടും​ബ​ങ്ങ​ൾ സ്വ​ന്തം വീ​ട്ടി​ലെ അ​ന്നം മു​ട്ടാ​തി​രി​ക്കാ​ൻ നെ​ട്ടോ​ട്ട​മോ​ടു​ന്നു. ജി​ല്ല​യി​ൽ ആ​യി​ര​ത്തി​ല​ധി​കം വ​രു​ന്ന കു​ടും​ബ​ങ്ങ​ളാ​ണു ലീ​സ് (പാ​ട്ട​ഭൂ​മി) ക​ർ​ഷ​ക ഭൂ​മി​ക​ളി​ൽ ഇ​ന്ന് ദു​രി​തം പേ​റി ജീ​വി​ക്കു​ന്ന​ത്. സ​ർ​ക്കാ​രി​ന്‍റെ ആ​നു​കൂ​ല്യ​ങ്ങ​ളി​ൽ നി​ന്നെ​ല്ലാം മാ​റി നി​ൽ​ക്കേ​ണ്ടി വ​രു​ന്ന ഇ​വ​ർ​ക്കു സ്വ​ന്തം ഭൂ​മി​യി​ൽ സ്ഥി​ര​മാ​യൊ​രു വീ​ടു നി​ർ​മി​ക്കു​ന്ന​തി​നു പോ​ലും ക​ഴി​യു​ന്നി​ല്ല.

ഒ​ന്നാം ലോ​ക​മ​ഹാ​യു​ദ്ധ​കാ​ല​ത്ത് ക​ടു​ത്ത ഭ​ക്ഷ്യ​ക്ഷാ​മം നേ​രി​ട്ട​പ്പോ​ൾ അ​ന്ന​ത്തെ ബ്രി​ട്ടി​ഷ് സ​ർ​ക്കാ​ർ ഗ്രോ ​മോ​ർ ഫു​ഡ് എ​ന്ന പ​ദ്ധ​തി ആ​വി​ഷ്ക​രി​ച്ചു ഭ​ക്ഷ്യോ​ൽ​പാ​ദ​നം വ​ർ​ധി​പ്പി​ക്കാ​ൻ ക​ര​യും വ​യ​ലും ന​ൽ​കി ക​ർ​ഷ​ക​രെ കു​ടി​യി​രു​ത്തി​യ സ്ഥ​ല​ങ്ങ​ളാ​ണു വ​യ​നാ​ട്ടി​ലെ ലീ​സ് ഭൂ​മി​ക​ൾ.

വ​ന സ​മാ​ന​മാ​യി കി​ട​ന്ന പ്ര​ദേ​ശ​ങ്ങ​ളാ​ണു ഫോ​റ​സ്റ്റ് ലീ​സ് എ​ന്ന പേ​രി​ൽ ക​ർ​ഷ​ക​ർ​ക്കു പാ​ട്ട​ത്തി​നു ന​ൽ​കി​യ​ത്. അ​ന്ന് ഇ​ത്ത​രം ഭൂ​മി​ക​ളി​ൽ കു​ടി​യി​രു​ത്ത​പ്പെ​ട്ട​വ​ർ നാ​ലും അ​ഞ്ചും ത​ല​മു​റ​ക​ൾ പി​ന്നി​ട്ട് ഇ​ന്ന് ആ​യി​ര​ത്തി​ല​ധി​കം കു​ടും​ബ​ങ്ങ​ളാ​യി മാ​റി. 50 സെ​ന്‍റി​ൽ താ​ഴെ ക​ര​ഭൂ​മി​യും പ​ത്തും പ​തി​ന​ഞ്ചും ഏ​ക്ക​ർ വ​യ​ലു​മാ​ണ് ക​ർ​ഷ​ക​ർ​ക്കു ന​ൽ​കി​യി​രു​ന്ന​ത്.

