Choclate
Chocolate
സൂപ്പർ ടീച്ചർ‌
രാ​ജ്യ​ത്ത് സാ​ന്പ​ത്തി​ക​മാ​യും സാ​മൂ​ഹി​ക​മാ​യും ഏ​റ്റ​വും പി​ന്നി​ൽ നി​ൽ​ക്കു​ന്ന സം​സ്ഥാ​നം, ഇ​ന്ത്യാ മ​ഹാ​രാ​ജ്യ​ത്തി​ന്‍റെ നി​ത്യ​രോ​ഗി - ബി​ഹാ​ർ. എ​ന്നാ​ൽ, ഇ​പ്പോ​ൾ രാ​ജ്യ​ത്തെ ത​ന്നെ പ്ര​മു​ഖ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ പ്ര​വേ​ശ​നം നേ​ടു​ന്ന​വ​രി​ൽ പ​ത്തി​ലൊ​രാ​ൾ ബി​ഹാ​റി​യാ​യി​രി​ക്കും. സി​വി​ൽ സ​ർ​വീ​സ​സ് പ്ര​വേ​ശ​നം നേ​ടു​ന്ന ബി​ഹാ​റി​ക​ളു​ടെ എ​ണ്ണ​വും വ​ർ​ധി​ച്ചു. ഇ​ത് അ​വ​ർ എ​ങ്ങി​നെ നേ​ടി, അ​തി​ന്‍റെ കാ​ര​ണ​മെ​ന്ത്? ഉ​ത്ത​രം ഇ​യാ​ളെ​പ്പോ​ലെ​യു​ള്ള ചി​ല​രാ​ണ്. സ്വ​യം ച​രി​ത്ര​മാ​കു​ന്ന ചി​ല​ർ, അ​വ​രെ തേ​ടി സി​നി​മാ​ക്കാ​രു​മെ​ത്തി. അ​വ​രു​ടെ ക​ഥ സി​നി​മ​യാ​ക്കാ​ൻ. 2002 മു​ത​ൽ എ​ല്ലാ​ വ​ർ​ഷ​വും രാ​ജ്യ​ത്തി​നു സൂ​പ്പ​ർ 30 എ​ന്ന അ​ദ്ഭു​തം കാ​ണി​ച്ചു​ത​രു​ന്ന ആ​ന​ന്ദ്കു​മാ​ർ (46) എ​ന്ന ക​ണ​ക്കു​സാ​റി​ന്‍റെ ക​ഥ​യാ​ണി​ത്.

സൂ​പ്പ​ർ 30

2008, രാ​ജ്യ​ത്തെ പ്ര​ശ​സ്ത​മാ​യ ഐ​ഐ​ടി​ക​ളി​ലേ​ക്കു​ള്ള (ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി) പ്ര​വേ​ശ​ന പ​രീ​ക്ഷ​യാ​യ ജോ​യി​ന്‍റ് എ​ൻ​ട്ര​ൻ​സ് എ​ക്സാ​മി​നേ​ഷ​ൻ (ജെ​ഇ​ഇ) ഫ​ലം, ഐ​ഐ​ടി പ​ഠ​ന യോ​ഗ്യ​ത നേ​ടി​യ​വ​രി​ൽ 30 പേ​ർ ബി​ഹാ​റി​ലെ ഒ​രു കോ​ച്ചിം​ഗ് സെ​ന്‍റ​റി​ൽ​നി​ന്നു​ള്ള വി​ദ്യാ​ർ​ഥി​ക​ൾ. സാ​ന്പ​ത്തി​ക​മാ​യി പി​ന്നോ​ക്കം നി​ൽ​ക്കു​ന്ന 30 വി​ദ്യാ​ർ​ഥി​ക​ൾ​ക്ക് സൗ​ജ​ന്യ​മാ​യി ജെ​ഇ​ഇ കോ​ച്ചിം​ഗ് ന​ൽ​കു​ന്ന സൂ​പ്പ​ർ 30ൽ ​നി​ന്നു​ള്ള​വ​രാ​യി​രു​ന്നു ഇ​വ​ർ.

