സ്റ്റോക്ക് ഓണ് ട്രെൻഡ്: യുകെ ക്നാനായ കാത്തലിക് അസോസിയേഷന്റെ ആഭിമുഖ്യത്തിൽ നടന്ന ആറാമത് ബാഡ്മിന്റണ് ടൂർണമെന്റിൽ ആറാംതവണയും കിരീടം നിലനിർത്തി ജേതാക്കളായി. സ്റ്റോക്ക് ഓണ് ട്രെൻഡിലെ സിബു, അനീഷ് സഖ്യമാണ് പുരുഷവിഭാഗത്തിൽ ജേതാക്കളായത്.
ആദ്യമായി നടത്തപ്പെട്ട വനിതാ വിഭാഗത്തിൽ സ്റ്റോക്ക് ഓണ് ട്രെൻഡിലെ തന്നെ ഫ്ളാവിക, ശിൽപയും മിക്സ്ഡ് ഡബിൾസിൽ ബിസിഎൻ യൂണിറ്റിലെ ആഷിഷ് ആഷ്ലിയും ജേതാക്കളായി. ജൂനിയേഴ്സിൽ ബർമിംഗ്ഹാം യൂണിറ്റിലെ മാനവ്, ജോയൽ സഖ്യം വിജയിച്ചു.
മെൻസ് ഡബിൾസിൽ രണ്ടാംസ്ഥാനം ബിസിഎൻ യൂണിറ്റിലെ ആഷിഷ്, തങ്കച്ചനും മൂന്നാംസ്ഥാനം ഗ്ലാസ്ഗോ യൂണിറ്റിലെ ലിനു, ഷിബും നാലാം സ്ഥാനം ലെസ്റ്റർ യൂണിറ്റിലെ വിജി, ജോമോൻ എന്നിവരും നേടി. വുമണ് ഡബിൾസിൽ രണ്ടാംസ്ഥാനം ലിനുമോൽ, സ്മിതയ്ക്കും മൂന്നാംസ്ഥാനം ബിസിഎൻ യൂണിറ്റിലെ സുജ, ബിർലിയ്ക്കും നാലാം സ്ഥാനം സ്റ്റോക്ക് ഓണ് ട്രെൻഡ് യൂണിറ്റിലെ ബിഎൽസി, എലിസബത്തും നേടി.
മിക്സഡ് ഡബിൾസിൽ രണ്ടാംസ്ഥാനം ബർമിംഗ്ഹാം യൂണിറ്റിലെ ബാബു, സ്മിതയും മൂന്നാംസ്ഥാനം സ്റ്റോക്ക് ഓണ് ട്രെൻഡ് യൂണിറ്റിലെ ആഷിഷ്, വിജിയും നാലാംസ്ഥാനം ഡെവണ് യൂണിറ്റിലെ ജിജോ, ഷൈനിയും നേടി. ജൂനിയേഴ്സിൽ രണ്ടാംസ്ഥാനം വൂസ്റ്റർ യൂണിറ്റിലെ ജോനറ്റ്, അലനും മൂന്നാംസ്ഥാനം വൂസ്റ്റർ യൂണിറ്റിലെ വിശാൽ, ജോമിനും. നാലാംസ്ഥാനം സ്റ്റോക്ക് ഓണ് ട്രെൻഡ് യൂണിറ്റിലെ ജോൻസണ്, റുവെൽ സഖ്യവും നേടി.
പരിപാടികൾക്ക് പ്രസിഡന്റ് ബിജു മടക്കക്കുറി, സെക്രട്ടറി ജോസി നെടുംതുരുത്തിപുത്തൻപുര, ട്രഷറർ ബാബു തോട്ടം, വൈസ് പ്രസിഡന്റ്ജോസ് മുഖച്ചിറ, ജോ. സെക്രട്ടറി സഖറിയ പുത്തൻകുളം, ജോ, ട്രഷറർ ഫിനിൽ കണ്ടത്തിൽകോട്ട്, അഡ്വൈസർമാരായ ബെന്നി മാവേലിൽ, റോയി സ്റ്റീഫൻ എന്നിവർ നേതൃത്വം നൽകി.
റിപ്പോർട്ട്: സഖറിയ പുത്തൻപുളം
|