വ​ന്ധ്യം​ക​ര​ണ ന​ട​പ​ടി​ക​ള്‍ പാ​ളു​ന്നു : ന​ഗ​ര-​ഗ്രാ​മ ഭേ​ദ​മെ​ന്യേ തെ​രു​വു​നാ​യ​ക്കൂ​ട്ട​ങ്ങ​ള്‍ ഭീ​ഷ​ണി
Friday, June 14, 2024 6:58 AM IST
ച​ങ്ങ​നാ​ശേ​രി: തെ​രു​വുനാ​യ​ക്കൂ​ട്ട​ങ്ങ​ള്‍ നാ​ട്ടു​കാ​ര്‍ക്കു ഭീ​ഷ​ണി. വ​ന്ധ്യം​ക​ര​ണ ന​ട​പ​ടി​ക​ള്‍ പാ​ളു​ന്നു. ത​ദ്ദേ​ശ​ഭ​ര​ണ സം​വി​ധാ​ന​ങ്ങ​ള്‍ നി​സം​ഗ​ത പു​ല​ര്‍ത്തു​മ്പോ​ള്‍ ജ​ന​ങ്ങ​ള്‍ ക​ടു​ത്ത ആ​ശ​ങ്ക​യി​ല്‍.

ഗ്രാ​മ​ങ്ങ​ളി​ലും ന​ഗ​ര​ങ്ങ​ളി​ലും തെ​രു​വു​നാ​യ്ക്ക​ള്‍ കൂ​ട്ട​ത്തോ​ടെ വി​ഹ​രി​ക്കു​ന്ന​ത് വി​ദ്യാ​ര്‍ഥി​ക​ള​ട​ക്ക​മു​ള്ള​വ​ര്‍ക്കാ​ണ് ഭീ​ഷ​ണി​യാ​കു​ന്ന​ത്. എ​ബി​സി പ​ദ്ധ​തി​ക്കാ​യു​ള്ള ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ ഫ​ണ്ട് തീ​ര്‍ന്ന​തും തെ​ര​ഞ്ഞെ​ടു​പ്പ് ച​ട്ടം നി​ല​നി​ല്‍ക്കു​ന്ന​തി​നാ​ല്‍ പു​തു​താ​യി ഫ​ണ്ട് അ​നു​വ​ദി​ക്കാ​ത്ത​തു​മാ​ണ് പ്ര​തി​സ​ന്ധി​ക്കു കാ​ര​ണ​മാ​യി ചൂ​ണ്ടി​ക്കാ​ണി​ക്ക​പ്പെ​ടു​ന്ന​ത്.

ന​ഗ​ര​ത്തി​ലെ​യും സ​മീ​പ ഗ്രാ​മ​ങ്ങ​ളി​ലെ​യും മാം​സ, മ​ത്സ്യ മാ​ര്‍ക്ക​റ്റു​ക​ളു​ടെ​യും കോ​ഴി വി​ല്പ​ന​ശാ​ല​ക​ളു​ടെ​യും സ​മീ​പ​ങ്ങ​ളി​ലാ​ണ് തെ​രു​വ് നാ​യ്ക്ക​ൾ വി​ഹ​രി​ക്കു​ന്ന​ത്. ന​ഗ​ര​ത്തി​ലെ ബ​സ് സ്റ്റാ​ന്‍ഡു​ക​ളി​ല്‍ തെ​രു​വ് നാ​യ്ക്ക​ള്‍ യാ​ത്ര​ക്കാ​ര്‍ക്ക് ശ​ല്യ​മാ​യി​രി​ക്കു​ക​യാ​ണ്.

നാ​യ്ക്ക​ളു​ടെ വ​ന്ധ്യം​ക​ര​ണ ന​ട​പ​ടി​ക​ള്‍ നി​ല​ച്ചി​ട്ട് മാ​സ​ങ്ങ​ള്‍ പി​ന്നി​ട്ട​താ​യാ​ണ് പ​രാ​തി ഉ​യ​രു​ന്ന​ത്. വി​വി​ധ സ്ഥ​ല​ങ്ങ​ളി​ല്‍ രാ​വി​ലെ സ്‌​കൂ​ളു​ക​ള്‍ തു​റ​ക്കാ​നെ​ത്തു​മ്പോ​ള്‍ വ​രാ​ന്ത​യി​ലും മു​റ്റ​ത്തും നാ​യ്ക്ക​ള്‍ കൂ​ട്ട​മാ​യി വി​ഹ​രി​ക്കു​ന്ന​ത് പ​തി​വ് കാ​ഴ്ച​യാ​ണ്. പു​ഴ​വാ​ത് ഗ​വ​ൺ​മെ​ന്‍റ് യു​പി സ്‌​കൂ​ൾ പ​രി​സ​രം തെ​രു​വു​നാ​യ്ക്ക​ളു​ടെ വി​ഹാ​ര​കേ​ന്ദ്ര​മാ​യ​താ​യി പ​രാ​തി​യു​ണ്ട്.

ആ​ന​ന്ദ​പു​രം ക്ഷേ​ത്ര​ത്തി​നു സ​മീ​പം ക​ഴി​ഞ്ഞ​ദി​വ​സം കാ​ല്‍ന​ട​യാ​ത്ര​ക്കാ​ര​നു തെ​രു​വു​നാ​യ​യു​ടെ ക​ടി​യേ​റ്റ സം​ഭ​വ​മു​ണ്ടാ​യി.

ച​ങ്ങ​നാ​ശേ​രി ബൈ​പാ​സി​ല്‍ തെ​രു​വു​നാ​യ്ക്ക​ളുടെ ശ​ല്യം വ​ര്‍ധി​ച്ച​ത് പ്ര​ഭാ​തസ​വാ​രി​ക്കാ​ര്‍ക്കും ഇ​രു​ച​ക്ര​വാ​ഹ​ന സ​ഞ്ചാ​രി​ക​ള്‍ക്കും വ​ലി​യ ഭീ​ഷ​ണി​യാ​ണ്.

Copyright @ 2022 , Rashtra Deepika Ltd.