ടാ​റിം​ഗ് ന​ട​ത്തി അ​ഞ്ചു​ദി​വ​സം പി​ന്നി​ടും​മു​മ്പേ മു​പ്പ​ത്ത​ഞ്ചാം​മൈ​ൽ-​നെ​ടു​മ്പാ​ശേ​രി റോ​ഡ് ത​ക​ർ​ന്നു
Friday, June 14, 2024 10:52 PM IST
മു​ണ്ട​ക്ക​യം: ടാ​റിം​ഗ് ന​ട​ത്തി അ​ഞ്ചു​ദി​വ​സം പി​ന്നി​ടും​മു​മ്പേ ത​ക​ർ​ന്ന് മു​പ്പ​ത്ത​ഞ്ചാം​മൈ​ൽ-​കൂ​ട്ടി​ക്ക​ൽ-​നെ​ടു​മ്പാ​ശേ​രി റോ​ഡ്. മ​ല​യോ​ര മേ​ഖ​ല​യു​ടെ വി​ക​സ​നം ല​ക്ഷ്യ​മാ​ക്കി ആ​വി​ഷ്ക​രി​ച്ച റോ​ഡാ​ണി​ത്. സം​സ്ഥാ​ന ഹൈ​വേ​യാ​യി ഉ​യ​ർ​ത്തി​യ റോ​ഡി​ന്‍റെ ന​വീ​ക​ര​ണ​ത്തി​ന് 10 കോ​ടി രൂ​പ​യാ​ണ് അ​നു​വ​ദി​ച്ച​ത്. ഈ​രാ​റ്റു​പേ​ട്ട-​ചോ​ല​ത്ത​ടം-​കൂ​ട്ടി​ക്ക​ൽ വ​രെ​യു​ള്ള ഭാ​ഗ​ങ്ങ​ളി​ലെ റോ​ഡി​ന്‍റെ നി​ർ​മാ​ണം ഏ​താ​ണ്ട് പൂ​ർ​ത്തി​യാ​യി​ട്ടു​ണ്ട്. ഇ​പ്പോ​ൾ കൂ​ട്ടി​ക്ക​ൽ ച​പ്പാ​ത്ത്-​കൊ​ക്ക​യാ​ർ-​മു​പ്പ​ത്ത​ഞ്ചാം​മൈ​ൽ റോ​ഡി​ന്‍റെ നി​ർ​മാ​ണ​മാ​ണ് ന​ട​ക്കു​ന്ന​ത്.

എ​ന്നാ​ൽ, റോ​ഡ് നി​ർ​മാ​ണ​ത്തി​നെ​തി​രേ വ്യാ​പ​ക പ​രാ​തി​യാ​ണ് ഉ​യ​രു​ന്ന​ത്. ആ​ദ്യ​ഘ​ട്ട ടാ​റിം​ഗ് ന​ട​ത്തി അ​ഞ്ചു ദി​വ​സം പി​ന്നി​ടും മു​മ്പേ ടാ​റിം​ഗ് പൊ​ളി​ഞ്ഞ​താ​യി പ്ര​ദേ​ശ​വാ​സി​ക​ൾ കു​റ്റ​പ്പെ​ടു​ത്തു​ന്നു.

ഇ​പ്പോ​ൾ റോ​ഡി​ന്‍റെ പ​ല ഭാ​ഗ​ത്തും കി​ലോ​മീ​റ്റ​റോ​ളം ത​ക​ർ​ന്ന നി​ല​യി​ലാ​ണ്. പ​ല സ്ഥ​ല​ങ്ങ​ളി​ലും മെ​റ്റ​ൽ ഇ​ള​കി റോ​ഡി​ൽ നി​ര​ന്ന അ​വ​സ്ഥ​യി​ലാ​ണ്. ഇ​ള​കി​ക്കി​ട​ക്കു​ന്ന മെ​റ്റ​ലി​ൽ തെ​ന്നി ഇ​രു​ച​ക്ര വാ​ഹ​ന​ങ്ങ​ള​ട​ക്കം അ​പ​ക​ട​ത്തി​ൽ​പ്പെ​ടു​ന്ന​തും പ​തി​വാ​യി​ട്ടു​ണ്ട്. റോ​ഡി​ന്‍റെ വ​ശ​ങ്ങ​ളി​ലെ പ​ല​ഭാ​ഗ​വും ടാ​റിം​ഗി​ന്‍റെ അ​പ​ര്യാ​പ്ത​ത മൂ​ലം മ​ഴ​യി​ൽ ഒ​ഴു​കി​പ്പോ​യ നി​ല​യി​ലാ​ണ്.

ത​മി​ഴ്നാ​ട്, കു​മ​ളി തു​ട​ങ്ങി​യ ദൂ​ര​ദേ​ശ​ങ്ങ​ളി​ൽ നി​ന്നു വ​രു​ന്ന​വ​ർ​ക്ക് നെ​ടു​മ്പാ​ശേ​രി​യി​ലേ​ക്ക് എ​ളു​പ്പ​ത്തി​ൽ എ​ത്തു​വാ​നു​ള്ള പ്ര​ധാ​ന മാ​ർ​ഗ​മാ​ണി​ത്. ദേ​ശീ​യ​പാ​ത​യ്ക്ക് സ​മാ​ന്ത​ര ഉ​പ​യോ​ഗി​ക്കാ​വു​ന്ന റോ​ഡ് കൊ​ക്ക​യാ​ർ ഹ​യ​ർ സെ​ക്ക​ൻ​ഡ​റി സ്കൂ​ൾ, ടൂ​റി​സം മേ​ഖ​ല​ക​ളാ​യ ഉ​ടു​മ്പി​ക്ക​ര, വെ​മ്പി വെ​ള്ള​ച്ചാ​ട്ടം തു​ട​ങ്ങി​യ മേ​ഖ​ല​ക​ളി​ലേ​ക്കു​ള്ള പ്ര​ധാ​ന സ​ഞ്ചാ​ര​മാ​ർ​ഗം കൂ​ടി​യാ​ണ്. ആ​ദ്യ​ഘ​ട്ട ടാ​റിം​ഗ് ന​ട​ത്തി ദി​വ​സ​ങ്ങ​ൾ പി​ന്നി​ടും മു​മ്പേ ടാ​റിം​ഗ് ഇ​ള​കി മാ​റി​യ​തി​ൽ വ്യാ​പ​ക പ്ര​തി​ഷേ​ധ​മാ​ണ് ഉ​യ​രു​ന്ന​ത്.

എ​ന്നാ​ൽ ര​ണ്ടാം​ഘ​ട്ട ടാ​റിം​ഗ് ന​ട​ക്കു​ന്ന​തോ​ടു​കൂ​ടി നി​ല​വി​ലെ പ്ര​ശ്ന​ത്തി​ന് പ​രി​ഹാ​ര​മാ​കു​മെ​ന്നാ​ണ് അ​ധി​കൃ​ത​ർ ന​ൽ​കു​ന്ന വി​ശ​ദീ​ക​ര​ണം.

Copyright @ 2022 , Rashtra Deepika Ltd.