കെപി റോ​ഡി​ല്‍ കൊലയാളി ടി​പ്പ​റുക​ളു​ടെ മ​ര​ണ​പ്പാ​ച്ചി​ല്‍
Wednesday, March 27, 2024 11:56 PM IST
ചാ​രും​മൂ​ട്: കാ​യം​കു​ളം-​പു​ന​ലൂ​ര്‍ കെ.​പി. റോ​ഡി​ല്‍ ടി​പ്പ​ര്‍​ലോ​റി​ക​ളു​ടെ മ​ര​ണ​പ്പാ​ച്ചി​ല്‍ യാ​ത്ര​ക്കാ​രു​ടെ ജീ​വ​നു ഭീ​ഷ​ണി​യാ​യി. നി​ര​വ​ധി ജീ​വ​നു​ക​ളാ​ണ് നി​ര​ത്തു​ക​ളി​ൽ പൊ​ലി​യു​ന്ന​ത്. ടി​പ്പ​ര്‍​ലോ​റി​ക​ളു​ടെ അ​മി​ത​വേ​ഗം കാ​ര​ണം അ​പ​ക​ടം ഇ​പ്പോ​ൾ നി​ത്യ​സം​ഭ​വ​മാ​യി മാ​റി.

അ​പ​ക​ട​ത്തി​ല്‍​പ്പെടു​ന്ന​വ​രി​ല്‍ കൂ​ടു​ത​ല്‍​പേ​രും ഇ​രു​ച​ക്ര​വാ​ഹ​ന യാ​ത്ര​ക്കാ​രാ​ണ്. വെ​ട്ടി​ക്കോ​ട് അ​മ്പ​നാ​ട്ടു ജം​ഗ്‌​ഷ​നു സ​മീ​പം ക​ഴി​ഞ്ഞദി​വ​സം ടി​പ്പ​ര്‍​ലോ​റി​യും സ്‌​കൂ​ട്ട​റും കൂ​ട്ടി​യി​ടി​ച്ച് സ്‌​കൂ​ട്ട​ര്‍ യാ​ത്ര​ക്കാ​ര​ൻ ക​ണ്ണ​നാ​കു​ഴി ക​ണ്ണ​മ്പ​ള്ളി​ൽ വ​ർ​ഗീ​സ് ഡാ​നി​യേ​ൽ മ​ര​ണ​പ്പെ​ട്ട​താ​ണ് ഒ​ടു​വി​ല​ത്തെ സം​ഭ​വം. ഒ​രാ​ഴ്ച മു​മ്പ് ആ​ശാ​ന്‍​ക​ലു​ങ്ക് ജം​ഗ്‌​ഷ​നു സ​മീ​പ​മു​ള്ള വ​ള​വി​ല്‍ കെ​എ​സ്ആ​ര്‍​ടി​സി ബ​സി​ടി​ച്ച് ബൈ​ക്ക് യാ​ത്ര​ക്കാ​ര്‍​ക്ക് ഗു​രു​ത​ര​മാ​യി പ​രി​ക്കേ​റ്റി​രു​ന്നു. സ്‌​കൂ​ള്‍ വി​ദ്യാ​ര്‍​ഥി​ക​ള്‍​ക്കു​ൾപ്പെടെ ഭീ​ഷ​ണി​യാ​യി സ്‌​കൂ​ള്‍ സ​മ​യ​ത്തു​പോ​ലും​ ടി​പ്പ​ർ ലോ​റി​ക​ള്‍ നി​യ​ന്ത്ര​ണ​മി​ല്ലാ​തെ ഓ​ടു​ക​യാ​ണ്.

നൂ​റ​നാ​ട് സി​ബി​എം ഹ​യ​ര്‍ സെ​ക്ക​ന്‍​ഡ​റി സ്‌​കൂ​ള്‍, നൂ​റ​നാ​ട് എ​രു​മ​ക്കു​ഴി ഗ​വൺമെന്‍റ് എ​ല്‍​പി സ്‌​കൂ​ള്‍, പ​റ​യം​കു​ളം കൊ​ട്ട​യ്ക്കാ​ട്ടു​ശേരി​ക്ക​ര എ​ല്‍പി സ്‌​കൂ​ള്‍, ചാ​രും​മൂ​ട് സെന്‍റ് മേ​രീ​സ് എ​ല്‍പി സ്‌​കൂ​ള്‍, താ​മ​ര​ക്കു​ളം വി.​വി. ഹ​യ​ര്‍ സെ​ക്ക​ന്‍​ഡ​റി സ്‌​കൂ​ള്‍, വെ​ട്ടി​ക്കോ​ട് സെ​ന്‍റ് തോ​മ​സ് ഇം​ഗ്ലീ​ഷ് മീ​ഡി​യം സ്‌​കൂ​ള്‍, ക​റ്റാ​നം പോ​പ്പ് പ​യ​സ് ഹ​യ​ര്‍ സെ​ക്ക​ന്‍​ഡ​റി സ്‌​കൂ​ള്‍ തു​ട​ങ്ങി​യ വി​ദ്യാ​ഭ്യാ​സ സ്ഥാ​പ​ന​ങ്ങ​ൾ കെ.​പി. റോ​ഡ​രി​കി​ലാ​ണ് സ്ഥി​തി ചെ​യ്യു​ന്ന​ത്. ഇ​തു വ​ക​വ​യ്ക്കാ​തെ​യാ​ണ് സ്വ​കാ​ര്യബ​സു​ക​ളു​ടെ​യും കെ​എ​സ്ആ​ര്‍​ടി​സി ബ​സു​ക​ളു​ടെ​യും അ​മി​ത​വേ​ഗ​ത​യി​ലു​ള്ള മ​ത്സ​ര ഓ​ട്ടം.

