തി​ര​ശീല​യ്ക്കുപി​ന്നി​ൽ ഇ​ടി​മു​ഴ​ക്കം; ആ ശ​ബ്ദം ഇ​നി ഓ​ർ​മ
Sunday, October 6, 2024 7:21 AM IST
മംഗലം ശങ്കരൻകുട്ടി

ഷൊർ​ണൂ​ർ: "സ​ഹൃ​ദ​യ​രാ​യ ക​ലാ​സ്വാ​ദ​ക​രേ..അ​ടു​ത്ത ഒ​രു ബെ​ല്ലോ​ടുകൂ​ടി നാ​ട​കം ആ​രം​ഭി​ക്കു​ക​യാ​ണ്’. തി​ര​ശീ​ല​യ്ക്ക് പി​ന്നി​ൽനി​ന്നും ഉ​യ​ർ​ന്ന ഘ​ന​ഗാം​ഭീ​ര്യ​മാ​ർ​ന്ന ആ ​ശ​ബ്ദം ഇ​നി​യി​ല്ല. അ​മച്വ​ർ നാ​ട​കരം​ഗ​ത്തുനി​ന്നും പ്രഫഷ​ണ​ൽ നാ​ട​ക അ​ര​ങ്ങിലേക്ക് ഷൊ​ർ​ണൂ​രി​ന്‍റെ നാ​ട​ക​വേ​ദി​യെ ന​യി​ച്ച ബാ​ലസു​ബ്ര​ഹ്മ​ണ്യ​നെ​ന്ന ബാ​ൽ​സ​ൺ ഷൊ​ർ​ണൂ​ർ നാ​ട​ക​ത്തി​ന്‍റെ ച​മ​യ​ങ്ങ​ൾ അ​ഴി​ച്ചു​വ​ച്ച് വി​ട​വാ​ങ്ങി.

ഒ​രു പു​രു​ഷാ​യു​സ് മു​ഴു​വ​ൻ നാ​ട​ക​ലോ​ക​ത്തി​നുവേ​ണ്ടി ഉ​ഴി​ഞ്ഞു​വച്ച ക​ലാ​കാ​ര​നാ​യി​രു​ന്നു ഇ​ന്ന​ലെ അ​ന്ത​രി​ച്ച ബാ​ൽ​സ​ൺ ഷൊ​ർ​ണൂ​ർ (74). ന​ട​നാ​യും നാ​ട​ക​കൃ​ത്താ​യും സം​വി​ധാ​യ​ക​നാ​യും അ​ര​ങ്ങി​ലും അ​ണി​യ​റ​യി​ലും ആ​ടി​ത്തി​മ​ർ​ത്ത ബാ​ൽ​സന്‍റെ ​വേ​ഷ​ങ്ങ​ൾ അ​ന​വ​ധി​യാ​ണ്. ആ​യി​ര​ത്തി​ലേ​റെ വേ​ദി​ക​ളി​ൽ നി​റ​ഞ്ഞാ​ടി​യ"ക​ർ​ക്കട​ക തി​രു​വോ​ണം’ എ​ന്ന ആ​ക്ഷേ​പ​ഹാ​സ്യ ജ​ന​പ്രി​യനാ​ട​ക​മ​ട​ക്കം അ​ൻ​പ​തോ​ളം ക​ലാ​മൂ​ല്യമുള്ള നാ​ട​ക​ങ്ങ​ൾ മ​ല​യാ​ള നാ​ട​ക​വേ​ദി​ക്കു സ​മ്മാ​നി​ച്ചു.

"ബാ​ൽ​സ​ൻ ഷൊ​ർ​ണൂ​ർ, നാ​ട​ക​കൃ​ത്ത്, ഷൊ​ർ​ണൂ​ർ’ എ​ന്ന മേ​ൽ​വി​ലാ​സം മാ​ത്ര​മെ​ഴു​തി ഒ​രു കാ​ല​ത്ത് കേ​ര​ള​ത്തി​ന്‍റെ നാ​നാ​ഭാ​ഗ​ത്തുനി​ന്ന് കൃ​ത്യ​മാ​യി ത​ന്നെത്തേ​ടി എ​ത്തി​യ ത​പാ​ൽ കാ​ർ​ഡു​ക​ൾ ഏ​റ്റ​വും വ​ലി​യ അം​ഗീ​കാ​ര​മാ​യി ഈ ​എ​ളി​യ ക​ലാ​കാ​ര​ൻ ഹൃ​ദ​യ​ത്തി​ൽ സൂ​ക്ഷി​ച്ചു. നാ​ട​കര​ച​യി​താ​വ്, നാ​ട​കസം​വി​ധാ​യ​ക​ൻ, ന​ട​ൻ, രം​ഗ​വേ​ദി​യി​ലെ അ​ണി​യ​റക​ലാ​കാ​ര​ൻ, നാ​ട​കാ​സ്വാ​ദ​ക​ൻ, വി​ധി​ക​ർ​ത്താ​വ്, ഭ​ര​ത് ബാ​ല​ൻ കെ.​ നാ​യ​ർ നാ​ട​കോ​ത്സ​വന​ട​ത്തി​പ്പി​ലെ തി​ക​വു​റ്റ സം​ഘാ​ട​ക​ൻ,

