ചെ​ളി​ക്കു​ള​മാ​യി എ​രു​വാ​ട്ടി-​മേ​രി​ഗി​രി റോ​ഡ്
Saturday, July 6, 2024 1:12 AM IST
പെ​രു​മ്പ​ട​വ്: ച​പ്പാ​ര​പ്പ​ട​വ്-​തേ​ർ​ത്ത​ല്ലി റോ​ഡി​ലെ വി​മ​ല​ശേ​രി മു​ത​ൽ മേ​രി​ഗി​രി വ​രെ​യു​ള്ള ഭാ​ഗ​ത്തെ പ​ണി ഇ​ഴ​യു​ന്ന​ത് പ്ര​ദേ​ശ​വാ​സി​ക​ളെ ദു​രി​ത​ത്തി​ലാ​ക്കു​ന്നു. ച​പ്പാ​ര​പ്പ​ട​വ് മു​ത​ൽ വി​മ​ല​ശേ​രി വ​രെ വ​ർ​ഷ​ങ്ങ​ൾ​ക്ക് മു​മ്പ് മെ​ക്കാ​ഡം ടാ​റിം​ഗ് ന​ട​ത്തി​യി​രു​ന്നു. ര​ണ്ടാം ഘ​ട്ട​മാ​യി വി​മ​ല​ശേ​രി മു​ത​ൽ മേ​രി​ഗി​രി വ​രെ​യു​ള്ള ഭാ​ഗ​ത്തെ ന​വീ​ക​ര​ണ​മാ​രം​ഭി​ച്ച് ഒ​രുവ​ർ​ഷം പി​ന്നി​ട്ടി​ട്ടും പൂ​ർ​ത്തി​യാ​യി​ട്ടി​ല്ല. ഒന്പതുമാ​സം കൊ​ണ്ട് പൂ​ർ​ത്തീ​ക​രി​ക്കേ​ണ്ട പ്ര​വൃ​ത്തി​യാ​ണ് ഇ​ഴ​ഞ്ഞു നീ​ങ്ങു​ന്ന​ത്. ഓ​ട​ക​ളു​ടെ​യും ക​ലു​ങ്കി​ന്‍റെ​യും പ​ണി പൂ​ർ​ത്തീ​ക​രി​ക്കേ​ണ്ട​തു​ണ്ട്. മ​ഴ ശ​ക്ത​മാ​യ​തോ​ടെ റോ​ഡ് ചെ​ളി​ക്കു​ള​മാ​യി മാ​റി​യി​രി​ക്കു​ക​യാ​ണ്. റോ​ഡി​ലൂ​ടെ വാ​ഹ​ന​ങ്ങ​ൾ ക​ട​ന്നുപോ​കു​ന്ന​ത് ത​ന്നെ ഏ​റെ ബു​ദ്ധി​മു​ട്ടി​യാ​ണ്. കാ​ൽ​ന​ട യാ​ത്ര സാ​ധ്യ​മ​ല്ലാ​ത്ത വി​ധ​വു​മാ​യി​ട്ടു​ണ്ട്.

മേ​രി​ഗി​രി, ത​ടി​ക്ക​ട​വ്, ക​രി​ങ്ക​യം സ്കൂ​ളു​ക​ളി​ലേ​ക്കു​ള്ള കു​ട്ടി​ക​ളും നി​ര​വ​ധി അ​ങ്ക​ണ​വാ​ടി​ക​ളി​ലെ കു​ട്ടി​ക​ളും ആ​ശ്ര​യി​ക്കു​ന്ന റോ​ഡാ​ണി​ത്. വാ​ഹ​ന​ങ്ങ​ൾ ക​ട​ന്നു പോ​കു​ന്പോ​ൾ കാ​ൽ​ന​ട​യാ​ത്രി​ക​ർ ചെ​ളി​യി​ൽ കു​ളി​ക്കു​ക​യാ​ണ്. ഇ​ത് ഡ്രൈ​വ​ർ​മാ​രും കാ​ൽ​ന​ട​യാ​ത്രി​ക്കാ​രും ത​മ്മി​ലു​ള്ള വാ​ക്കേ​റ്റ​ത്തി​നും ഇ​ട​യാ​ക്കു​ന്നു. റോ​ഡി​ന്‍റെ മൂ​ന്നാം​ഘ​ട്ട​മാ​യ മേ​രി​ഗി​രി തേ​ർ​ത്ത​ല്ലി ഭാ​ഗ​ത്തെ പ​ണി പു​രോ​ഗ​മി​ക്കു​ന്നു​ണ്ടെ​ങ്കി​ലും ര​ണ്ടാം​ഘ​ട്ട​ത്തി​നും മൂ​ന്നാം​ഘ​ട്ട​ത്തി​നു​മി​ട​യി​ലു​ള്ള പ്ര​ദേ​ശ​മാ​ണ് ചെ​ളി​ക്കു​ള​മാ​യി തു​ട​രു​ന്ന​ത്.


ര​ണ്ടാംഘ​ട്ട പ്ര​വൃ​ത്തി​യി​ൽ വി​മ​ല​ശേ​രി മു​ത​ൽ മേ​രി​ഗി​രി വ​രെ​യു​ള്ള അ​ഞ്ചുകി​ലോ​മീ​റ്റ​ർ ദൂ​ര​ത്തി​ന് 11 കോ​ടി​യി​ലേ​റെ രൂപ അ​നു​വ​ദി​ച്ചി​രു​ന്നെ​ങ്കി​ലും 23 ശ​ത​മാ​നം കു​റ​ച്ചാ​ണ് ക​രാ​റെ​ടു​ത്ത​ത്. സ​ർ​ക്കാ​ർ ഇ​ട​പെ​ട്ട് ക​രാ​റി​ൽ ഉ​ൾ​പ്പെ​ടാ​ത്ത 600 മീ​റ്റ​ർ റോ​ഡ് ഗ​താ​ഗ​ത​യോ​ഗ്യ​മാ​ക്കാ​ൻ ന​ട​പ​ടി വേ​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു.