കോൺഗ്രസ് എന്നെ വേട്ടയാടി, പിന്തുണ എൽഡിഎഫിന്: എ.വി. ഗോപിനാഥ് : Deepika.com Kerala News |

Click here for detailed news of all items

കോൺഗ്രസ് എന്നെ വേട്ടയാടി, പിന്തുണ എൽഡിഎഫിന്: എ.വി. ഗോപിനാഥ്

Tuesday, April 23, 2024 2:35 AM IST

കുഴൽമന്ദം: ഇടതുപക്ഷത്തിനു പിന്തുണ പ്രഖ്യാപിച്ച് കോണ്‍ഗ്രസ് നേതാവ് എ.വി. ഗോപിനാഥ്. പെരിങ്ങോട്ടുകുറിശിയില്‍ നടത്തിയ രാഷ്‌ട്രീയ പൊതുയോഗത്തിലായിരുന്നു അദ്ദേഹത്തിന്‍റെ നിലപാട് പ്രഖ്യാപനം. തന്‍റെ പരിപൂര്‍ണപിന്തുണ എല്‍ഡിഎഫ് സ്ഥാനാര്‍ഥിക്കാണെന്നും അദ്ദേഹം പറഞ്ഞു.

“കോണ്‍ഗ്രസുകാര്‍ക്കു മാനസികരോഗമാണ്. 2021ല്‍ പാര്‍ട്ടി വിട്ട എന്നെ 2024ല്‍ കോണ്‍ഗ്രസ് പുറത്താക്കി. കോണ്‍ഗ്രസിനെ ഞാന്‍ 60 വര്‍ഷത്തോളം സ്നേഹിച്ചു. എന്നാല്‍ കോണ്‍ഗ്രസ് എന്നെ വേട്ടയാടി. അടുത്ത പഞ്ചായത്ത് തെരഞ്ഞെടുപ്പില്‍ പെരിങ്ങോട്ടുകുറിശിയില്‍ കോണ്‍ഗ്രസിനു കെട്ടിവച്ച കാശ് കിട്ടില്ല”- ഗോപിനാഥ് പറഞ്ഞു.

ആലത്തൂര്‍ ലോക്സഭാ മണ്ഡലത്തിലെ പെരിങ്ങോട്ടുകുറുശിയിലെ ഏറെ സ്വാധീനമുള്ള നേതാവാണ് മുന്‍ കോണ്‍ഗ്രസ് എംഎല്‍എയായ ഗോപിനാഥ്. കോണ്‍ഗ്രസിനകത്തെ വിഭാഗീയതയെത്തുടര്‍ന്നാണ് പാർട്ടിവിട്ടത്. പെരിങ്ങോട്ടുകുറിശി ഗ്രാമപഞ്ചായത്തിലെ കോണ്‍ഗ്രസ് അംഗങ്ങളും ഗോപിനാഥിന്‍റെ നിലപാടിനൊപ്പമാണെന്നു പ്രഖ്യാപിച്ചു രംഗത്തെത്തിയതും ശ്രദ്ധേയമായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.