ഐവറി കോസ്റില്‍ ഇന്ത്യന്‍ അസോസിയേഷന്‍ 'ഏകത' ഓണാഘോഷം നടത്തി
Thursday, September 11, 2014 7:48 AM IST
അബിദ്ജാന്‍: പടിഞ്ഞാറന്‍ അഫ്രിക്കന്‍ രാജ്യമായ ഐവറി കോസ്റില്‍ ഇന്ത്യന്‍ അസോസിയേഷന്‍ 'ഏകത' യുടെ അഭിമുഖ്യത്തില്‍ ഓണാഘോഷം നടത്തി.

ആഘോഷങ്ങളോടനുബന്ധിച്ച് അത്തപൂക്കളവും വിവിധ കലാ, കായിക മത്സരങ്ങളും സംഘടിപ്പിച്ചു. തുടര്‍ന്നു നടന്ന വിഭവ സമൃദ്ധമായ ഓണസദ്യ, ആഫ്രിക്കന്‍ നിവാസികള്‍ക്കൊപ്പം ഇന്ത്യയിലെ മറ്റ് ഇതര സംസ്ഥാനങ്ങളില്‍ നിന്നുള്ളവര്‍ക്കും പുത്തന്‍ അനുഭവമായി.

ചടങ്ങിനു ആവേശം പകര്‍ന്നു ആഫ്രിക്കയുടെ പരമ്പരാഗത നൃത്തങ്ങളും അരങ്ങേറി. ആഘോഷ പരിപാടികള്‍ക്ക് പ്രസിഡന്റ് മനോജ് സോമന്‍, സെക്രട്ടറി അനീഷ് ദേവസ്യ, വൈസ് പ്രസിഡന്റ് ഷെറി പീതാംബരന്‍, ഹുസൈന്‍ കിര്‍മാണി എന്നിവര്‍ നേതൃത്വം നല്‍കി.
Copyright @ 2022 , Rashtra Deepika Ltd.