ബി​രു​ദ​മി​ല്ലാ​ത്ത ലി​ജി​ന​യു​ടെ ക​വി​ത ഇ​നി ബി​രു​ദ​വി​ദ്യാ​ര്‍​ഥി​ക​ള്‍ പ​ഠി​ക്കും
Saturday, July 6, 2024 12:56 AM IST
ക​ടു​മേ​നി: കാ​ടി​ന്‍റെ മ​ക്ക​ളു​ടെ വേ​ദ​ന​ക​ളും ചൂ​ഷ​ണ​ത്തി​നെ​തി​രാ​യ പ്ര​തി​ഷേ​ധ​വും അ​തി​ജീ​വ​ന​ത്തി​ന്‍റെ പ്ര​തീ​ക്ഷ​ക​ളും അ​തി​ന്‍റെ തീ​ക്ഷ്ണ​ത ഒ​ട്ടും ചോ​രാ​തെ അ​വ​രു​ടെ ത​ന്നെ ഭാ​ഷ​യി​ല്‍ ആ​വി​ഷ്‌​ക​രി​ക്കു​ന്ന, കേ​ര​ള​ത്തി​ലെ ഗോ​ത്ര​ക​വി​ക​ളി​ല്‍ മു​ന്‍​നി​ര​ക്കാ​രി​യാ​യ ലി​ജി​ന ക​ടു​മേ​നി​യു​ടെ പ​ട്ട​യ​ക​ള്ളാ​ട്ട് (പ​ട്ട​യ​ക​ട​ലാ​സ്) എ​ന്ന ക​വി​ത ഇ​നി ബി​രു​ദ​വി​ദ്യാ​ര്‍​ഥി​ക​ള്‍ പ​ഠി​ക്കും. കേ​ര​ള സ​ര്‍​വ​ക​ലാ​ശാ​ല​യു​ടെ മ​ല​യാ​ള പ​ഠ​ന​വി​ഭാ​ഗ​ത്തി​ലും ഇ​തി​ന്‍റെ ഇം​ഗ്ലീ​ഷ് പ​രി​ഭാ​ഷ ഇം​ഗ്ലീ​ഷ് വി​ഭാ​ഗം മേ​ജ​ര്‍ പേ​പ്പ​റി​ലു​മു​ണ്ട്. ആ​ദി​വാ​സി ഭൂ​സ​മ​ര​ങ്ങ​ളാ​ണ് ക​വി​ത​യു​ടെ പ്ര​മേ​യം.

മ​ല​വേ​ട്ടു​വ സ​മു​ദാ​യാം​ഗ​മാ​യ ലി​ജി​ന മ​ല​വേ​ട്ടു​വ ഭാ​ഷ​യി​ല്‍ ത​ന്നെ​യാ​ണ് ക​വി​ത ര​ചി​ച്ചി​രി​ക്കു​ന്ന​ത്. മ​ല​വേ​ട്ടു​വ ഭാ​ഷ​യ്ക്ക് ലി​പി​യി​ല്ലാ​ത്ത​തി​നാ​ല്‍ മ​ല​യാ​ളം ലി​പി​യി​ലാ​ണ് എ​ഴു​തു​ന്ന​ത്. ഇ​താ​ദ്യ​മാ​യാ​ണ് ഈ ​ഭാ​ഷ​യി​ല്‍ ഒ​രു സാ​ഹി​ത്യ​ര​ച​ന​യു​ണ്ടാ​കു​ന്ന​ത്. സ്‌​കൂ​ള്‍ കാ​ല​ഘ​ട്ട​ത്തി​ല്‍ മ​ല​യാ​ള​ക​വി​ത​ക​ളാ​ണ് എ​ഴു​തി​യി​രു​ന്ന​ത്. കോ​വി​ഡ് കാ​ല​ത്ത് ഗോ​ത്ര​ഭാ​ഷ​യി​ല്‍ എ​ഴു​തി സാ​മൂ​ഹ്യ​മാ​ധ്യ​മ​ങ്ങ​ളി​ല്‍ പോ​സ്റ്റ് ചെ​യ്യാ​ന്‍ തു​ട​ങ്ങി. മ​ല​യാ​ള പ​രി​ഭാ​ഷ കൂ​ടി ഇ​തി​നൊ​പ്പം ന​ല്‍​കി​യി​രു​ന്നു. ക​വി​ത​ക​ള്‍ വൈ​കാ​തെ ത​ന്നെ ശ്ര​ദ്ധി​ക്ക​പ്പെ​ട്ടു. ഡി​സി ബു​ക്‌​സി​ന്‍റെ ഗോ​ത്ര​ക​വി​ത​ക​ള്‍ എ​ന്ന ക​വി​താ​സ​മാ​ഹാ​ര​ത്തി​ല്‍ ലി​ജി​ന​യു​ടെ ക​വി​ത​യും ഉ​ള്‍​പ്പെ​ടു​ത്തി​യി​രു​ന്നു.

