മലയാറ്റൂർ കുരിശുമുടി ഭക്തിസാന്ദ്രം: പെസഹാ ദിനത്തിൽ പതിനായിരങ്ങൾ മല കയറി : Deepika.com Kerala News |

Click here for detailed news of all items

മലയാറ്റൂർ കുരിശുമുടി ഭക്തിസാന്ദ്രം: പെസഹാ ദിനത്തിൽ പതിനായിരങ്ങൾ മല കയറി

Friday, March 29, 2024 12:51 AM IST

മലയാറ്റൂർ: വിശുദ്ധവാരത്തിന്‍റെ പരിസമാപ്തിയുടെ ദിനങ്ങളിലേക്ക് എത്തിയതോടെ മലയാറ്റൂർ കുരിശുമുടി തീർഥാടകരാൽ നിറഞ്ഞു. പെസഹാ വ്യാഴം രാത്രി മുതൽ തീർഥാടകരുടെ വൻ തിരക്കാണ് അനുഭവപ്പെടുന്നത്.

ഇന്ന് ദുഃഖവെള്ളി ദിനത്തിലും മലയാറ്റൂർ കുരിശുമുടി തീർഥാടകരാൽ നിറയും. നോമ്പെടുത്ത്, കാഷായ വസ്ത്രമണിഞ്ഞ് ഭാരമുള്ള കുരിശുകൾ ചുമന്നാണ് വിശ്വാസികൾ മലകയറുന്നത്. തീർഥാടനദിനങ്ങളിലെ ഏറ്റവും തിരക്കേറിയ ദിവസമാണ് ഇന്ന്.

തീർഥാടകർക്കു വേണ്ട എല്ലാ സൗകര്യങ്ങളും ഒരുക്കിയിട്ടുള്ളതായി മലയാറ്റൂർ കുരിശുമുടി വൈസ് റെക്ടർ അറിയിച്ചു. അടിയന്തര സാഹചര്യങ്ങളെ നേരിടാൻ സർക്കാർ സംവിധാനങ്ങളും ഒരുക്കിയിട്ടുണ്ട്. ദുഃഖവെള്ളിയോടനുബന്ധിച്ച് കടന്നുവരുന്ന തീർഥാടകർക്ക് വിവിധ സ്ഥലങ്ങളിൽ ഭക്ഷണവും വെള്ളവും സൗജന്യമായി ക്രമീകരിച്ചിട്ടുണ്ട്.

മലയാറ്റൂർ സെന്‍റ് തോമസ് ദേവാലയത്തിൽ ഇന്നു രാവിലെ 5.30 ന് ആരാധന ആരംഭിക്കും. 6.30ന് പീഡാനുഭവ തിരുക്കര്‍മങ്ങൾ. ഉച്ചകഴിഞ്ഞു മൂന്നിന് കുരിശിന്‍റെ വഴി. തുടർന്ന് അടിവാരത്തിലേക്ക് വിലാപയാത്ര. നാളെ വലിയ ശനി ദിനത്തിൽ രാവിലെ ആറിന് മാമ്മോദീസ വ്രത നവീകരണം, വെള്ളം തിരി വെഞ്ചരിപ്പ്.

കുരിശുമുടി ദേവാലയത്തിൽ ഇന്നു രാവിലെ 6.30 ന് ആരാധന, തുടർന്ന് ഏഴിന് പീഡാനുഭവ തിരുക്കർമങ്ങൾ, വിശുദ്ധ കുർബാന സ്വീകരണം, നഗരി കാണിക്കൽ. വലിയ ശനി രാവിലെ ഏഴിന് മാമ്മോദീസ വ്രത നവീകരണം, പുത്തൻ വെള്ളം തിരി വെഞ്ചരിപ്പ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.