വയനാട് ഡിസിസി പ്രസിഡന്റ് കെ.എല്‍. പൌലോസിനു സ്വീകരണം നല്‍കി
Sunday, June 14, 2015 7:41 AM IST
മയാമി: ഇന്ത്യന്‍ നാഷണര്‍ ഓവര്‍സീസ് കോണ്‍ഗ്രസ് (ഐഎന്‍ഒസി) ഫ്ളോറിഡ ചാപ്റ്ററിന്റെ ആഭിമുഖ്യത്തില്‍ കേരളത്തില്‍ കോണ്‍ഗ്രസിന് ഏറ്റവും ശക്തമായ വേരോട്ടമുള്ള വയനാട് ജില്ലാ കോണ്‍ഗ്രസ് അധ്യക്ഷന്‍ കെ.എല്‍. പൌലോസിനു സ്വീകരണം നല്‍കി.

ഇന്ത്യന്‍ നാഷണല്‍ ഓവര്‍സീസ് കോണ്‍ഗ്രസ് ഫ്ളോറിഡ ചാപ്റ്റര്‍ പ്രസിഡന്റ് അസീസി നടയിലിന്റെ അധ്യക്ഷതയില്‍ കൂടിയ പൊതുയോഗത്തില്‍ ഐഎന്‍ഒസി നാഷണല്‍ വൈസ് പ്രസിഡന്റ് മാമ്മന്‍ സി. ജേക്കബ്, കേരള സമാജം പ്രസിഡന്റ് സജി സക്കറിയാസ്, ജോര്‍ജി വര്‍ഗീസ് (ഫൊക്കാന), സുനില്‍ തൈമറ്റം (പ്രസിഡന്റ്, ഇന്ത്യ പ്രസ് ക്ളബ്ബ് ഫ്ളോറിഡ ചാപ്റ്റര്‍) എന്നിവര്‍ ആശംസകള്‍ അര്‍പ്പിച്ചു.

കാര്‍ഷിക പശ്ചാത്തലം മാത്രമുള്ള മലയോര ജില്ലയായ വയനാടിനെ വികസനോന്മുഖമായ ഒരു ജില്ലയായി വളര്‍ത്താന്‍ കഴിഞ്ഞതു യുഡിഎഫ് ഗവണ്‍മെന്റിന്റെ അകമഴിഞ്ഞ പരിഗണനകൊണ്ടാണെന്നും ടൂറിസം മേഖലയില്‍ വലിയ വികസന സാധ്യതകളുണ്െടന്നും കെ.എല്‍. പൌലോസ് വ്യക്തമാക്കി.

ജോയി കുറ്റ്യാനി സ്വാഗതവും മാത്തുക്കുട്ടി തുമ്പമണ്‍ കൃതജ്ഞതയും പറഞ്ഞു. മത്തായി വെമ്പാല, ഷിബു ജോസഫ്, സാജന്‍ കുര്യന്‍, കൊച്ചുമോന്‍, പ്രവീണ്‍ പോള്‍, റോബിന്‍ ആന്റണി എന്നിവര്‍ സ്വീകരണയോഗത്തിനു നേതൃത്വം നല്‍കി.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.