കെ.​പി. റോ​ഡി​ല്‍ ചെ​മ്മ​ണ്ണും പാ​റ​യും ക​യ​റ്റി​യാ​ണ് ലോ​റി​ക​ള്‍ നി​യ​ന്ത്ര​ണ​മി​ല്ലാ​തെ പാ​യു​ന്ന​ത്. ചെ​മ്മ​ണ്ണ് ക​യ​റ്റി​യ ലോ​റി​ക​ളി​ല്‍നി​ന്നു​ള്ള മ​ണ്ണ് റോ​ഡി​ലേ​ക്കും പി​ന്നാ​ലെ വ​രു​ന്ന ഇ​രു​ച​ക്ര​വാ​ഹ​ന​യാ​ത്ര​ക്കാ​രു​ടെ ക​ണ്ണി​ലും മ​റ്റും വീ​ഴു​ന്ന​ത് അ​പ​ക​ട​മു​ണ്ടാ​ക്കു​ന്നു.

അ​നു​വ​ദ​നീ​യ​മാ​യ അ​ള​വി​ല്‍ കൂ​ടു​ത​ല്‍ ചെ​മ്മ​ണ്ണും പാ​റ​യു​മാ​ണ് ലോ​റി​ക​ളി​ല്‍ നി​റ​യ്ക്കു​ന്ന​ത്. നി​യ​മ​ങ്ങ​ള്‍ പാ​ലി​ക്കാ​തെ​യാ​ണ് ചി​ല ലോ​റി ഡ്രൈ​വ​ര്‍​മാ​ര്‍ മ​റ്റു വാ​ഹ​ന​ങ്ങ​ളെ മ​റി​ക​ട​ക്കു​ന്ന​ത്. ചാ​രും​മൂ​ട് ജം​ഗ്‌​ഷ​നി​ലെ ഗ​താ​ഗ​ത​സി​ഗ്ന​ല്‍ പോ​ലും അ​വ​ഗ​ണി​ച്ചാ​ണ് പ​ല​പ്പോ​ഴും ലോ​റി​ക​ള്‍ ഓ​ടു​ന്ന​ത്.

ദേ​ശീ​യ​പാ​ത​യു​ടെ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ള്‍​ക്കാ​യാ​ണ് ജി​ല്ല​യു​ടെ കി​ഴ​ക്ക​ന്‍ മേ​ഖ​ല​ക​ളി​ല്‍ നി​ന്നു കാ​യം​കു​ളം ഭാ​ഗ​ത്തേ​ക്ക് ചെ​മ്മ​ണ്ണ് കൊ​ണ്ടു​പോ​കു​ന്ന​ത്.

കൊ​ല്ലം, അ​ടൂ​ര്‍, കാ​യം​കു​ളം, ചെ​ങ്ങ​ന്നൂ​ര്‍ ഭാ​ഗ​ങ്ങ​ളി​ലേ​ക്കു​ള്ള സ്വ​കാ​ര്യ, കെ​എ​സ്ആ​ർടി​സി ബ​സു​ക​ള്‍ തി​ര​ക്കേ​റി​യ ചാ​രും​മൂ​ട് ജം​ഗ്‌​ഷ​നി​ൽ രാ​വി​ലെ നി​ര്‍​ത്തി​യി​ട്ട് യാ​ത്ര​ക്കാ​രെ ക​റ്റു​ന്ന​തും അ​പ​ക​ട​ങ്ങ​ള്‍​ക്കു കാ​ര​ണ​മാ​കു​ന്നു. പോ​ലീ​സും മോ​ട്ടോ​ര്‍​വാ​ഹ​ന വ​കു​പ്പ് ഉ​ദ്യോ​ഗ​സ്ഥ​രും പ​രാ​തി​ക​ളോ അ​പ​ക​ട​ങ്ങ​ളോ ഉ​ണ്ടാ​കു​മ്പോ​ള്‍ മാ​ത്ര​മാ​ണ് പ​രി​ശോ​ധ​ന ന​ട​ത്തു​വാ​ന്‍ എ​ത്തു​ന്ന​ത്. കെ.​പി. റോ​ഡി​ല്‍ 24 മ​ണി​ക്കൂ​റും ഹൈ​വേ പെ​ട്രോ​ളിം​ഗ് പോ​ലീ​സ് ഉ​ണ്ടെ​ങ്കി​ലും നി​യ​മ​ലം​ഘ​ന​ങ്ങ​ള്‍​ക്കെ​തി​രേ ന​ട​പ​ടി സ്വീ​ക​രി​ക്കു​ന്നി​ല്ലെ​ന്നാ​ണ് പ​രി​തി.

