ജയിംസ് ഇളംപുരയിടത്തില്‍ ഫൊക്കാന കണ്‍വന്‍ഷന്‍ കമ്മിറ്റി കണ്‍വീനര്‍
Tuesday, February 18, 2014 9:50 AM IST
ന്യൂയോര്‍ക്ക്: ജയിംസ് ഇളംപുരയിടത്തിലിനെ ജൂലൈ നാല്, അഞ്ച്, ആറ് തീയതികളില്‍ ഷിക്കാഗോയില്‍ നടക്കുന്ന ഫൊക്കാന അന്താരാഷ്ട്ര കണ്‍വന്‍ഷന്‍ കമ്മിറ്റിയില്‍ കണ്‍വീനറായി തെരഞ്ഞെടുത്തതായി പ്രസിഡന്റ് മറിയാമ്മ പിള്ള, ജനറല്‍ സെക്രട്ടറി ടെറന്‍സണ്‍ തോമസ്, എക്സിക്യൂട്ടീവ് വൈസ് പ്രസിഡന്റ് വര്‍ഗീസ് ഉലഹന്നാന്‍ എന്നിവര്‍ അറിയിച്ചു.

വിദ്യാര്‍ഥിയായിരിക്കെ പൊതുപ്രവര്‍ത്തനരംഗത്തിറങ്ങി മണ്ഡലം, താലൂക്ക്, ജില്ലാതലങ്ങളില്‍ പലസ്ഥാനമാനങ്ങള്‍ വഹിച്ചിട്ടുള്ള ജയിംസ് ഇപ്പോള്‍ റോക്ക്ലാന്‍ഡ് കൌണ്ടിയിലുള്ള ഹഡ്സണ്‍ വാലി മലയാളി അസോസിയേഷന്‍ പ്രസിഡന്റായി പ്രവര്‍ത്തിക്കുന്നു. അദ്ദേഹത്തിന്റെ കര്‍മ്മബോധവും സംഘടനാപാടവവും ഇതിനോടകം പലമേഖലകളിലും തെളിയിക്കപ്പെട്ടിട്ടുള്ളതാണ്.

ജയിംസ് ഇളംപുരയിടത്തില്‍ എന്തുകൊണ്ടും ഈ പദവി അലങ്കരിക്കാന്‍ യോഗ്യനാണെന്നും ആദ്ദേഹത്തെ ആ സ്ഥാനത്തേക്ക് നിയമിക്കാന്‍ സാധിച്ചതില്‍ അതിയായ സന്തോഷമുണ്െടന്നും ഫൊക്കാന ട്രസ്റി ബോര്‍ഡ് ചെയര്‍മാന്‍ പോള്‍ കറുകപ്പള്ളില്‍ എന്നിവര്‍ അറിയിച്ചു.

റിപ്പോര്‍ട്ട്: മാത്യു മൂലേച്ചേരില്‍
Copyright @ 2022 , Rashtra Deepika Ltd.