മു​ണ്ട​ക്ക​യം വെ​ള്ള​നാ​ടി ചെ​ക്ക്ഡാ​മി​ലെ മ​ണ​ൽ നീ​ക്കാ​ൻ ന​ട​പ​ടി
Thursday, June 13, 2024 10:52 PM IST
മു​ണ്ട​ക്ക​യം: മ​ഴ​ക്കാ​ല​ത്ത് മു​ണ്ട​ക്ക​യം ടൗ​ണി​ൽ വെ​ള്ള​പ്പൊ​ക്ക​ത്തി​നും വേ​ന​ൽ​ക്കാ​ല​ത്ത് കു​ടി​വെ​ള്ള ക്ഷാമത്തിനും കാരണമായി മ​ണി​മ​ല​യാ​റ്റി​ലെ വെ​ള്ള​നാ​ടി ചെ​ക്ക് ഡാ​മി​ൽ അ​ടി​ഞ്ഞു​കൂ​ടി​കി​ട​ക്കു​ന്ന മ​ണ​ൽ നീ​ക്കാ​ൻ ന​ട​പ​ടി​യാ​യി.

മേ​ജ​ർ ഇ​റി​ഗേ​ഷ​ൻ വ​കു​പ്പി​ന്‍റെ നേ​തൃ​ത്വ​ത്തി​ൽ മ​ണ​ൽ ലേ​ലം ചെ​യ്ത് ന​ൽ​കി. വെ​ള്ള​പ്പൊ​ക്ക ഭീ​ഷ​ണി ഒ​ഴി​വാ​ക്കു​വാ​നാ​യി പ​ഞ്ചാ​യ​ത്തി​ന്‍റെ നി​ര​ന്ത​ര ഇ​ട​പെ​ട​ലി​നെ​ത്തു​ട​ർ​ന്നാ​ണ് പ്ര​ത്യേ​ക അ​നു​മ​തി​യോ​ടെ മ​ണ​ൽ നീ​ക്കാ​ൻ ന​ട​പ​ടി​യാ​യ​ത്. ടാ​ക്സ് ഉ​ൾ​പ്പെ​ടെ 1.32 കോ​ടി രൂ​പ​യ്ക്കാ​ണ് മ​ണ​ൽ ലേ​ലം ചെ​യ്ത​ത്.

പ​ത്ത​നം​തി​ട്ട ഇ​റി​ഗേ​ഷ​ൻ വ​കു​പ്പ് എ​ക്സി​ക്യൂ​ട്ടീ​വ് എ​ൻ​ജി​നി​യ​ർ ഡോ. ​പി.​എ​സ്. കോ​ശി​യു​ടെ നേ​തൃ​ത്വ​ത്തി​ലാ​ണ് ലേ​ല ന​ട​പ​ടി​ക​ൾ ന​ട​ന്ന​ത്. മു​ണ്ട​ക്ക​യം വെ​ള്ള​നാ​ടി ചെ​ക്ക് ഡാ​മി​ന് സ​മീ​പ​ത്ത് ന​ട​ന്ന ലേ​ല​ത്തി​ൽ മു​ണ്ട​ക്ക​യം പ​ഞ്ചാ​യ​ത്ത് പ്ര​സി​ഡ​ന്‍റ് രേ​ഖ ദാ​സ്, സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​മാ​ൻ സി.​വി. അ​നി​ൽ​കു​മാ​ർ, പ​ഞ്ചാ​യ​ത്തം​ഗ​ങ്ങ​ൾ, ഇ​റി​ഗേ​ഷ​ൻ വ​കു​പ്പ് ഉ​ദ്യോ​ഗ​സ്ഥ​ർ തു​ട​ങ്ങി​യ​വ​ർ പ​ങ്കെ​ടു​ത്തു.

