അ​ഴി​മ​തി ആ​രോ​പ​ണം: നാ​ട്ടു​കാ​ർ റോ​ഡു​പ​ണി ത​ട​ഞ്ഞു
Saturday, October 5, 2024 7:51 AM IST
പു​ന്ന​യൂ​ർ​ക്കു​ളം: ഉ​പ്പു​ങ്ങ​ൽ പാ​ലാ​യ്ക്ക​ൽ ക​ട​വി​ൽ റോ​ഡ് ന​വീ​ക​ര​ണപ്ര​വൃ​ത്തി​യി​ൽ അ​ഴി​മ​തി ആ​രോ​പി​ച്ച് നാ​ട്ടു​കാ​ര്‍ പ​ണി​ക​ള്‍ ത​ട​ഞ്ഞു.​ ന​വീ​ക​ര​ണപ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി റോ​ഡി​ന്‍റെ തെ​ക്കു​ഭാ​ഗ​ത്താ​യി എ​സ്റ്റി​മേ​റ്റി​ൽനി​ന്നുമാ​റി സം​ര​ക്ഷ​ണഭി​ത്തി നി​ർ​മി​ക്കു​ന്നെന്നാ​രോ​പി​ച്ചാ​ണു നാ​ട്ടു​കാ​ർ പണി ത​ട​ഞ്ഞ​ത്.

ത​ക​ർ​ന്നുകി​ട​ക്കു​ന്ന പ​ഴ​യ സം​ര​ക്ഷ​ണ‌ഭി​ത്തി​ക്കു മു​ക​ളി​ലു​ള്ള നി​ർ​മാ​ണപ്ര​വ​ർ​ത്ത​ന​മാ​ണ് നാ​ട്ടു​കാ​ർ ത​ട​ഞ്ഞ​ത്.​ പ​രൂ​ർ കോ​ൾ​പ​ട​വ് ക​മ്മി​റ്റി സെ​ക്ര​ട്ട​റി എ.​ടി.​ അ​ബ്ദു​ൾ ജ​ബ്ബാ​ർ അ​ട​ക്ക​മു​ള്ള പൊ​തു​പ്ര​വ​ർ​ത്ത​ക​രും നാ​ട്ടു​കാ​രു​മാ​ണു പ​ണിത​ട​ഞ്ഞ​ത്. ഉ​ദ്യോ​ഗ​സ​ഥ​രു​ടെ മേ​ല്‍​നോ​ട്ട​മി​ല്ലാ​തെ പ്ര​വൃത്തി​ക​ള്‍ ന​ട​ത്തു​ന്ന​തു പ്ര​തി​ഷേ​ധ​ക്കാ​ർ ചോ​ദ്യം ചെ​യ്തു.​ തു​ട​ർ​ന്ന് പ​ണിനി​ർ​ത്തി​വച്ചു.​ ഇ​തി​നി​ടെ സ്ഥ​ല​ത്തെ​ത്തി​യ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റും നാ​ട്ടു​കാ​രും ത​മ്മി​ലു​ള്ള ത​ർ​ക്കം രൂ​ക്ഷ​മാ​യ വാ​ക്പോ​രി​നി​ട​യാ​ക്കി.​ സ്ഥി​തി​ഗ​തി​ക​ൾ രൂ​ക്ഷ​മാ​യ​തോ​ടെ വ​ട​ക്കേ​ക്കാ​ട് പോ​ലീ​സ് സ്ഥ​ല​ത്തെ​ത്തി രം​ഗം ശാ​ന്ത​മാ​ക്കി.


പി​ന്നീട് സ്ഥ​ല​ത്തെ​ത്തി​യ പൊ​തു​മ​രാ​മ​ത്തുവ​കു​പ്പ് പ്ര​ശ്നം പ​രി​ഹ​രി​ച്ച​ശേ​ഷമേ പ​ണി​ക​ൾ ആ​രം​ഭി​ക്കുക​യു​ള്ളൂ​വെ​ന്ന് ഉ​റ​പ്പുന​ൽ​കി. ര​ണ്ടു കി​ലോ​മീ​റ്റ​ർ ദൂ​രംവ​രു​ന്ന റോ​ഡി​ന്‍റെ അ​വ​സാ​നഘ​ട്ടപ​ണി​ക​ളാ​ണ് ന​ട​ക്കു​ന്ന​ത്. ഇ​വി​ടെ ര​ണ്ടുവ​ശ​ത്തു കോ​ൺ​ക്രീ​റ്റ് സം​ര​ക്ഷ​ണഭി​ത്തി നി​ർ​മി​ക്കാ​നാ​ണ് എ​സ്റ്റി​മേ​റ്റെന്നു നാ​ട്ടു​കാ​ർ പ​റ​യു​ന്നു.

എ​ന്നാ​ൽ ഒ​രു വ​ശ​ത്തുമാ​ത്ര​മാ​ണ് സം​ര​ക്ഷ​ണഭി​ത്തി നി​ർ​മി​ക്കു​ന്ന​ത്. വെ​ള്ളംക​യ​റു​ന്ന സ്ഥ​ല​മാ​യ​തി​നാ​ൽ ര​ണ്ടി​ട​ത്തും സം​ര​ക്ഷ​ണഭി​ത്തി കെ​ട്ടി​യി​ല്ലെ​ങ്കി​ൽ റോ​ഡ് ഇ​ടി​യുമെന്ന് നാ​ട്ടു​കാ​ർ ചൂ​ണ്ടി​ക്കാ​ട്ടി. 2.5 കോ​ടി രൂ​പ​യാ​ണ് വ​ക​യി​രു​ത്തി​യി​രു​ന്ന​ത്. പ​ണിനീ​ണ്ട​പ്പോ​ൾ 25 ല​ക്ഷം രൂ​പകൂ​ട്ടി സം​ര​ക്ഷ​ണഭി​ത്തി ഒ​രു ഭാ​ഗ​ത്തു മാ​ത്ര​മാ​ക്കി​യെ​ന്ന് ക​രാ​റു​കാ​ര​ൻ പ​റ​യു​ന്നു. ഇ​തി​നി​ടെ, അ​ഴി​മ​തിയിൽ അ​ന്വേ​ഷ​ണം ആ​വ​ശ്യ​പ്പെ​ട്ട് വി​ജി​ല​ൻ​സി​നു പ​രാ​തി ന​ൽ​കു​മെ​ന്ന് നാ​ട്ടു​കാ​ർ പ​റ​ഞ്ഞു.