ടാമ്പാ: മേയ് 30-ന് ടാമ്പായിലെ മലയാളി കമ്യൂണിറ്റി സെന്ററില്‍ മലയാളി അസോസിയേഷന്‍ പ്രസിഡന്റ് ജോസഫ് ഉപ്പൂട്ടിലിന്റെ അധ്യക്ഷതയില്‍ ചേര്‍ന്ന യോഗത്തില്‍ ഫ്ളോറിഡയിലെ വിവിധ അസോസിയേഷനുകളായ മലയാളി അസോസിയേഷന്‍ ഓഫ് സെന്‍ട്രല്‍ ഫ്ളോറിഡ, ടാമ്പാ മലയാളി അസോസിയേഷന്‍, ഓര്‍ലാന്റോ റീജിയണല്‍ യുണൈറ്റഡ് മലയാളി അസോസിയേഷന്‍ (ഒരുമ), അറ്റ്ലാന്റാ മെട്രോ മലയാളി അസോസിയേഷന്‍ (അമ്മ) തുടങ്ങിയ അസോസിയേഷനുകളുടെ പ്രതിനിധികളും പ്രസിഡന്റുമാരും ഫോമാ പ്രസിഡന്റ്, ട്രഷറര്‍ സ്ഥാനത്തേക്ക് മത്സരിക്കുന്ന ജയിംസ് ഇല്ലിക്കലിനും സജി കരിമ്പന്നൂരിനും പിന്തുണയും ഐക്യദാര്‍ഢ്യവും പ്രഖ്യാപിച്ചു.
2016 ഫോമ കണ്വന്ഷന് ടാമ്പാ/ഓര്‍ലാന്റോ വേദിയാകണമെന്ന് സദസ് ഒന്നടങ്കം തീരുമാനിക്കുകയും അതിനുവേണ്ട ക്രമീകരണങ്ങള്‍ ചെയ്യുവാന്‍ 101 അംഗ കമ്മിറ്റി രൂപീകരിക്കുകയും ചെയ്തു.
ഫോമ യൂത്ത് ഫെസ്റിവല്‍ ചെയര്‍മാന്‍, ആര്‍വിപി, രണ്ടു പ്രാവശ്യം ടാമ്പാ മലയാളി അസോസിയേഷന്‍ പ്രസിഡന്റ്, രണ്ടു പ്രാവശ്യം ക്നാനായ കാത്തലിക് കോണ്‍ഗ്രസ് ഓഫ് സെന്‍ട്രല്‍ ഫ്ളോറിഡ പ്രസിഡന്റ്, 2012 ഓര്‍ലാന്റോ ക്നാനായ കാത്തലിക് കോണ്‍ഗ്രസ് ഓഫ് നോര്‍ത്ത് അമേരിക്കയുടെ കണ്വന്ഷന് ചെയര്‍മാന്‍ തുടങ്ങി നിരവധി പദവികളില്‍ നിസ്തുല പ്രവര്‍ത്തനം കാഴ്ചവച്ച ശക്തനായ നേതാവാണ് ജയിംസ് ഇല്ലിക്കല്‍ എന്ന് എംഎസിഎഫ് പ്രസിഡന്റ് ജോസഫ് ഉപ്പൂട്ടില്‍ പ്രസ്താവിച്ചു.
