സൈ​നി​ക​നും കു​ടും​ബ​ത്തി​നും നേ​രെ സ​ദാ​ചാ​ര ഗു​ണ്ടാ​യി​സം; ന​ട​പ​ടി​യെ​ടു​ക്കാ​തെ പോ​ലീ​സ്
Thursday, April 18, 2024 1:47 AM IST
കാ​ഞ്ഞ​ങ്ങാ​ട്: സി​പി​എം പാ​ര്‍​ട്ടി ഗ്രാ​മ​ത്തി​ല്‍ തെ​യ്യം കാ​ണാ​നെ​ത്തി​യ സൈ​നി​ക​നും കു​ടും​ബ​ത്തി​നും നേ​രെ സ​ദാ​ചാ​ര ഗു​ണ്ടാ​ക്ര​മ​ണം. പ്ര​തി​ക​ളാ​യ സി​പി​എം പ്ര​വ​ര്‍​ത്ത​ക​ര്‍​ക്കെ​തി​രെ ന​ട​പ​ടി​യെ​ടു​ക്കാ​തെ നീ​ലേ​ശ്വ​രം പോ​ലീ​സ്. പ​ശ്ചി​മ ബം​ഗാ​ളി​ല്‍ സൈ​നി​ക​ജോ​ലി ചെ​യ്യു​ന്ന കു​ന്നും​കൈ ചെ​മ്മ​ന്‍​കു​ന്ന് സ്വ​ദേ​ശി കെ.​നി​ധി​ന്‍ ബാ​ബു​വും കു​ടും​ബ​വു​മാ​ണ് പ​രാ​തി​യു​മാ​യി രം​ഗ​ത്തെ​ത്തി​യി​രി​ക്കു​ന്ന​ത്.

ഏ​പ്രി​ല്‍ നാ​ലി​ന് രാ​ത്രി​യാ​ണ് വ​ട​ക്കേ പു​ലി​യ​ന്നൂ​രി​ല്‍ ഒ​റ്റ​ക്കോ​ലം കാ​ണു​ന്ന​തി​നാ​യി നി​ധി​നും കു​ടും​ബ​വും എ​ത്തി​യ​ത്. വിശ്രമിക്കാനായി തൊട്ടടുത്ത സ്കൂളിലെത്തിയ സ​മ​യ​ത്താ​ണ് 15 പേ​ര​ട​ങ്ങി​യ സം​ഘം അ​വി​ടെ​യെ​ത്തി മോ​ശ​മാ​യ രീ​തി​യി​ല്‍ സം​സാ​രി​ക്കു​ന്ന​ത്. തു‌​ട​ർ​ന്ന് നി​ധി​നെ​യും സ​ഹോ​ദ​ര​നെ​യും മ​ര്‍​ദ്ദി​ച്ചു. ത​ട​യാ​ന്‍ ചെ​ന്ന നി​ധി​ന്‍റെ ഭാ​ര്യ​യോ​ടും സ​ഹോ​ദ​രി​മാ​രോ​ടും മോ​ശ​മാ​യി പെ​രു​മാ​റി.

മ​ര്‍​ദ്ദ​ന​ത്തി​ല്‍ പ​രി​ക്കേ​റ്റ​തി​നെ​തു​ട​ര്‍​ന്ന് നീ​ലേ​ശ്വ​രം താ​ലൂ​ക്ക് ആ​ശു​പ​ത്രി​യി​ല്‍ ചി​കി​ത്സ തേ​ടി. പി​ന്നീ​ട് നീ​ലേ​ശ്വ​രം പോ​ലീ​സ് സ്‌​റ്റേ​ഷ​നി​ല്‍ പ​രാ​തി ന​ല്‍​കി. എ​ന്നാ​ല്‍ നാ​ളി​തു​വ​രെ​യാ​യി​ട്ടും പ്ര​തി​ക​ളി​ല്‍ ഒ​രാ​ളെ​പോ​ലും പോ​ലീ​സ് അ​റ​സ്റ്റ് ചെ​യ്തി​ട്ടി​ല്ല. അ​നീ​ഷ്, ഉ​പേ​ന്ദ്ര​ന്‍, ര​ജീ​ഷ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് അ​ക്ര​മം ന​ട​ത്തി​യ​ത്. ഒ​രാ​ള്‍ സി​പി​എം ലോ​ക്ക​ല്‍ ക​മ്മി​റ്റി​യം​ഗ​വും ര​ണ്ടു​പേ​ര്‍ ബ്രാ​ഞ്ച് ക​മ്മി​റ്റി​യം​ഗ​ങ്ങ​ളു​മാ​ണ്.

രാ​ഷ്ട്രീ​യ സ്വാ​ധീ​നം മൂ​ല​മാ​ണ് പോ​ലീ​സ് കേ​സെ​ടു​ക്കാ​ത്ത​തെ​ന്ന് പ​രാ​തി​ക്കാ​ര്‍ ആ​രോ​പി​ച്ചു. എ​ന്നാ​ല്‍ പ​രാ​തി കി​ട്ടി​യ ഉ​ട​ന്‍ കേ​സെ​ടു​ത്ത​താ​യും അ​ന്വേ​ഷ​ണം ന​ട​ത്തു​ക​യാ​ണെ​ന്നും നീ​ലേ​ശ്വ​രം പോ​ലീ​സ് പ്ര​തി​ക​രി​ച്ചു.

Copyright @ 2022 , Rashtra Deepika Ltd.