രേഖാ ഫിലിപ്പ് ഫോമ നാഷണല്‍ കമ്മിറ്റിയിലേക്ക്
Monday, April 4, 2016 8:10 AM IST
ഫിലഡല്‍ഫിയ: അമേരിക്കയിലെ ആദ്യകാല മലയാളി അസോസിയേഷനുകളിലൊന്നായ 'കല മലയാളി അസോസിയേഷന്‍' രേഖാ ഫിലിപ്പിനെ ഫോമാ നാഷണല്‍ കമ്മിറ്റിയില്‍ വനിതാ പ്രതിനിധിയായി നാമനിര്‍ദേശം ചെയ്തു. കഴിഞ്ഞ രണ്ടുവര്‍ഷക്കാലമായി കലയുടെ ജനറല്‍ സെക്രട്ടറി എന്ന നിലയില്‍ പ്രവര്‍ത്തിച്ചുവരികയായിരുന്നു.

പെന്‍സില്‍വാനിയയിലെ മക്നീല്‍ റിസര്‍ച്ച് ആന്‍ഡ് ഡെവലപ്മെന്റ് സെന്ററില്‍ സയന്റിസ്റായ രേഖ അറിയപ്പെടുന്ന നര്‍ത്തകിയും മികവുറ്റ സംഘാടകയുമാണ്. ഇപ്പോഴത്തെ ഫോമാ നാഷണല്‍ കമ്മിറ്റി അംഗംകൂടിയായ രേഖ ഫോമയുടെ വിവിധങ്ങളായ പദ്ധതികള്‍ ഏകോപിപ്പിക്കുന്നതിനൊപ്പം സ്ത്രീശാക്തീകരണ രംഗത്തും സജീവമായി പ്രവര്‍ത്തിക്കുന്നു.

പ്രസിഡന്റ് സണ്ണി ഏബ്രഹാമിന്റെ അധ്യക്ഷതയില്‍ ചേര്‍ന്ന കല എക്സിക്യൂട്ടീവ് യോഗം രേഖാ ഫിലിപ്പിന് വിജയാശംസകള്‍ നേര്‍ന്നു.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.