സൂ​പ്പ​ർ 30യു​ടെ ക​ഥ

ബി​ഹാ​റി​ലെ സാ​ധാ​ര​ണ കു​ടും​ബ​ത്തി​ൽ ജ​നി​ച്ച ആ​ന​ന്ദ്കു​മാ​റി​ന് ചെ​റു​പ്പ​ത്തി​ലെ ക​ണ​ക്കു​പ​ഠ​നം വ​ലി​യ ഇ​ഷ്ട​മാ​യി​രു​ന്നു. ത​പാ​ൽ വ​കു​പ്പ് ജീ​വ​ന​ക്കാ​ര​നാ​യ അ​ച്ഛ​നു മ​ക​നെ ന​ഗ​ര​ത്തി​ലെ പ്രൈ​വ​റ്റ് സ്കൂ​ളി​ൽ ചേ​ർ​ത്തു പ​ഠി​പ്പി​ക്കു​ന്ന​തി​നു​ള്ള സാ​ന്പ​ത്തി​കം ഉ​ണ്ടാ​യി​രു​ന്നി​ല്ല.

ഹി​ന്ദി മീ​ഡി​യ​ത്തി​ലെ പ​ഠ​ന​ശേ​ഷം ബി​ഹാ​ർ നാ​ഷ​ണ​ൽ കോ​ള​ജി​ൽ​നി​ന്ന് പ്രീ​ഡി​ഗ്രി​യും പാ​റ്റ്ന യൂ​ണി​വേ​ഴ്സി​റ്റി​യി​ൽ​നി​ന്ന് മാ​ത്ത​മാ​റ്റി​ക്സി​ൽ ബി​രു​ദ​വും നേ​ടി. ബി​രു​ദ​സ​മ​യ​ത്തു ത​ന്നെ ന​ന്പ​ർ തി​യ​റി​യി​ൽ ആ​ന​ന്ദ്കു​മാ​ർ എ​ഴു​തി​യ പേ​പ്പ​റു​ക​ൾ മാ​ത്ത​മാ​റ്റി​ക്ക​ൽ സ്പെ​ക്ടം, മാ​ത്ത​മാ​റ്റി​ക്ക​ൽ ഗ​സെ​റ്റ് എ​ന്നീ ജേ​ർ​ണ​ലു​ക​ളി​ൽ പ്ര​സി​ദ്ധീ​ക​രി​ച്ചു.

പ്ര​സി​ദ്ധ​മാ​യ കേം​ബ്രി​ജ് യൂ​ണി​വേ​ഴ്സി​റ്റി​യി​ൽ ആ​ന​ന്ദ്കു​മാ​റി​നു അ​ഡ്മി​ഷ​ൻ ല​ഭി​ച്ചെ​ങ്കി​ലും പി​താ​വി​ന്‍റെ മ​ര​ണ​വും മോ​ശം സാ​ന്പ​ത്തി​കാ​വ​സ്ഥ​യും ത​ട​സ​മാ​യി. ക്രേം​ബ്രി​ജി​ൽ പ​ഠ​ന​ത്തി​നാ​യി ഒ​രു സ്പോ​ണ്‍സ​റെ തേ​ടി അ​ല​ഞ്ഞെ​ങ്കി​ലും ഫ​ല​മു​ണ്ടാ​യി​ല്ല.

അ​നു​ജ​നും അ​മ്മ​യും അ​ട​ങ്ങു​ന്ന കു​ടും​ബ​ത്തെ പോ​റ്റാ​ൻ, അ​മ്മ​യ്ക്കൊ​പ്പം ആ​ന​ന്ദ് പ​പ്പ​ടം വി​ല്പ​ന ആ​രം​ഭി​ച്ചു. ഒ​ഴി​വു സ​മ​യ​ങ്ങ​ളി​ൽ വി​ദേ​ശ മാ​ത്ത​മാ​റ്റി​ക്സ് ജേ​ർ​ണ​ലു​ക​ൾ വാ​യി​ക്കാ​ൻ താ​ത്പ​ര്യ​പ്പെ​ട്ടി​രു​ന്ന ആ​ന​ന്ദ് പാ​റ്റ്ന യൂ​ണി​വേ​ഴ്സി​റ്റി ലൈ​ബ്ര​റി​യി​ൽ ഇ​വ ല​ഭി​ക്കാ​തെ വ​ന്ന​തോ​ടെ വാ​രാ​ണ​സി​യി​ൽ എ​ത്തി ബ​നാ​റ​സ് ഹി​ന്ദു യൂ​ണി​വേ​ഴ്സി​റ്റി ലൈ​ബ്ര​റി​യി​ൽ​നി​ന്ന് ശേ​ഖ​രി​ച്ചു. പ​പ്പ​ട വി​ല്പ​ന​യ്ക്കു​ശേ​ഷം രാ​ത്രി​കാ​ല​ങ്ങ​ളി​ൽ ആ​റു മ​ണി​ക്കൂ​ർ ട്രെ​യി​ൻ യാ​ത്ര ന​ട​ത്തി​യാ​ണ് വാ​രാ​ണ​സി​യി​ൽ എ​ത്തി​യി​രു​ന്ന​ത്.