2021 ഒ​ക്ടോ​ബ​ർ 16നു​ണ്ടാ​യ മ​ഹാ​പ്ര​ള​യ​ത്തി​ലാ​ണ് മ​ണി​മ​ല​യാ​റ്റി​ലും പു​ല്ല​ക​യാ​റ്റി​ലും ക​ല്ലും ചെ​ളി​യും മ​ണ​ലും കൂ​ടു​ത​ലാ​യി വ​ന്ന​ടി​ഞ്ഞ​ത്. ചെ​ക്കു​ഡാ​മി​ൽ മ​ണ​ൽ നി​റ​ഞ്ഞ​തോ​ടെ പ്ര​ദേ​ശ​ത്ത് മ​ഴ​ക്കാ​ല​ത്ത് വെ​ള്ള​പ്പൊ​ക്ക​വും വേ​ന​ൽ​ക്കാ​ല​ത്ത് കു​ടി​വെ​ള്ള​ക്ഷാ​മ​വും രൂ​ക്ഷ​മാ​യി​രു​ന്നു.

തു​ട​ർ​ച്ച​യാ​യി ര​ണ്ടു​ദി​വ​സം മ​ഴ​പെ​യ്താ​ൽ ചെ​ക്ക്ഡാ​മി​ന്‍റെ മു​ക​ൾ​ഭാ​ഗ​ത്ത് ജ​ല​നി​ര​പ്പ് പെ​ട്ടെ​ന്ന് ഉ​യ​രു​ക​യും അ​പ​ക​ട​ഭീ​ഷ​ണി ഉ​യ​ർ​ത്തു​ക​യും ചെ​യ്തി​രു​ന്നു. ചെ​ക്ക്ഡാ​മി​ൽ മ​ണ​ൽ വ​ന്ന് മൂ​ടി​യ​തോ​ടെ ഇ​തി​നെ ആ​ശ്ര​യി​ച്ച് പ്ര​വ​ർ​ത്തി​ച്ചി​രു​ന്ന കു​ടി​വെ​ള്ള പ​ദ്ധ​തി​ക​ളും പ്ര​തി​സ​ന്ധി​യി​ലാ​യി​രു​ന്നു. ക​യ​ങ്ങ​ൾ മ​ണ​ൽ വ​ന്നു മൂ​ടി​യ​തോ​ടെ വേ​ന​ൽ​ക്കാ​ല​ത്ത് ഇ​വി​ടെ​നി​ന്നു പ​മ്പ് ചെ​യ്യാ​ൻ ജ​ല​മി​ല്ലാ​ത്ത അ​വ​സ്ഥ​യാ​യി​രു​ന്നു.

ക​ഴി​ഞ്ഞ മാ​ർ​ച്ച്‌, ഏ​പ്രി​ൽ മാ​സ​ങ്ങ​ളി​ൽ മു​ണ്ട​ക്ക​യം ടൗ​ണി​ലും പ​രി​സ​ര​പ്ര​ദേ​ശ​ങ്ങ​ളി​ലും കു​ടി​വെ​ള്ള​മെ​ത്തി​ക്കു​ന്ന പ്ര​ധാ​ന ജ​ല​വി​ത​ര​ണ പ​ദ്ധ​തി​ക​ളെ​ല്ലാം പ്ര​വ​ർ​ത്ത​നം നി​ല​ച്ചി​രു​ന്നു. ചെ​ക്ക്ഡാ​മി​ലെ മ​ണ​ൽ നീ​ക്കം ചെ​യ്താ​ൽ പ്ര​ദേ​ശ​ത്തെ വെ​ള്ള​പ്പൊ​ക്ക ഭീ​ഷ​ണി​ക്കൊ​പ്പം ജ​ല​വി​ത​ര​ണ പ​ദ്ധ​തി​ക​ളു​ടെ പ്ര​വ​ർ​ത്ത​ന​വും സു​ഗ​മ​മാ​കു​മെ​ന്ന് പ്ര​തീ​ക്ഷ​യാ​ണ് നാ​ട്ടു​കാ​ർ​ക്കു​ള്ള​ത്.

Copyright @ 2022 , Rashtra Deepika Ltd.