ഉ​ൽ​പാ​ദി​പ്പി​ക്കു​ന്ന ഭ​ക്ഷ്യ​വ​സ്തു​ക്ക​ളു​ടെ 70 ശ​ത​മാ​ന​വും അ​ന്നു സ​ർ​ക്കാ​രി​ലേ​ക്കു ന​ൽ​ക​ണ​മാ​യി​രു​ന്നു. തു​ച്ഛ​മാ​യ വി​ല​യാ​ണു ല​ഭി​ച്ചി​രു​ന്ന​ത്. പി​ന്നീ​ട് സ്വാ​ത​ന്ത്ര്യാ​ന​ന്ത​രം ഗ്രോ ​മോ​ർ ഫു​ഡ് പ​ദ്ധ​തി അ​വ​സാ​നി​ച്ചെ​ങ്കി​ലും കൃ​ഷി​യും ഉ​പ​ജീ​വ​ന​വു​മാ​യി പാ​ട്ടം ന​ൽ​കി ക​ർ​ഷ​ക​ർ ത​ങ്ങ​ളു​ടെ ഭൂ​മി​യി​ൽ ക​ഴി​ഞ്ഞു പോ​ന്നു. അ​ട​ച്ച പാ​ട്ട​ത്തു​ക 90 രൂ​പ​യാ​ണ്. അ​തി​ന്‍റെ ര​സീ​തു​ണ്ട്. ബ്രി​ട്ടീ​ഷ് സ​ർ​ക്കാ​ർ ലീ​സി​നു ന​ൽ​കി​യാ​താ​യു​ള്ള രേ​ഖ ക​ർ​ഷ​ക​രു​ടെ കൈ​വ​ശ​മി​ല്ലെ​ന്നാ​ണ് അ​റി​വ്. എ​ന്നാ​ൽ, ത​ല​വ​രി​പ്പ​ണം അ​ട​ച്ച​തി​ന്‍റെ ര​സീ​തു​ണ്ടെ​ന്നു ചി​ല​ർ പ​റ​യു​ന്നു.

ര​ണ്ടു പ​തി​റ്റാ​ണ്ടു മു​ൻ​പു വ​രെ പാ​ട്ട​ത്തു​ക സ്വീ​ക​രി​ച്ചി​രു​ന്നു. കാ​ലാ​വ​ധി ക​ഴി​ഞ്ഞെ​ന്നു പ​റ​ഞ്ഞ് ഇ​പ്പോ​ൾ സ്വീ​ക​രി​ക്കു​ന്നി​ല്ല. അ​പേ​ക്ഷി​ച്ച​വ​ർ​ക്കു നേ​ര​ത്തെ വൈ​ദ്യു​തി ല​ഭി​ച്ചി​രു​ന്നു. ഇ​പ്പോ​ൾ വീ​ടു നി​ർ​മി​ക്കാ​ൻ പോ​ലും അ​നു​മ​തി ന​ൽ​കു​ന്നി​ല്ല. സ​മ്മ​ത​മി​ല്ലാ​തെ ഫ​ല​വൃ​ക്ഷ​ത്തൈ​ക​ൾ ന​ടാ​ൻ ക​ഴി​യാ​ത്ത സ്ഥി​തി.

കേ​ന്ദ്ര സ​ർ​ക്കാ​ർ ക​ർ​ഷ​ക​ർ​ക്ക് പ്ര​ഖ്യാ​പി​ച്ച 2000 രൂ​പ ലീ​സ് ക​ർ​ഷ​ക​രി​ൽ നി​ന്നു തി​രി​ച്ചു​പി​ടി​ക്കാ​നു​ള്ള ന​ട​പ​ടി​ക​ളെ​ടു​ത്തു വ​രി​ക​യാ​ണെ​ന്നാ​ണ് അ​റി​യു​ന്ന​ത്. ഭൂ​മി​ക്കു രേ​ഖ​യി​ല്ലാ​ത്ത​തി​നാ​ൽ നൂ​റു ക​ണ​ക്കി​ന് കു​ടും​ബ​ങ്ങ​ളാ​ണ് വ​ലി​യ ബു​ദ്ധി​മു​ട്ടി​ൽ ക​ഴി​യു​ന്ന​ത്.

Copyright @ 2022 , Rashtra Deepika Ltd.