1992ൽ ​പാ​റ്റ്ന​യി​ലെ വാ​ട​ക മു​റി​യി​ൽ ര​ണ്ടു കു​ട്ടി​ക​ളു​മാ​യി ആ​ന​ന്ദ്കു​മാ​ർ ഗ​ണി​ത​ത്തി​ന് ട്യൂ​ഷ​ൻ ആ​രം​ഭി​ച്ചു. 500 രൂ​പ​യു​ടെ വാ​ട​ക​കെ​ട്ടി​ട​ത്തി​ൽ ആ​രം​ഭി​ച്ച രാ​മാ​നു​ജ​ൻ സ്കൂ​ൾ ഓ​ഫ് മാ​ത്ത​മാ​റ്റി​ക്സ് എ​ന്ന സ്ഥാ​പ​ന​ത്തി​ന്‍റെ വ​ള​ർ​ച്ച പെ​ട്ടെ​ന്നാ​യി​രു​ന്നു. ര​ണ്ടു വി​ദ്യാ​ർ​ഥി​ക​ളി​ൽ​നി​ന്ന് 500 പേ​രി​ലെ​ത്താ​ൻ മൂ​ന്നു വ​ർ​ഷം മാ​ത്ര​മാ​ണെ​ടു​ത്ത​ത്. പി​ന്നീ​ട് രാ​മാ​നു​ജ​ൻ ഇ​ൻ​സ്റ്റി​റ്റ്യൂ​ട്ട് വ​ള​ർ​ന്നു പ​ന്ത​ലി​ച്ചു. പാ​റ്റ്ന​യി​ലും സ​മീ​പ​പ്ര​ദേ​ശ​ങ്ങ​ളി​ലും നി​ന്ന് നി​ര​വധി വി​ദ്യാ​ർ​ഥി​ക​ൾ പ്ര​വേ​ശ​ന പ​രീ​ക്ഷ​യ്ക്കു ത​യാ​റെ​ടു​ക്കാ​ൻ ഇ​ൻ​സ്റ്റി​റ്റ്യൂ​ട്ടി​ലെ​ത്തി.

2000ൽ ​ജെ​ഇ​ഇ പ്ര​വേ​ശ​ന പ​രീ​ക്ഷാ പ​രി​ശീ​ല​ന​ത്തി​ന് ഒ​രു നി​ർ​ധ​ന​വി​ദ്യാ​ർ​ഥി ആ​ന​ന്ദ് കു​മാ​റി​നെ സ​മീ​പിച്ച​തോ​ടെ​യാ​ണ് സൂ​പ്പ​ർ 30 എ​ന്ന ആ​ശ​യം ഉ​ട​ലെ​ടു​ക്കു​ന്ന​ത്. ദ​രി​ദ്ര​സം​സ്ഥാ​ന​മാ​യ ബി​ഹാ​റി​നെ ഉ​ന്ന​ത നി​ല​വാ​ര​ത്തി​ലെ​ത്തി​ക്കു​ന്ന ല​ക്ഷ്യ​ത്തോ​ടെ ആ​ന​ന്ദ്കു​മാ​ർ റി​ട്ട. ഡി​ജി​പി അ​ഭ​യാ​ന​ന്ദി​ന്‍റെ സ​ഹ​ക​ര​ണ​ത്തോ​ടെ 2002ൽ ​സൂ​പ്പ​ർ 30 ആ​രം​ഭി​ച്ചു. സാ​ന്പ​ത്തി​ക​മാ​യി പി​ന്നോ​ക്കം നി​ൽ​ക്കു​ന്ന മി​ടു​ക്ക​രാ​യ 30 വി​ദ്യാ​ർ​ഥി​ക​ളെ ക​ണ്ടെ​ത്തി ജെ​ഇ​ഇ പ​രി​ശീ​ല​നം ന​ൽ​കു​ന്ന​താ​ണ് പ​ദ്ധ​തി.

