വ്യാ​യാ​മം ആ​റ് മു​ത​ൽ 13 വ​യ​സു വ​രെ​യു​ള്ള കു​ട്ടി​ക​ളി​ൽ മെ​ച്ച​പ്പെ​ട്ട ചി​ന്ത​യോ അ​റി​വോ സ​മ്മാ​നി​ക്കു​ന്നു. കു​ട്ടി​ക​ൾ വ​ള​രു​ന്ന​തി​ന​നു​സ​രി​ച്ച് അ​വ​രു​ടെ ചി​ന്ത​യും പ​ഠ​ന​വും വി​വേ​ച​ന​ശേ​ഷി​യും മൂ​ർ​ച്ച​യു​ള്ള​താ​ക്കാ​ൻ സ്ഥി​ര​മാ​യ ശാ​രീ​രി​ക പ്ര​വ​ർ​ത്ത​ന​ങ്ങ​ൾ സ​ഹാ​യി​ക്കും.

വി​ഷാ​ദം, ഉ​ത്ക​ണ്ഠ എ​ന്നി​വ​യു​ടെ അ​പ​ക​ട​സാ​ധ്യ​ത കു​റ​യ്ക്കു​ക​യും ന​ന്നാ​യി ഉ​റ​ങ്ങാ​ൻ സ​ഹാ​യി​ക്കു​ക​യും ചെ​യ്യും. വ്യാ​യാ​മ​ത്തി​ന് കു​ട്ടി​യു​ടെ ശ്ര​ദ്ധ​യും അ​വ​ന്‍റെ/​അ​വ​ളു​ടെ മാ​ന​സി​കാ​വ​സ്ഥ​യും മെ​മ്മ​റി​യും മെ​ച്ച​പ്പെ​ടു​ത്താ​നും സ​ഹാ​യ​കം.

ശാ​രീ​രി​ക​വും മാ​ന​സി​ക​വു​മാ​യ വി​കാ​സം

അ​സ്ഥി​ക​ൾ, പേ​ശി​ക​ൾ, സ​ന്ധി​ക​ൾ എ​ന്നി വ​യു​ടെ ഏ​കോ​പ​നം ശ​ക്തി​പ്പെ​ടു​ത്തു​ന്ന​തി​നു വ്യാ​യാ​മം സ​ഹാ​യ​കം. കൊ​ച്ചു​കു​ട്ടി​ക​ൾ വ​ള​രു​ന്ന​തി​നു​സ​രി​ച്ച്, അ​വ​ർ വ്യ​ത്യ​സ്ത​മാ​യ ച​ല​ന സം​ബ​ന്ധ​മാ​യ ക​ഴി​വു​ക​ൾ വി​ക​സി​പ്പി​ക്കു​ന്നു.

അ​ത് അ​വ​രെ ച​ലി​ക്കാ​നും ക​ളി​ക്കാ​നും സ​ഹാ​യി​ക്കു​ന്നു. അ​വ​രു​ടെ ശാ​രീ​രി​ക​വും മാ​ന​സി​ക​വു​മാ​യ വി​കാ​സ​ത്തി​ന് വ​ള​രെ പ്ര​ധാ​ന​പ്പെ​ട്ട​താ​ണ് ഈ ​ക​ഴി​വു​ക​ൾ. കു​ട്ടി​ക​ൾ കൗ​മാ​ര​ക്കാ​രാ​യി വ​ള​രു​മ്പോ​ൾ, അ​തേ കാ​ര്യ​ങ്ങ​ൾ ബാ​ധ​ക​മാ​ണ്.

അ​വ​രു​ടെ ശ​രീ​രം ദ്രു​ത​ഗ​തി​യി​ലു​ള്ള മാ​റ്റ​ങ്ങ​ളി​ലൂ​ടെ ക​ട​ന്നു​പോ​കു​ന്നു. ശാ​രീ​രി​ക പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടേ​ണ്ടി​വ​രു​മ്പോ​ൾ ഈ ​മാ​റ്റ​ങ്ങ​ളു​മാ​യി പൊ​രു​ത്ത​പ്പെ​ടാ​ൻ ഇ​ത് സ​ഹാ​യി​ക്കും.

