റോ​ഡി​ൽ വീ​ണ ഓ​യി​ലി​ല്‍ തെ​ന്നി ബൈ​ക്കു​ക​ള്‍ മ​റി​ഞ്ഞ് അ​പ​ക​ടം
Friday, June 14, 2024 6:50 AM IST
ക​ടു​ത്തു​രു​ത്തി: ഓ​ട്ട​ത്തി​നി​ടെ വാ​ഹ​ന​ത്തി​ല്‍നി​ന്നും റോ​ഡി​ലൊ​ഴു​കി​യ ഓ​യി​ലി​ല്‍ തെ​ന്നി നി​യ​ന്ത്ര​ണം വി​ട്ട് ബൈ​ക്കു​ക​ള്‍ മ​റി​ഞ്ഞ് അ​പ​ക​ടം. ക​ടു​ത്തു​രു​ത്തി ടൗ​ണി​ല്‍ ഇ​ന്ന​ലെ രാ​വി​ലെ​യാ​യി​രു​ന്നു സം​ഭ​വം. ഒ​ടു​വി​ല്‍ ഫ​യ​ര്‍ഫോ​ഴ്സെ​ത്തി റോ​ഡ് ക​ഴു​കി​യാ​ണ് ഓ​യി​ല്‍ നീ​ക്കം ചെ​യ്ത​ത്.

ക​ടു​ത്തു​രു​ത്തി ടൗ​ണി​ല്‍ പെ​രു​വ ഭാ​ഗ​ത്തേ​ക്ക് വാ​ഹ​ന​ങ്ങ​ള്‍ തി​രി​യു​ന്ന വ​ള​വി​ന് സ​മീ​പ​മാ​ണ് റോ​ഡി​ല്‍ ഓ​യി​ല്‍ ഒ​ഴു​കി​പ്പ​ട​ര്‍ന്ന​ത്. ഓ​ട്ട​ത്തി​നി​ടെ ഏ​തോ വാ​ഹ​ന​ത്തി​ല്‍ നി​ന്ന് ഓ​യി​ല്‍ റോ​ഡി​ലേ​ക്ക് ഒ​ഴു​കു​ക​യാ​യി​രു​ന്നു. ഓ​യി​ല്‍ പ​ട​ര്‍ന്ന​തോ​ടെ ക​ടു​ത്തു​രു​ത്തി​യി​ല്‍നി​ന്നും വൈ​ക്കം ഭാ​ഗ​ത്തേ​ക്കു പോ​യ മൂ​ന്ന് ഇ​രു​ച​ക്ര വാ​ഹ​ന​ങ്ങ​ള്‍ റോ​ഡി​ല്‍ മ​റി​ഞ്ഞു.

യാ​ത്ര​ക്കാ​ര്‍ നി​സാ​ര പ​രി​ക്കു​ക​ളോ​ടെ ര​ക്ഷ​പ്പെ​ട്ടു. കൂ​ടു​ത​ല്‍ വാ​ഹ​ന​ങ്ങ​ള്‍ ക​ട​ന്നു​പോ​യ​പ്പോ​ള്‍ ഓ​യി​ല്‍ റോ​ഡി​ല്‍ കൂ​ടു​ത​ല്‍ ഭാ​ഗ​ത്തേ​ക്ക് പ​ട​രു​ക​യാ​യി​രു​ന്നു. ഇ​തോ​ടെ ഈ ​ഭാ​ഗ​ത്തെ ഓ​ട്ടോ​റി​ക്ഷാ ഡ്രൈ​വ​ര്‍മാ​ര്‍ റോ​ഡി​ലി​റ​ങ്ങി ഇ​രു​ച​ക്ര വാ​ഹ​ന യാ​ത്ര​ക്കാ​ര്‍ക്ക് അ​പ​ക​ട​മു​ന്ന​റി​യി​പ്പ് ന​ല്‍കി.

ഇ​വ​ര്‍ അ​റി​യി​ച്ച​തി​നെ​ത്തു​ട​ര്‍ന്ന് ക​ടു​ത്തു​രു​ത്തി പോലീ​സും സ്ഥ​ല​ത്തെ​ത്തി ഗ​താ​ഗ​തം നി​യ​ന്ത്രി​ക്കു​ക​യും ഫ​യ​ര്‍ഫോ​ഴ്സി​നെ വി​വ​ര​മ​റി​യി​ക്കു​ക​യു​മാ​യി​രു​ന്നു. തു​ട​ര്‍ന്ന് ഫ​യ​ര്‍ ഫോ​ഴ്‌​സെ​ത്തി സോ​പ്പു​പൊ​ടി വി​ത​റി റോ​ഡ് ക​ഴു​കി ഓ​യി​ല്‍ നീ​ക്കം ചെ​യ്തു. ഒ​രു മ​ണി​ക്കൂ​റോ​ളം നീ​ണ്ട പ​രി​ശ്ര​മ​ത്തി​ലാ​ണ് റോ​ഡി​ലെ ഓ​യി​ല്‍ നീ​ക്കം ചെ​യ്ത് അ​പ​ക​ട​സാ​ധ്യ​ത ഒ​ഴി​വാ​ക്കാ​നാ​യ​ത്.

Copyright @ 2022 , Rashtra Deepika Ltd.