അമേഠി, റായ്ബറേലി സീറ്റുകളിൽ തീരുമാനം ഇന്ന് : Deepika.com National News |

Click here for detailed news of all items

അമേഠി, റായ്ബറേലി സീറ്റുകളിൽ തീരുമാനം ഇന്ന്

Sunday, April 28, 2024 1:38 AM IST

ന്യൂഡൽഹി: ഉത്തർപ്രദേശിലെ അമേഠി, റായ്ബറേലി സീറ്റുകളിൽ മത്സരിക്കുന്ന സ്ഥാനാർഥികളെ കോൺഗ്രസ് ഇന്നു പ്രഖ്യാപിച്ചേക്കും. ഇക്കാര്യം ചർച്ച ചെയ്യുന്നതിനായി ഇന്നലെ രാത്രിയിൽ പാർട്ടി ആസ്ഥാനത്ത് കേന്ദ്ര തെരഞ്ഞെടുപ്പ് സമിതി യോഗം ചേർന്നു.

എന്നാൽ, തീരുമാനം ഇന്നു പ്രഖ്യാപിക്കുമെന്നാണ് നേതാക്കൾ നൽകിയ സൂചന. റായ്ബറേലിയിൽനിന്ന് പ്രിയങ്ക ഗാന്ധിയും അമേഠിയിൽനിന്ന് രാഹുലും മത്സരിക്കണമെന്ന് പാർട്ടി യുപി ഘടകത്തിൽനിന്ന് ആവശ്യം ശക്തമാണെങ്കിലും കേന്ദ്രനേതൃത്വത്തിൽ ഭിന്നാഭിപ്രായമുണ്ട്. ഒരു കുടുംബത്തിൽനിന്ന് രണ്ടുപേർ മത്സരിക്കേണ്ടെന്ന നിലപാടിലാണത്രെ ചില നേതാക്കൾ.

പ്രിയങ്ക പ്രചാരണത്തിൽ സജീവമായാൽ മതിയെന്നും മത്സരിക്കേണ്ടെന്നും സോണിയഗാന്ധി നിർദേശിച്ചതായും റിപ്പോർട്ടുണ്ട്.

അതേസമയം, രാഹുലിന്‍റെയും പ്രിയങ്കയുടെയും സ്ഥാനാർഥിത്വം സംബന്ധിച്ച ചോദ്യത്തിന് ആസാമിലെ ഗോഹട്ടിയിൽ പ്രതികരിക്കവെ, ഏതാനും ദിവസംകൂടി കാത്തിരിക്കൂവെന്നായിരുന്നു കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ പ്രതികരണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.