ഫോമയുടെ എക്കാലത്തേയും പ്രിയങ്കരനായ സംഘടനാ പ്രവര്‍ത്തകനും പത്രപ്രവര്‍ത്തകനും കൂടിയായ സജി കരിമ്പന്നൂര്‍ ഫോമ നേതൃരംഗത്ത് നിരവധി പദവികള്‍ അലങ്കരിച്ചിട്ടുണ്ട്. ഫോമ മീഡിയാ കോഓര്‍ഡിനേറ്റര്‍/പിആര്‍ഒ, നാഷണല്‍ കമ്മിറ്റി അംഗം, ഫോമയുടെ മുഖപത്രമായ ഫോമ ന്യൂസിന്റെ എക്സിക്യൂട്ടീവ് എഡിറ്റര്‍, ഫോമ യൂത്ത് ഫെസ്റിവല്‍ കോഓര്‍ഡിനേറ്റര്‍, ഫോമ സുവനീയറിന്റെ പ്രഥമ ചീഫ് എഡിറ്റര്‍, കണ്വന്ഷന് ചെയര്‍പേഴ്സണ്‍, മലയാളി അസോസിയേഷന്‍ വൈസ് പ്രസിഡന്റ്, ട്രസ്റി ബോര്‍ഡ് സെക്രട്ടറി, ചര്‍ച്ച് ട്രഷറര്‍ തുടങ്ങി ഏറ്റെടുത്ത ഉത്തരവാദിത്വങ്ങളില്‍ നൂറുമേനി വിളയിച്ച സജി കരിമ്പന്നൂര്‍ കറപുരളാത്ത ജനകീയ നേതാവാണ്. ഫോമയുടെ അടുത്ത സാരഥിയായി സജി വരേണ്ടത് കാലത്തിന്റെ ആവശ്യമാണെന്ന് ടാമ്പാ മലയാളി അസോസിയേഷന്‍ മുന്‍ പ്രസിഡന്റ് ജോസ് മാധവപ്പള്ളി, എംഎസിഎഫ് ട്രസ്റി ബോര്‍ഡ് ചെയര്‍മാന്‍ ടി. ഉണ്ണികൃഷ്ണന്‍ എന്നിവര്‍ പ്രസ്താവിച്ചു.
ഓര്‍ലാന്റോ റീജിയണല്‍ യുണൈറ്റഡ് മലയാളി അസോസിയേഷന്‍ (ഒരുമ) സ്ഥാപക പ്രസിഡന്റായ സജി ജോണ്‍, നിലവിലെ പ്രസിഡന്റ് രഞ്ജിത്ത് താഴത്തുമഠത്തില്‍ എന്നിവര്‍ ഫോമയുടെ അഞ്ചാമത് കണ്വന്ഷന് ടാമ്പാ/ഓര്‍ലാന്റോ വേദിയാകേണ്ടതിന്റെ കാരണങ്ങള്‍ സദസിന് വിശദീകരിച്ചു.
അറ്റ്ലാന്റാ മെട്രോ മലയാളി അസോസിയേഷന്‍ (അമ്മ) ട്രസ്റി ബോര്‍ഡ് അംഗം ജോണ്‍സണ്‍ ചെറിയാന് (കൊച്ചുമോന്‍) ടാമ്പാ/ഓര്‍ലാന്റോ കണ്‍വന്‍ഷനും അതിന്റെ സാരഥികള്‍ക്കും അസോസിയേഷന്റെ പരിപൂര്‍ണ പിന്തുണ വാഗ്ദാനം ചെയ്തു.
മറ്റു സംഘടനാ നേതാക്കന്മാരായ ജയ്മോന്‍ കളപ്പുരയ്ക്കല്‍ (ടാമ്പാ ബേ മലയാളി അസോസിയേഷന്‍ പ്രസിഡന്റ്), ബിനു മാമ്പിള്ളി (ടിഎംഎ സെക്രട്ടറി), അശോക് മേനോന്‍ (ഒരുമ മുന്‍ പ്രസിഡന്റ്), നോബിള്‍ ഗംഗാധരന്‍ (ഒരുമ എക്സിക്യൂട്ടീവ്), ബാബു തോമസ് (എംഎസിഎഫ് സെക്രട്ടറി), കുമാര്‍ മരുത്തുപറമ്പില്‍ (എംഎസിഎഫ് ട്രഷറര്‍), ജോമോന്‍ കളപ്പുരയ്ക്കല്‍ (ഫോമ), സജനാ നിഷാദ്, കുര്യന്‍ കോശി, ജയിംസ് ചെരുവില്‍ തുടങ്ങി നിരവധി പേര്‍ 2016 കണ്വന്ഷന് വിജയിപ്പിക്കേണ്ടതിന്റെ ആവശ്യകതയെക്കുറിച്ചും ഒപ്പം പ്രസ്തുത യോഗത്തില്‍ രൂപീകരിച്ച 101 അംഗ കമ്മിറ്റി കണ്‍വന്‍ഷനും മത്സരാര്‍ഥികള്‍ക്കുവേണ്ടി അതിശക്തമായി പ്രവര്‍ത്തിക്കാനും തീരുമാനിച്ചു.
റിപ്പോര്‍ട്ട്: ജോയിച്ചന്‍ പുതുക്കുളം