അ​പ​ക​ട നി​യ​ന്ത്ര​ണ പ​ദ്ധ​തി​പ്ര​ഖ്യാ​പ​ന​ത്തി​ൽ ഒ​തു​ങ്ങി

ചാ​രും​മൂ​ട്: കാ​യം​കു​ളം-​പു​ന​ലൂ​ര്‍ സം​സ്ഥാ​ന​പാ​ത​യി​ലെ അ​പ​ക​ട നി​യ​ന്ത്ര​ണ പ​ദ്ധ​തി​ക​ള്‍ പ്ര​ഖ്യാ​പ​ന​ത്തി​ൽ മാ​ത്ര​മാ​യി. കെപി റോ​ഡി​ല്‍ ആ​ദി​ക്കാ​ട്ടു​കു​ള​ങ്ങ​ര മു​ത​ല്‍ കു​റ്റി​ത്തെ​രു​വ് വ​രെ​യു​ള്ള ഭാ​ഗ​ത്താ​ണ് അ​പ​ക​ട​ങ്ങ​ളേ​റെ​യും ഉ​ണ്ടാ​കു​ന്ന​ത്. കെപി റോ​ഡി​ലെ ആ​ശാ​ന്‍​ക​ലു​ങ്ക് ജം​ഗ്‌​ഷ​നു സമീ​പം കൊ​ടും​വ​ള​വി​ല്‍ റോ​ഡി​നോ​ടു ചേ​ര്‍​ന്നു​ള്ള ട്രാ​ന്‍​സ്‌​ഫോ​ർമ​ർ മാ​റ്റ​ണ​മെ​ന്ന ആ​വ​ശ്യ​ത്തി​നു പ​രി​ഹാ​ര​മു​ണ്ടാ​യി​ട്ടി​ല്ല. ഇ​വി​ടെ റോ​ഡ് വീ​തി​കൂ​ട്ടി ന​വീ​ക​രി​ച്ച​തോ​ടെ അ​മി​ത​വേ​ഗ​ത്തി​ലാ​ണ് വാ​ഹ​ന​ങ്ങ​ള്‍ ക​ട​ന്നു​പോ​കു​ന്ന​ത്.

ചാ​രും​മൂ​ട് ജം​ഗ്‌​ഷ​നി​ൽ സ്ഥാ​പി​ച്ചി​രു​ന്ന സി​സി​ടി​വി കാ​മ​റ​ക​ള്‍ പ്ര​വ​ര്‍​ത്തി​ക്കു​ന്നി​ല്ല. സ്വ​കാ​ര്യബ​സു​ക​ളു​ടെ മ​ത്സ​ര​ഓ​ട്ടം ത​ട​യാ​ന്‍ പ​ഞ്ചി​ംഗ് ഏ​ര്‍​പ്പെ​ടു​ത്താ​നു​ള്ള മോ​ട്ടോ​ര്‍ വാ​ഹ​ന വ​കു​പ്പി​ന്‍റെയും പോ​ലീ​സി​ന്‍റെയും തീ​രു​മാ​നം ന​ട​പ്പാ​യി​ട്ടി​ല്ല. പ​ല​സ്ഥ​ല​ങ്ങ​ളി​ലും കെ.പി റോ​ഡി​ലേ​ക്ക് ഇ​റ​ക്കി​യു​ള്ള അ​ന​ധി​കൃ​ത കൈയേറ്റ​ങ്ങ​ള്‍ അ​പ​ക​ട​ങ്ങ​ള്‍​ക്കും ഗ​താ​ഗ​ത​ത​ട​സം ഉ​ണ്ടാ​ക്കു​ന്ന​തി​നും കാ​ര​ണ​മാ​കു​ന്നു.

കെ.​പി. റോ​ഡി​ല്‍ ടി​പ്പ​ര്‍ ലോ​റി​ക​ളു​ടെ അ​മി​ത​വേ​ഗ​ത്തി​നെ​തി​രേ പോ​ലീ​സും മോ​ട്ടോ​ര്‍​വാ​ഹ​ന വ​കു​പ്പും പ​രി​ശോ​ധ​ന ന​ട​ത്തി ക​ര്‍​ശ​ന ന​ട​പ​ടി​യെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെയും യാത്രക്കാരുടെയും ആ​വ​ശ്യം.

Copyright @ 2022 , Rashtra Deepika Ltd.