കൊയിലാണ്ടി കൂട്ടം കുവൈറ്റ് ചാപ്റ്റര്‍ സ്നേഹ സംഗമം നടത്തി
Friday, April 24, 2015 6:28 AM IST
കുവൈറ്റ്: കൊയിലാണ്ടി കൂട്ടം കുവൈറ്റ് ചാപ്റ്റര്‍ സ്നേഹ സംഗമം അബാസിയ ഹൈഡന്‍ റസ്ററന്റില്‍ നടന്നു. പ്രസിഡന്റ് ഇല്യാസ് ബഹസന്‍ അധ്യക്ഷത വഹിച്ച ചടങ്ങില്‍ രക്ഷാധികാരി റൌഫ് മഷൂര്‍ ഉദ്ഘാടനം നിര്‍വഹിച്ചു. കുവൈറ്റ് ചാപ്റ്റര്‍ സ്വരൂപിച്ച വെങ്ങിലോട്ട് മീത്തല്‍ നിഥിന്‍ ചികിത്സ സഹായ ഫണ്ട് സാമൂഹിക പ്രവര്‍ത്തകന്‍ അബൂബക്കര്‍ ചാപ്റ്റര്‍ ചെയര്‍മാന്‍ ഷാഹിദ് സിദ്ദിഖ് ഹുസൈനു കൈമാറി. സുല്‍ഫിക്കര്‍ തിരുവങ്ങൂര്‍ ആശംസ പ്രസംഗം നടത്തി. തുടര്‍ന്നു കലാപരിപാടികളും ഗെയിംസും ഗാനമേളയും നടന്നു. സെക്രട്ടറി ഷാഹുല്‍ ബേപ്പൂര്‍ സ്വാഗതവും ബിനു നന്ദിയും പറഞ്ഞു.

റിപ്പോര്‍ട്ട്: സലിം കോട്ടയില്‍
Copyright @ 2022 , Rashtra Deepika Ltd.