പ്ര​ഭാ​തം സാം​സ്കാ​രി​ക വേ​ദി സെ​ക്ര​ട്ട​റി, ടെയ്​ലേ​ഴ്സ് അ​സോ​സി​യേ​ഷ​ൻ ഭാ​ര​വാ​ഹി, "ന​ന്മ’ മു​ൻ ജി​ല്ലാ പ്ര​സി​ഡ​ന്‍റ് എ​ന്നി​ങ്ങ​നെ ക​ലാ -സാം​സ്കാരി​ക- സാ​മൂ​ഹ്യ- സം​ഘ​ട​നാരം​ഗ​ത്ത് കാ​ല​ത്തി​ന് മാ​യ്ക്കാ​നാ​വാ​ത്ത ക​യ്യൊ​പ്പ് പ​തി​പ്പി​ച്ചാ​ണ് ബാ​ൽ​സ​ൻ ഷൊ​ർ​ണൂ​ർ എ​ന്ന നാ​ട​ക​ക​ലാ​കാ​ര​ൻ ജീ​വി​ത​ത്തി​ന്‍റെ അ​ര​ങ്ങി​ൽനി​ന്ന് യാ​ത്ര​യാ​വു​ന്ന​ത്.

ഭ​ര​ത് ബാ​ല​ൻ കെ.​ നാ​യ​ർ, എ.​എ​ൻ.​ ഗ​ണേ​ഷ് എ​ന്നി​ങ്ങ​നെ നാ​ട​ക​സി​നി​മാരം​ഗ​ത്തെ മ​ഹാ​ര​ഥ​ൻ​മാ​രു​ടെ പി​ൻ​ഗാ​മി​യാ​യി ഷൊ​ർ​ണൂ​രിന്‍റെ മ​ണ്ണി​ൽ ജീ​വി​ച്ച ബാ​ൽ​സ​ൺ ഉ​പ​ജീ​വ​ന​ത്തി​ന് ത​യ്യ​ൽജോ​ലി​യാ​ണ് ചെ​യ്തി​രു​ന്ന​ത്.

ഷൊ​ർ​ണൂ​ർ സി​റ്റി സ്ക്വ​യ​ർ ബി​ൽ​ഡിം​ഗി​ലെ "സൗ​ന്ദ​ര്യ ടെയ്​ലേ​ഴ്സി’ൽ ഭാ​ര്യ വി​ലാ​സി​നി​യെ മാ​ത്ര​മ​ല്ല നാ​ട​കലോ​ക​ത്തെ സ്നേ​ഹി​ക്കു​ന്ന മു​ഴു​വ​ൻ ആ​സ്വാ​ദ​ക​ര​യും വി​ഷ​മി​പ്പി​ച്ചാ​ണ് ബാ​ൽ​സ​ൻ യാ​ത്ര​യാ​വു​ന്ന​ത്. നാ​ട​ക​ത്തെ പ്ര​ണ​യി​ച്ച സ​ഹോ​ദ​ര​ങ്ങ​ളാ​യി ബാ​ൽ​സ​ൻ ഷൊ​ർ​ണൂ​രും സ്വാ​തി മോ​ഹ​ന​നും ഷൊ​ർ​ണൂ​രി​ന്‍റെ ക​ലാ ലോ​ക​ത്തു വേ​റി​ട്ട ജ​നശ്ര​ദ്ധ നേ​ടി​യ​വ​രാ​ണ്.

സ്വാ​തി മോ​ഹ​ന​ൻ എ​ന്ന സ്വ​ന്തം സ​ഹോ​ദ​ര​നി​ലെ ഹാ​സ്യ ക​ലാപ്ര​തി​ഭ​യെ മ​ന​സി​ലാ​ക്കി നാ​ട​ക​വേ​ദി​യി​ൽ ബാ​ൽ​സ​ൺ രൂ​പ​പ്പെ​ടു​ത്തി​യെ​ടു​ത്ത ക​ഥാ​പാ​ത്ര​ങ്ങ​ൾ ഏ​റെ ശ്ര​ദ്ധേ​യ​മാ​യി​രു​ന്നു. മ​ലബാ​ർ മേ​ഖ​ല​യി​ൽ ഉ​ത്സ​വ​ങ്ങ​ൾ​ക്കും ആ​ഘോ​ഷ​ങ്ങ​ൾ​ക്കും നാ​ട​ക​ങ്ങ​ളെ പ​ടി​ക്കുപു​റ​ത്തു നി​ർ​ത്തി​യി​രു​ന്ന കാ​ല​ഘ​ട്ട​ത്തി​ൽനി​ന്ന് പൊ​തു സ്വീ​കാ​ര്യ​ത ന​ൽ​കി നാ​ട​ക​ത്തി​നെ ഇ​ന്നു കാ​ണു​ന്ന ത​ര​ത്തി​ലെ​ത്തി​ച്ച​തി​ൽ ബാ​ൽ​സ​ൺ വ​ഹി​ച്ച പ​ങ്ക് അ​തു​ല്യ​മാ​ണ്.