വി​ദ്യാ​ർ​ഥി​ക​ളെ ആ​ന​ന്ദ് കു​മാ​റി​ന്‍റെ ജ​ക്കാ​ൻ​പു​രി​ലെ വീ​ടി​നു സ​മീ​പ​ത്തെ ടി​ൻ ഷീ​റ്റ് മേ​ഞ്ഞ ഷെ​ഡ്ഡി​ലാ​ണ് പ​രി​ശീ​ലി​പ്പി​ച്ച​ത്. വി​ദ്യാ​ർ​ഥി​ക​ൾ​ക്കു ഭ​ക്ഷ​ണം പാ​കം ചെ​യ്ത് ആ​ന​ന്ദി​ന്‍റെ മാ​താ​വ് ജ​യ​ന്തി​ദേ​വി​യും താ​മ​സൗ​ക​ര്യ​മൊ​രു​ക്കി സ​ഹോ​ദ​ര​ൻ പ്ര​ണ​വ് കു​മാ​റും ആ 30 ​പേ​രെ​യും സൂ​പ്പ​റാ​ക്കി.



2003ലെ ​ജെ​ഇ​ഇ ഫ​ലം പ്ര​സി​ദ്ധീ​ക​രി​ച്ച​പ്പോ​ൾ 30ൽ 18 ​പേ​ർ ഐ​ഐ​ടി പ്ര​വേ​ശ​ന യോ​ഗ്യ​ത നേ​ടി. ഇ​തോ​ടെ സൂ​പ്പ​ർ 30 ച​ർ​ച്ചാ​വി​ഷ​യ​മാ​യി. ആ​ന​ന്ദ്കു​മാ​റി​ന്‍റെ ആ ​മാ​ജി​ക് ന​ന്പ​റി​ൽ ഇ​ടം പി​ടി​ക്കാ​ൻ വി​ദ്യാ​ർ​ഥി​ക​ളു​ടെ തി​ര​ക്കാ​യി. ഇ​തോ​ടെ 30 പേ​രെ ക​ണ്ടെ​ത്താ​ൻ എ​ൻ​ട്ര​സ് പ​രീ​ക്ഷ ആ​രം​ഭി​ച്ചു. 2006 വ​രെ ടി​ൻ​ഷീ​റ്റ് കൂ​ര​യി​ൽ പ്ര​വ​ർ​ത്തി​ച്ചി​രു​ന്ന സൂ​പ്പ​ർ 30 പി​ന്നീ​ട് രാ​മാ​നു​ജ​ൻ ഇ​ൻ​സ്റ്റി​റ്റ്യൂ​ട്ടി​ലേ​ക്ക് മാ​റ്റി.

2004, 2005, 2006, 2007 വ​ർ​ഷ​ങ്ങ​ളി​ൽ യ​ഥാ​ക്ര​മം 22, 24, 26, 28 പേ​ർ ഐ​ഐ​ടി യോ​ഗ്യ​ത നേ​ടി. 2008ൽ 30 ​പേ​രും ഐ​ഐ​ടി യോ​ഗ്യ​ത നേ​ടി സൂ​പ്പ​ർ 30 യാ​ഥാ​ർ​ഥ്യ​മാ​ക്കി. 30 പേ​രും യോ​ഗ്യ​ത നേ​ടി​യ​തോ​ടെ ആ​ന​ന്ദ് കു​മാ​റി​നെ​യും സൂ​പ്പ​ർ 30നെ​യും തേ​ടി ഡി​സ്ക​വ​റി ചാ​ന​ൽ അ​ട​ക്കം വി​ദേ​ശ മാ​ധ്യ​മ​ങ്ങ​ളെ​ത്തി. 30ൽ 30​ഉം ഐ​ഐ​ടി പ്ര​വേ​ശ​നം നേ​ടി​യ​തോ​ടെ ദൗ​ത്യം പൂ​ർ​ത്തി​യാ​യി എ​ന്നു പ്ര​ഖ്യാ​പി​ച്ച് അ​ഭ​യാ​ന​ന്ദ് സൂ​പ്പ​ർ 30ൽ​നി​ന്ന് പി​ൻ​വാ​ങ്ങി. എ​ങ്കി​ലും ആ​ന​ന്ദ് ദൗ​ത്യം തു​ട​രു​ന്നു.

