ചെമ്പേരി: ഏരുവേശി പഞ്ചായത്ത്, ചെമ്പേരി വൈഎംസിഎ, ടിഎസ്എസ്എസ് ചെമ്പേരി ട്രസ്റ്റ്, എംഎസ്എസ് എന്നിവയുടെ സഹകരണത്തോടെ ഗവ. ആയുർവേദ ഡിസ്‌പെൻസറിയുടെ ആഭിമുഖ്യത്തിൽ പകർച്ചവ്യാധി പ്രതിരോധ സൗജന്യ മെഡിക്കൽ ക്യാമ്പ് നടത്തി. ചെമ്പേരി ദേശീയവായനശാലാ ഹാളിൽ നടന്ന ക്യാന്പ് ഏരുവേശി പഞ്ചായത്ത് പ്രസിഡന്‍റ് മിനി ഷൈബി ഉദ്ഘാടനം ചെയ്തു.
ചെമ്പേരി ലൂർദ്മാതാ ബസിലിക്ക റെക്ടർ റവ. ഡോ. ജോർജ് കാഞ്ഞിരക്കാട്ട് അധ്യക്ഷത വഹിച്ചു. ആരോഗ്യ-വിദ്യാഭ്യാസകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ പൗളിൻ തോമസ് മുഖ്യപ്രഭാഷണം നടത്തി. ടിഎസ്എസ്എസ് ചെമ്പേരി ട്രസ്റ്റ് പ്രസിഡന്‍റ് ജോയി പാറത്താനത്ത്, ചെമ്പേരി വൈഎംസിഎ പ്രസിഡന്‍റ് ജോമി ചാലിൽ, വൈഎംസിഎ പ്രോഗ്രാം കോ-ഓർഡിനേറ്ററും ചെമ്പേരി ദേശീയ വായനശാലാ പ്രസിഡന്‍റുമായ ജോഷി കുന്നത്ത്, സിബി പിണക്കാട്ട് എന്നിവർ പ്രസംഗിച്ചു. തുടർന്ന് എരുവേശി ഗവ. ആയുർവേദ ഡിസ്പെൻസറി മെഡിക്കൽ ഓഫീസർ ഡോ. ശ്രീലക്ഷ്മി ബോധവത്കരണ ക്ലാസെടുത്തു. ഡോ. ശ്രീലക്ഷ്മി, ഡോ. അനൂപ് എന്നിവർ രോഗികളെ പരിശോധിച്ച് സൗജന്യ മരുന്നുകൾ നൽകി.