നവംബർ ആറു മുതൽ സമയം ഒരു മണിക്കൂർ പുറകോട്ട്
Saturday, November 5, 2016 8:26 AM IST
ഡാളസ്: അമേരിക്കൻ ഐക്യനാടുകളിൽ നവംബർ ആറ് (ഞായർ) പുലർച്ചെ രണ്ടിന്് ക്ലോക്കുകളിലെ സൂചി ഒരു മണിക്കൂർ പുറകിലേക്ക് തിരിച്ചു വയ്ക്കും. മാർച്ച് രണ്ടാം ഞായറാഴ്ചയായിരുന്നു സമയം ഒരു മണിക്കൂർ മുന്നോട്ട് തിരിച്ചു വച്ചിരുന്നത്.

വിന്റർ സീസന്റെ അവസാനം ഒരു മണിക്കൂർ മുന്നോട്ടും ഫോൾ സീസണിൽ ഒരു മണിക്കൂർ പുറകോട്ടും തിരിച്ചുവയ്ക്കുന്ന സമയമാറ്റം അമേരിക്കയിൽ ആദ്യമായി നിലവിൽ വന്നത് ഒന്നാം ലോക മഹായുദ്ധകാലത്താണ്.

സൂര്യപ്രകാശം ധാരാളമായി ലഭിക്കുന്ന സ്പ്രിംഗ് (Spring) വിന്റർ (Winter) സീസണുകളിൽ പകലിന്റെ ദൈർഘ്യം വർധിപ്പിച്ചു വൈദ്യുതി ഉപയോഗം കുറയ്ക്കുന്നതിനും ഇതിൽ നിന്നും ലഭിക്കുന്ന മികച്ച വൈദ്യുതി യുദ്ധ മേഖലയിൽ പ്രയോജനപ്പെടുത്തുന്നതിനും ലക്ഷ്യമിട്ടാണ് അമേരിക്കയിൽ സമയമാറ്റം അംഗീകരിച്ച് നടപ്പാക്കി തുടങ്ങിയത്.

സ്പ്രിംഗ് ഫോർവേഡ് (Spring Forward) ഫോൾ ബാക്ക് വേഡ് (Fall backword) എന്നാണ് ഇവിടെ സമയമാറ്റം അറിയപ്പെടുന്നത്. അരിസോണ, ഹവായ്, പുർട്ടൊറിക്കൊ, വെർജിൻ ഐലന്റ് തുടങ്ങിയ സംസ്‌ഥാനങ്ങൾക്ക് സമയമാറ്റം ബാധകമല്ല. സമയ മാറ്റം ശ്രദ്ധിക്കാതെ ഒരു മണിക്കൂർ നേരത്തെ ആരംഭിക്കുന്ന ഞായറാഴ്ചകളിലെ ആരാധനകളിൽ വൈകി എത്തുന്നവരുടേയും പങ്കെടുക്കാത്തവരുടേയും എണ്ണം വർധിക്കുന്നു എന്നുളളത് യാഥാർഥ്യമാണ്.

റിപ്പോർട്ട്: പി.പി. ചെറിയാൻ
Copyright @ 2022 , Rashtra Deepika Ltd.