മു​ൻ വ​ർ​ഷ​ങ്ങ​ളി​ൽ ഐ​ഐ​ടി പ്ര​വേ​ശ​നം നേ​ടി​യ​വ​ർ സൂ​പ്പ​ർ 30ന്‍റെ പ​രി​ശീ​ല​ക​രാ​യി ഇ​പ്പോ​ൾ ഇ​ൻ​സ്റ്റി​റ്റ്യൂ​ട്ടി​ലു​ണ്ട്.



അ​പ​വാ​ദ​ങ്ങ​ളും അ​വാ​ർ​ഡും

സൂ​പ്പ​ർ 30ന്‍റെ വി​ശ്വാ​സ്യ​ത ചോ​ദ്യം ചെ​യ്ത് മാ​ധ്യ​മ​ങ്ങ​ള​ട​ക്കം നി​ര​വ​ധി​പ്പേ​ർ രം​ഗ​ത്തെ​ത്തു​ന്നു​ണ്ട്. സൂ​പ്പ​ർ 30 ന്‍റെ പേ​രു​പ​യോ​ഗി​ച്ച് ആ​ന​ന്ദ് കു​മാ​റി​ന്‍റെ രാ​മാ​നു​ജ​ൻ ഇ​ൻ​സ്റ്റി​റ്റ്യൂ​ട്ടി​ലേ​ക്ക് ഉ​യ​ർ​ന്ന ഫീ​സ് വാ​ങ്ങി കു​ട്ടി​ക​ളെ പ്ര​വേ​ശി​പ്പി​ക്കു​ന്നു എ​ന്നാ​ണ് പ്ര​ധാ​ന ആ​രോ​പ​ണം. സൂ​പ്പ​ർ 30 വ​ഴി ഐ​ഐ​ടി പ്ര​വേ​ശ​നം നേ​ടി​യ​വ​രു​ടെ എ​ണ്ണം പ​റ​യാ​തെ പേ​രു​ക​ൾ വെ​ളി​പ്പെ​ടു​ത്തു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ച് നി​ര​വ​ധി ഹ​ർ​ജി​ക​ൾ കോ​ട​തി​യി​ൽ ഫ​യ​ൽ ചെ​യ്തി​ട്ടു​ണ്ട്. എ​ന്നി​രു​ന്നാ​ലും ആ​ന​ന്ദ് കു​മാ​റി​ന്‍റെ ദൗ​ത്യ​ത്തി​ൽ വി​ശ്വാ​സ​മ​ർ​പ്പി​ച്ച് ബി​ഹാ​ർ സ​ർ​ക്കാ​രും നി​ര​വ​ധി സ​ന്ന​ദ്ധ സം​ഘ​ട​ന​ക​ളും സ​ഹാ​യ​ഹ​സ്ത​വു​മാ​യി എ​പ്പോ​ഴും കൂ​ടെ​യു​ണ്ട്.

2010 ലെ ​ടൈം മാ​ഗ​സി​ൻ പു​ര​സ്കാ​രം, യു​എ​സ് പ്ര​സി​ഡ​ന്‍റ് ബ​റാ​ക് ഒ​ബാ​മ​യി​ൽ​നി​ന്നു​ള്ള അ​ഭി​ന​ന്ദ​നം, ലോ​ക​ത്തി​ലെ നാ​ല് മി​ക​ച്ച നൂ​ത​നാ​ശ​യ വി​ദ്യ​ാല​യ​ങ്ങ​ൾ​ക്കു​ള്ള ന്യൂ​സ് വീ​ക്ക് മാ​ഗ​സി​ൻ അ​വാ​ർ​ഡ്, ബി​ഹാ​ർ സ​ർ​ക്കാ​രി​ന്‍റെ മൗ​ലാ​ന അ​ബ്ദു​ൾ ക​ലാം ആ​സാ​ദ് ശി​ഷ്യ പു​ര​സ്കാ​രം എ​ന്നി​വ സൂ​പ്പ​ർ 30 നെ ​തേ​ടി​യെ​ത്തി​യ ബ​ഹു​മ​തി​ക​ളാ​ണ്

