ഫിലാഡല്ഫിയ: കുട്ടികളില് കുരുന്നുപ്രായത്തില്തന്നെ വിശ്വാസവും, ഒപ്പം ബൈബിള് അധിഷ്ഠിതമായ അറിവും ആഘോഷങ്ങളിലൂടെ എങ്ങനെ നല്കാം എന്നതായിരുന്നു ഇത്തവണ ഫിലാഡല്ഫിയാ സീറോമലബാര് മതാധ്യാപകര് കാണിച്ചുകൊടുത്തത്. ലോകമെമ്പാടും ആഘോഷിക്കുന്ന ക്രിസ്മസ് മാനവരക്ഷക്കായി മനുഷ്യാവതാരമെടുത്ത ഉണ്ണിയേശുവിന്റെ ജന്മദിനമാണെന്നുള്ള സത്യം പ്ളേ സ്കൂള് മുതല് കിന്റര്ഗാര്ഡന് വരെയുള്ള കൊച്ചുകുട്ടികളില് വേരുറപ്പിക്കണമെങ്കില് ശരിക്കും ഒരു ബെര്ത്ത് ഡേ സെലിബ്രേഷന് തന്നെ ഒരുക്കേണ്ടിവരും. തങ്ങള് കണ്ടിട്ടുള്ളതിലെ ഏറ്റവും വലിയ കേക്ക് ജീസസിന്റെ ബര്ത്ത് ഡേയ്ക്ക് മാത്രമേ ഉണ്ടാവൂ എന്ന തിരിച്ചറിവും കുട്ടികളുടെ ഇളം മനസില് പതിഞ്ഞു.ഫിലാഡല്ഫിയ സെന്റ് തോമസ് സീറോമലബാര് ഫൊറോനാ ദേവാലയത്തിലെ സണ്ഡേ സ്കൂള് കുട്ടികള് മതാധ്യാപിക റജീനാ ജോസഫിന്റെ നേതൃത്വത്തില് കഴിഞ്ഞ രണ്ടാഴ്ച്ചകളിലായി ജീസസിന്റെ ബര്ത്ത് ഡേ വ്യത്യസ്തമായ രീതിയില് ആഘോഷിക്കുന്നതിനുള്ള തയാറെടുപ്പിലായിരുന്നു. അതിനു ഫലം കാണുകയും ചെയ്തു. എല്ലാ ക്ളാസുകളിലെയും കുട്ടികളെ ഈ പ്രോജക്ടില് പങ്കെടുപ്പിക്കുന്നതിനും, അവരുടെ നൈസര്ഗികവാസനകള് പ്രകടിപ്പിക്കുന്നതിനും കുട്ടികള്ക്ക് അവസരം ലഭിച്ചു.
ഡിസംബര് 20 ഞായറാഴ്ച്ച ഇടവക വികാരി റവ. ഫാ. ജോണിക്കുട്ടി ജോര്ജ് പുലിശേരി അര്പ്പിച്ച ദിവ്യബലിയെതുടര്ന്നാണ് ജീസസ് ബര്ത്ത്ഡേ ആഘോഷങ്ങള് ക്രമീകരിച്ചിരുന്നത്. സണ്ഡേ സ്കൂള് ഡയറക്ടര് ഡോ. ജയിംസ് കുറിച്ചി, മതാധ്യാപകരായ റജീനാ ജോസഫ്, മോഡി ജേക്കബ്, ജോസ് ജോസഫ്, ജോസ് മാളേയ്ക്കല്, ജോസഫ് ജയിംസ്, ജാന്സി ജോസഫ്, ജാസ്മിന് ചാക്കോ, ട്രേസി ഫിലിപ്, അജിത് തോമസ്, നീതു മുക്കാടന്, മോളി ജേക്കബ്, കാരൊലിന് ജോര്ജ്, ക്രിസ്റല് തോമസ് എന്നിവര്ക്കൊപ്പം ട്രസ്റിമാരായ സണ്ണി പടയാറ്റില്, ഷാജി മിറ്റത്താനി, സെക്രട്ടറി ടോം പാറ്റാനിയില്, പി.റ്റി.എ. പ്രസിഡന്റ് ജോജി ചെറുവേലിയുടെ നേതൃത്വത്തില് പി.റ്റി.എ. ഭാരവാഹികളും ഒത്തുചേര്ന്നപ്പോള് ആഘോഷം സജീവമായി.
കാരലിനും, ആല്ബര്ട്ടും നേതൃത്വം നല്കിയ കരോള് സര്വീസില് പ്രി കെ മുതല് പന്ത്രണ്ടു വരെയുള്ള കുട്ടികള് വിവിധ കരോള് ഗാനങ്ങള് ഏറ്റുപാടി. സ്കൂള് കൌണ്സില് പ്രസിഡന്റ് കിരണ് ജോസഫ് ക്രിസ്മസ് സന്ദേശം നല് കി. അരുണ് തലോടി സാന്റായുടെ വേഷമിട്ടപ്പോള് എഡ്വിന്, നോബിള്, ഷെറില് എന്നിവര് എം. സി. മാരായി.
മതബോധനസ്കൂള് കുട്ടികള്ക്കായി ക്ളാസുകളില് നടത്തപ്പെട്ട സാന്റാസ് വര്ക്ഷോപ്പും ജീസസ് ബര്ത്ത്ഡേ ആഘോഷങ്ങളും വര്ണാഭമായിരുന്നു. പിടിഎ പ്രസിഡന്റ് ജോജി ചെറുവേലില് ജീസസിനായി പ്രത്യേകം സജീകരിച്ച വലിയ കേക്ക് വികാരി ഫാ. ജോണിക്കുട്ടി കുട്ടികള്ക്കൊപ്പം മുറിച്ച് ആഘോഷങ്ങള്ക്ക് തുടക്കം കുറിച്ചു. ജോസഫും, മേരിയും കൈകളില് സംവഹിച്ചുകൊണ്ടുവന്ന ഉണ്ണിയേശുവിനെ ജോണിക്കുട്ടിയച്ചന് പുല്ക്കൂട്ടില് കിടത്തി വണങ്ങി. കുട്ടികളും അതുകണ്ട് ഉണ്ണിയെ താണുവണങ്ങി. ഒരിക്കലും മറക്കാന് സാധിക്കാത്ത അനുഭവമായിരുന്നു കുട്ടികളുടെ മനസില് ജീസസ് ബര്ത്ത് ഡേ ആഘോഷത്തിലൂടെ കോറിയിട്ടത്.
റിപ്പോര്ട്ട്: ജോസ് മാളേയ്ക്കല്