കണക്ടിക്കട്ടില്‍ ഫാ. കുര്യന്‍ കാരിയ്ക്കല്‍ നയിക്കുന്ന നോമ്പുകാല ധ്യാനം
Saturday, March 22, 2014 3:19 AM IST
കണക്ടിക്കട്ട്: ഹാര്‍ട്ട്ഫോര്‍ഡ് സെന്റ് തോമസ് സീറോ മലബാര്‍ ചര്‍ച്ചില്‍ അതിരമ്പുഴ കാരിസ് ഭവന്‍ ധ്യാനകേന്ദ്രം ഡയറക്ടറും ലോംഗ്വില്ല സെന്റ് അല്‍ഫോന്‍സാ സീറോ മലബാര്‍ ചര്‍ച്ച് മുന്‍ വികാരിയുമായ ഫാ. കുര്യന്‍ കാരിയ്ക്കല്‍ നയിക്കുന്ന നവീകരണ ധ്യാനം മാര്‍ച്ച് 28,29,30 തീയതികളില്‍ വെസ്റ് ഹാര്‍ട്ട്ഫോര്‍ഡിലുള്ള സെന്റ് ഹെലേനാ ദേവാലയത്തില്‍ (30 ഋരവീ ഘമില) നടത്തപ്പെടുന്നു.

മാര്‍ച്ച് 28,29 തീയതികളില്‍ രാവിലെ 10 മണി മുതല്‍ വൈകുന്നേരം 8 മണി വരേയും, 30-ന് ഞായറാഴ്ച ഉച്ചകഴിഞ്ഞ് ഒന്നു മുതല്‍ എട്ടുവരെയും ആയിരിക്കം ധ്യാനം നടക്കുക. കുട്ടികള്‍ക്കുവേണ്ടിയുള്ള പ്രത്യേക സെഷന്‍ ഉണ്ടായിരിക്കുന്നതാണ്. ധ്യാനാവസരങ്ങളില്‍ കുമ്പസാരത്തിനുള്ള അവസരവും ഉണ്ടായിരിക്കും.

വിവിധ രാജ്യങ്ങളില്‍ ധ്യാന പ്രസംഗം നടത്തി അനേകരെ വിശ്വാസത്തിന്റെ പാതയിലേക്കാനയിച്ച ഈ പ്രശസ്ത വചനപ്രഘോഷകനെ ശ്രവിച്ച് ഈ നോമ്പുകാലത്ത് ആത്മശോധന നടത്തി ക്രൂശിതനായ യേശുവിന്റെ ഉത്ഥാനത്തിനായി ഒരുങ്ങുവാന്‍ ഏവരേയും വികാരി ഫാ. ഡോ. ഫ്രാന്‍സീസ് നമ്പ്യാപറമ്പില്‍ സ്വാഗതം ചെയ്യുന്നു. ജോസഫ് ചാക്കോ ഒറ്റത്തില്‍ അറിയിച്ചതാണിത്.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.