പി​ന്നീ​ട് 30 ക​വി​ത​ക​ള്‍ ഉ​ള്‍​പ്പെ​ടു​ത്തി മ​യി​ല​ര​സു എ​ന്ന ത​ന്‍റെ ആ​ദ്യ ക​വി​താ​സ​മാ​ഹാ​രം പു​റ​ത്തി​റ​ക്കി. ഇം​ഗ്ലീ​ഷ്, ഹി​ന്ദി, ത​മി​ഴ് ഭാ​ഷ​ക​ളി​ലേ​ക്ക് ലി​ജി​ന​യു​ടെ ക​വി​ത​ക​ള്‍ മൊ​ഴി​മാ​റ്റ​പ്പെ​ട്ടി​ട്ടു​ണ്ട്. കാ​ലി​ക്ക​ട്ട്, ക​ണ്ണൂ​ര്‍ സ​ര്‍​വ​ക​ലാ​ശാ​ല​ക​ളി​ലെ ഭാ​ഷാ, ന​ര​വം​ശ, ച​രി​ത്ര​ഗ​വേ​ഷ​ക​രും ഈ ​ക​വി​ത​ക​ളെ തേ​ടി​യെ​ത്തി. കേ​ന്ദ്ര സാ​ഹി​ത്യ അ​ക്കാ​ദ​മി​യു​ടെ ക​വി​ത ഫെ​സ്റ്റി​വ​ലി​ല്‍ പ​ങ്കെ​ടു​ത്ത് സം​സാ​രി​ച്ചി​രു​ന്നു.


ഈ​സ്റ്റ് എ​ളേ​രി പ​ഞ്ചാ​യ​ത്തി​ലെ എ​സ്ടി പ്ര​മോ​ട്ട​റാ​യി​രു​ന്ന അ​മ്മ ത​ന്നോ​ട് പ​ങ്കു​വ​ച്ച കാ​ര്യ​ങ്ങ​ളാ​ണ് ത​ന്‍റെ ക​വി​ത​യ്ക്ക് ആ​ധാ​ര​മെ​ന്നും താ​ന്‍ ഉ​ള്‍​പ്പെ​ടു​ന്ന സ​മു​ദാ​യ​ത്തി​ന്‍റെ പ്ര​ശ്‌​ന​ങ്ങ​ള്‍ പു​റം​ലോ​ക​ത്തെ അ​റി​യി​ക്കു​ന്ന​തി​നു​ള്ള മാ​ധ്യ​മ​മാ​ണ് ത​നി​ക്ക് ക​വി​ത​യെ​ന്നും ലി​ജി​ന പ​റ​ഞ്ഞു. ബി​രു​ദ​വി​ദ്യാ​ര്‍​ഥി​ക​ളാ​ണ് ക​വി​ത പ​ഠി​ക്കു​ന്ന​തെ​ങ്കി​ലും ലി​ജി​ന​യ്ക്ക് ബി​രു​ദ​പ​ഠ​നം പൂ​ര്‍​ത്തി​യാ​ക്കാ​ന്‍ സാ​ധി​ച്ചി​ല്ല.

പ്ല​സ്ടു സ​യ​ന്‍​സ് പ​ഠ​നം പൂ​ര്‍​ത്തി​യാ​ക്കി​യ ലി​ജി​ന​യ്ക്ക് പ​യ്യ​ന്നൂ​ര്‍ കോ​ള​ജി​ല്‍ സു​വോ​ള​ജി​ക്ക് സീ​റ്റ് ല​ഭി​ച്ച​താ​ണ്. എ​ന്നാ​ല്‍ ക​ടു​മേ​നി മു​ത​ല്‍ പ​യ്യ​ന്നൂ​ര്‍ വ​രെ 56 കി​ലോ​മീ​റ്റ​റോ​ളം ദൂ​രം ബ​സി​ല്‍ സ​ഞ്ച​രി​ക്കേ​ണ്ടി​വ​ന്ന​ത് ഛര്‍​ദ്ദി ഉ​ള്‍​പ്പെ​ടെ​യു​ള്ള ആ​രോ​ഗ്യ​പ്ര​ശ്‌​ന​ങ്ങ​ളു​ണ്ടാ​ക്കി.

ആ​ദ്യ ര​ണ്ടു​വ​ര്‍​ഷ​ങ്ങ​ളി​ല്‍ ഹോ​സ്റ്റ​ല്‍ കി​ട്ടു​മാ​യി​രു​ന്നി​ല്ല. പേ​യിം​ഗ് ഗ​സ്റ്റാ​യി താ​മ​സി​ക്കാ​നു​ള്ള സാ​മ്പ​ത്തി​ക​സ്ഥി​തി​യു​മി​ല്ലാ​യി​രു​ന്നു. അ​തി​നാ​ല്‍ കു​റ​ച്ചു​നാ​ള്‍ കൊ​ണ്ട് കോ​ള​ജ് പ​ഠ​നം അ​വ​സാ​നി​പ്പി​ക്കേ​ണ്ടി​വ​ന്നു. പി​ന്നീ​ട് കോ​ര്‍​പ​റേ​ഷ​ന്‍ കോ​ഴ്‌​സി​ല്‍ ഡി​പ്ലോ​മ​യെ​ടു​ത്തു.

ഇ​പ്പോ​ള്‍ തേ​ര്‍​ത്ത​ല്ലി വ​നി​താ കോ-​ഓ​പ്പറേ​റ്റീ​വ് ബാ​ങ്ക് ജീ​വ​ന​ക്കാ​രി​യാ​ണ്. ക​ടു​മേ​നി​യി​ലെ കൂ​ലി​പ്പ​ണി​ക്കാ​ര​നാ​യ മ​നി​യേ​രി കു​ഞ്ഞി​രാ​മ​ന്‍റെ​യും ല​ക്ഷ്മി​യു​ടെ​യും മ​ക​ളാ​ണ്. ലി​ജേ​ഷ് സ​ഹോ​ദ​ര​നാ​ണ്.