Chocolate

NEWS

തനിക്ക് ചുറ്റും കാണുന്ന പലതിനെയും പേടിയോടെ നോക്കിക്കാണുന്നവരാണ് മനുഷ്യർ. കൂട്ടുകാരുടെ കാര്യം തന്നെയൊന്ന് ഓർത്തുനോക്കു... നിങ്ങളിൽ ചിലർക്ക് പാന്പിനെ പേടിയുണ്ടാകും.
മറ്റുചിലർക്ക് ഇരുട്ടിനെ പേടിയുണ്ടാകും. വേറെ ചിലർക്ക് ഇതൊന്നുമല്ലാതെ സ്കൂളിൽ നടക്കുന്ന പരീക്ഷയെ ആയിരിക്കും പേടി. ഇത്തരത്തിലുള്ള പേടികളൊക്കെ മനുഷ്യ സഹജമാണ്. എന്നാൽ ഇതിൽനിന്ന് വ്യത്യസ്തമായി നമുക്ക് വെറും സാധാരണമെന്ന് തോന്നുന്ന വസ്തുക്കളെ ഭയപ്പെടുന്നവരുണ്ട്. അത്തരം ചില ഭയങ്ങളെക്കുറിച്ച് വായിക്കാം.

ഫോബിയ

ഏതെങ്കിലുമൊരു വസ്തുവിനോടോ സാഹചര്യത്തോടെ തോന്നുന്ന അമിതമായ ഭയംമൂലം ഉണ്ടാകുന്ന ഉത്കണ്ഠയ്ക്കാണ് ഇംഗ്ലീഷിൽ ഫോബിയ എന്നു പറയുന്നത്. ഭയം എന്ന് അർഥം വരുന്ന ഫോബോസ് എന്ന ഗ്രീക്കുപദത്തിൽനിന്നാണ് ഫോബിയ എന്ന ഇംഗ്ലീഷ് പദം ഉണ്ടായത്. വിവിധ വസ്തുക്കളോടുള്ള ഭയത്തെ സൂചിപ്പിക്കുന്നതിനായി ആ വസ്തുവിന്‍റെ പേരിനൊപ്പം ഫോബിയ എന്ന വാക്കുകൂടി ചേർക്കുന്നു.

നിറങ്ങളോട് ഭയം

വർണങ്ങളില്ലാത്ത ലോകത്തെക്കുറിച്ച് കൂട്ടുകാർക്ക് ചിന്തിക്കാൻ കഴിയുമോ? എന്നാൽ എല്ലാവർക്കും അങ്ങനെയല്ല. നിറങ്ങളെ ഭയമുള്ളവരുണ്ട്. അവരെപ്പോഴും വർണശബളമായ വസ്തുക്കൾ ഒഴിവാക്കി കറുപ്പും വെളുപ്പും മാത്രമുള്ള ലോകത്തേക്ക് ഒതുങ്ങാൻ ശ്രമിക്കും. ഇക്കൂട്ടർക്ക് നിറങ്ങൾ കാണുന്പോൾ ശരീരത്തിൽ ഹോർമോണ്‍ വ്യത്യാസം വരുകയും മാനസികമായ പ്രതികരണങ്ങൾ ഉണ്ടാവുകയും ചെയ്യും. ക്രോമോഫോബിയ അല്ലെങ്കിൽ ക്രൊമാറ്റോഫോബിയ എന്നാണ് ഈ അവസ്ഥയ്ക്ക് പറയുന്നത്.

ചില ആളുകൾക്ക് മഞ്ഞ നിറത്തോട് മാത്രം ഭയമുണ്ടാകും. സാന്തോഫോബിയ എന്നാണ് ഇതിന് പറയുന്നത്. ചുവപ്പുനിറത്തോടുള്ള ഭയമാണ് എറിത്രോഫോബിയ. വെള്ളനിറത്തോടുള്ള ഭയത്തിന് ലൂക്കോഫോബിയ എന്നാണ് പറയുന്നത്.

പശുവിനെ കാണുന്നത് പേടി, പാലു കുടിക്കാൻ പേടി

പാലിന്‍റെ ഗുണങ്ങളൊക്കെ അറിയാമെങ്കിലും അത് കുടിക്കാൻ ഇഷ്ടമില്ലാത്തവർ കാണും. എന്നാൽ പാൽ കണ്ടാൽ പേടിച്ച് വിറയ്ക്കുന്നയാളുകളുണ്ടോ‍‍? ഉണ്ട്. ഗാലോഫോബിയ എന്നും ലാക്ടോഫോബിയ എന്നും ഈ ഭയം അറിയപ്പെടുന്നു. ഗാലോ, ലാക്ടേ എന്നിവ പാലിനുള്ള ഗ്രീക്ക്, ലാറ്റിൻ പദങ്ങളാണ്. ചിലർക്ക് പാലിന്‍റെ രുചി ഇഷ്ടമില്ലാത്തതുകൊണ്ടാണ് അതിനോട് പേടി തോന്നുന്നത്.

ചിലരുടെ ശരീരത്തിന് ലാക്ടോസ് ഉൾക്കൊള്ളാനുള്ള കഴിവുണ്ടാകില്ല. ഇതും പാലിനോടുള്ള പേടിക്ക് കാരണമാകാം. ചിലയാളുകൾ ബൊവിനോഫോബിയ മൂലം പാലിനെ ഭയക്കുന്നു. പശുവിനോടുള്ള അകാരണമായ ഭയമാണ് ബൊവിനോഫോബിയ. ലാറ്റിൻ ഭാഷയിൽ ബൊവി എന്നാൽ പശു എന്നാണ് അർഥം. ഗാലോഫോബിയ ഉള്ളവർ പാൽ മാത്രമല്ല പാൽ ഉത്പന്നങ്ങളും കഴിക്കാറില്ല.

ഐസ്ക്രീമിനോടും...

കുട്ടികളും മുതിർന്നവരും ഒരുപോലെ ഇഷ്ടപ്പെടുന്ന ഒരു വസ്തുവാണ് ഐസ്ക്രീം. എന്നാൽ ചിലയാളുകൾക്ക് ഐസ്ക്രീമിനോട് പേടിയാണ്. ഐസ്ക്രീം കഴിച്ചാൽ തങ്ങളുടെ വായും ശരീരവുമെല്ലാം തണുത്തുറഞ്ഞുപോകുമെന്നാണ് ഇക്കൂട്ടരുടെ വിചാരം. ചെറിയ കുട്ടികളിലാണ് പഗോട്ടോഫോബിയ എന്നുവിളിക്കുന്ന ഈ ഭയം കണ്ടുവരുന്നത്. വലുതാകുന്പോൾ ഇത് സ്വയം മാറുന്നു.

പൂക്കളോടും ഭയമോ?

പൂക്കളോടുള്ള ഭയത്തിന് ആന്തോഫോബിയ എന്നാണ് പറയുത്. ഗ്രീക്ക് ഭാഷയിൽ ആന്തോസ് എന്നാൽ പുഷ്പം എന്നാണ് അർഥം. പൂക്കളുമായി ബന്ധപ്പെട്ട് എന്തെങ്കിലും പേടിപ്പെടുത്തു ന്ന അനുഭവം ഉണ്ടായിട്ടുള്ളവർ, പൂക്കൾമൂലം വിവിധ അലർജികൾ ഉണ്ടാകുന്നവർ തുടങ്ങിയവരിലാണ് ആന്തോഫോബിയ എന്ന അവസ്ഥ കണ്ടുവരുന്നത്. ഇക്കൂട്ടർക്ക് പൂക്കൾ കാണുന്പോൾ തലകറക്കം, അമിതമായ വിയർക്കൽ, സംസാരിക്കുന്നതിൽ തടസം തുടങ്ങിയ അസ്വസ്ഥതകൾ അ ..... Read More ...