സൂ​പ്പ​ർ 30 സി​നി​മ

ആ​ന​ന്ദ്കു​മാ​റി​നെ​യും സൂ​പ്പ​ർ 30 നെ​യും ആ​സ്പ​ദ​മാ​ക്കി ബോ​ളി​വു​ഡ് സം​വി​ധാ​യ​ക​ൻ വി​കാ​സ് ബ​ഹ​ൽ ഒ​രു​ക്കി​യ ചി​ത്ര​മാ​ണ് സൂ​പ്പ​ർ 30. ഋ​ത്വി​ക് റോ​ഷ​നാ​ണ് ആ​ന​ന്ദ് കു​മാ​റാ​യി അ​ഭി​ന​യി​ക്കു​ന്ന​ത്. തി​ര​ക്ക​ഥ​യി​ൽ ആ​ന​ന്ദ്കു​മാ​ർ നി​ർ​ദേ​ശി​ച്ച തി​രു​ത്തു​ക​ളോ​ടെ​യാ​ണ് ചി​ത്രം പൂ​ർ​ത്തീ​ക​രി​ച്ചി​രി​ക്കു​ന്ന​ത്. സൂ​പ്പ​ർ 30 നെ ​സം​ബ​ന്ധി​ച്ചു​ള്ള വി​വാ​ദ​ങ്ങ​ളും ചി​ത്ര​ത്തി​ൽ ഇ​ടം​പി​ടി​ച്ചി​ട്ടു​ണ്ട്.

ആ​ന​ന്ദ് കു​മാ​ർ കു​ട്ടി​ക​ളെ പ​ഠി​പ്പി​ക്കു​ന്ന​തി​ന്‍റെ 150 മ​ണി​ക്കൂ​ർ വീ​ഡി​യോ ആ​ദ്യം ചി​ത്രീ​ക​രി​ച്ചി​രു​ന്നു. ഈ ​വീ​ഡി​യോ​യു​ടെ സ​ഹാ​യ​ത്തോ​ടെ​യാ​ണ് ഋ​ത്വി​ക് റോ​ഷ​ൻ ആ​ന​ന്ദ് കു​മാ​റാ​യി മാ​റി​യ​ത്. ഒ​രു വ​ർ​ഷ​ത്തെ ത​യാ​റെ​ടു​പ്പി​ൽ ഋ​ത്വി​ക് ത​ന്‍റെ രൂ​പ​വും ആ​ന​ന്ദ്കു​മാ​റി​നു സ​മ​മാ​ക്കി.



ചി​ത്ര​ത്തി​ന്‍റെ റി​ലീ​സിം​ഗി​നു ത​ലേ​ന്ന്, ക​ഴി​ഞ്ഞ വ്യാ​ഴാ​ഴ്ച എ​ല്ലാ​വ​രെ​യും ഞെ​ട്ടി​ച്ച് ആ​ന​ന്ദ്കു​മാ​ർ ഒ​രു വെ​ളി​പ്പെ​ടു​ത്ത​ൽ കൂ​ടി ന​ട​ത്തി. ത​ന്‍റെ ത​ല​ച്ചോ​റി​ൽ ഒ​രു മു​ഴ വ​ള​രു​ന്നു​ണ്ടെ​ന്നും അ​ഞ്ചു വ​ർ​ഷം കൂ​ടി​യെ ബാ​ക്കി​യു​ള്ളൂ എ​ന്നു​മാ​യി​രു​ന്നു വെ​ളി​പ്പെ​ടു​ത്ത​ൽ. താ​ൻ ജീ​വി​ച്ചി​രി​ക്കു​ന്പോ​ൾ ത​ന്നെ ത​ന്‍റെ ബ​യോ​പി​ക് കാ​ണാ​ൻ സാ​ധി​ച്ച​തി​ൽ സ​ന്തോ​ഷ​മു​ണ്ടെ​ന്നും അ​ദ്ദേ​ഹം പ​റ​ഞ്ഞു. ആ​ര​ക്ഷ​ണ്‍ എ​ന്ന ചി​ത്ര​ത്തി​ൽ അ​ധ്യാ​പ​ക​നാ​യി അ​ഭി​ന​യി​ക്കാ​ൻ അ​മി​താ​ബ് ബ​ച്ച​നെ പ​രി​ശീ​ലി​പ്പി​ച്ച​തും ആ​ന​ന്ദ്കു​മാ​റാ​ണ്.

സെബിൻ ജോസഫ്