അ​മി​ത​മാ​യ സോ​ഷ്യ​ൽ മീ​ഡി​യ ഉ​പ​യോ​ഗം ഒ​ഴി​വാ​കും


കാ​യി​ക​പ​ര​മാ​യ വ്യാ​യാ​മ​ത്തി​ലൂ​ടെ കു​ട്ടി​ക​ൾ അ​മി​ത​മാ​യ സോ​ഷ്യ​ൽ മീ​ഡി​യ ഉ​പ​യോ​ഗ​ത്തി​ൽ നി​ന്ന് ഒ​രു​പ​രി​ധി വ​രെ വി​ട്ടു നി​ൽ​ക്കു​ന്നു. അ​മി​ത​മാ​യ സോ​ഷ്യ​ൽ മീ​ഡി​യ ഉ​പ​യോ​ഗം കു​ട്ടി​ക​ളി​ൽ ഏ​കാ​ന്ത​ത​യു​ടെ വ​ലി​യ വ​ല​യം ത​ന്നെ സൃ​ഷ്ടി​ക്കു​ന്നു​ണ്ടെ​ന്നു പ​ഠ​ന​ങ്ങ​ൾ തെ​ളി​യി​ക്കു​ന്നു.

പ്രി​യ​പ്പെ​ട്ട​വ​രു​മാ​യി ശാ​രീ​രി​കോ​ല്ലാ​സ​ങ്ങ​ളി​ൽ ഏ​ർ​പ്പെ​ടു​ന്ന​ത് ജീ​വി​ത​ത്തി​ലെ വെ​ല്ലു​വി​ളി​ക​ളി​ൽ അ​വ​രെ പി​ന്തു​ണ​യ്ക്കു​ന്ന ശ​ക്ത​മാ​യ വൈ​കാ​രി​ക ബ​ന്ധ​ങ്ങ​ൾ സൃ​ഷ്ടി​ക്കാ​ൻ സ​ഹാ​യ​ക​ര​മാ​കു​ന്നു.

സ​ന്തോ​ഷി​പ്പി​ക്കു​ന്ന​തു ചെ​യ്യാം

ഇ​വ​യെ​ല്ലാം ചൂ​ണ്ടി​ക്കാ​ട്ടു​ന്ന​ത് ഒ​രു കാ​ര്യം ത​ന്നെ​യാ​ണ് - നി​ങ്ങ​ളെ സ​ന്തോ​ഷി​പ്പി​ക്കു​ന്ന പ്ര​വ​ർ​ത്ത​ന​ങ്ങ​ൾ എ​ന്താ​ണോ അ​ത് ചെ​യ്യു​ക! എ​ല്ലാ വ്യാ​യാ​മ​വും ഒ​രു​പോ​ലെ​യ​ല്ല, പ​ക്ഷേ എ​ല്ലാം പ്ര​യോ​ജ​ന​ക​ര​മാ​ണ്.

ചി​ല കു​ട്ടി​ക​ൾ​ക്കു കൂ​ട്ടു​കാ​രോ​ടൊ​ത്ത് ഓ​ടി​ക്ക​ളി​ക്കു​ന്ന​താ​വാം ഇ​ഷ്ട വി​നോ​ദം. അ​ല്ലെ​ങ്കി​ൽ ഒ​രു​മി​ച്ചു സൈ​ക്കി​ൾ ച​വി​ട്ടു​ന്ന​തോ, ഷ​ട്ടി​ൽ ക​ളി​ക്കു​ന്ന​തോ അ​തു​മ​ല്ലെ​ങ്കി​ൽ സം​ഗീ​തോ​പ​ക​ര​ണ​ങ്ങ​ൾ വാ​യി​ക്കാ​ൻ പ​ഠി​ക്കു​ന്ന​തോ ആ​വാം.

ഇ​തി​നൊ​ക്കെ മാ​താ​പി​താ​ക്ക​ൾ ന​ല്ല രീ​തി​യി​ൽ പ്രോ​ത്സാ​ഹ​നം ന​ൽ​കേ​ണ്ട​താ​ണ്.

വിവരങ്ങൾ: ഡോ. അരുൺ ഉമ്മൻ
സീനിയർ കൺസൾട്ടന്‍റ് ന്യൂറോസർജൻ, വിപിഎസ് ലേക് ഷോർ ഹോസ്പിറ്റൽ, കൊച്ചി. ഫോൺ - 0484 2772048. oommenarun@yahoo.co.in