Deepika.com Nri News :ഗ്രേറ്റ് ബ്രിട്ടൻ രൂപതയിൽ വിമെൻസ് ഫോറം ഭാരവാഹികളുടെ തെരഞ്ഞെടുപ്പ്.......

Europe

ഗ്രേറ്റ് ബ്രിട്ടൻ രൂപതയിൽ വിമെൻസ് ഫോറം ഭാരവാഹികളുടെ തെരഞ്ഞെടുപ്പ്

Back To NRI Home Forward This News Click here for detailed news of all items

പ്രസ്റ്റണ്‍: ഗ്രേറ്റ് ബ്രിട്ടൻ സീറോ മലബാർ രൂപതയിൽ സ്ത്രീകളുടെ മഹത്വവും പങ്കും അംഗീകരിക്കപ്പെടുന്നതിനും സഭയുടെ വളർച്ചയിൽ സ്ത്രീസഹജമായ വിവിധ കഴിവുകൾ പ്രയോജനപ്പെടുത്തുന്നതിനുമായി രൂപീകൃതമായ "എപ്പാർക്കിയൽ വിമെൻസ് ഫോറ’ത്തിന്‍റെ ആദ്യ റീജണൽ, രൂപത ഭാരവാഹികളുടെ തെരഞ്ഞെടുപ്പ് സെപ്റ്റംബർ 10 മുതൽ ഒക്ടോബർ എട്ടു വരെ വിവിധ കേന്ദ്രങ്ങളിൽ നടക്കും.

രൂപതയിലെ 170 ഓളം വരുന്ന വിശുദ്ധ കുർബാന കേന്ദ്രങ്ങളിൽനിന്നും പ്രസിഡന്‍റ്, വൈസ് പ്രസിഡന്‍റ്, സെക്രട്ടറി, ജോയിന്‍റ് സെക്രട്ടറി, ട്രഷറർ, എക്സിക്യുട്ടീവ് മെംബേഴ്സ് എന്നിവരായി തെരഞ്ഞെടുക്കപ്പെടുന്നവരിൽനിന്നാണ് രൂപത, റീജണൽ ഭാരവാഹികളെ തെരഞ്ഞെടുക്കുന്നത്.

ഇത്തരത്തിൽ പതിനായിരത്തിലധികം വരുന്ന കുടുംബിനികളെ ഒരുമിച്ചു നിർത്തുന്നതിലൂടെ കുടുംബ ബന്ധങ്ങൾ വളർത്തുവാനും രൂപതയുടെ പ്രവർത്തനങ്ങളിൽ സമഗ്ര സംഭാവനകൾ നൽകാനും സ്ത്രീ ശാക്തീകരണത്തിലൂടെ സാധിക്കും. ഓരോ കുർബാന സെന്‍ററിൽനിന്നും തെരഞ്ഞെടുക്കപ്പെട്ടുവരുന്ന അംഗങ്ങൾ നൽകുന്ന നിർദേശങ്ങളും വിമെൻസ് ഫോറത്തിന്‍റെ ഭാവി പ്രവർത്തനങ്ങളിൽ നിർണായകമാകും. രൂപത വിമെൻസ് ഫോറത്തിന്‍റെ ആനിമേറ്ററായി സിസ്റ്റർ മേരി ആൻ നിയമിതയായിട്ടുണ്ട്.

നവംബർ 12ന് എല്ലാ യൂണിറ്റുകളിലേയും റീജണുകളിലേയും പ്രസിഡന്‍റുമാരുടെ സമ്മേളനം ബെർമിംഗ്ഹാമിലെ സെന്‍റ് ജെറാർഡ് കത്തോലിക്കാ പള്ളിയിൽ (St. Gerard’s Catholic Church, 2 Renfrew Squre, Castle Vale, Brirmingham, B35 6JT) നടക്കും. സമ്മേളനത്തിൽ രൂപത ഭാരവാഹികളുടെ തെരഞ്ഞെടുപ്പു നടക്കും.

എട്ടു റീജണുകളിൽ നടക്കുന്ന ആദ്യഘട്ട തെരഞ്ഞെടുപ്പുകൾക്ക് ഫാ. ജയ്സണ്‍ കരിപ്പായി, ഫാ. ജോസഫ് വെന്പാടുംതറ, ഫാ. ടോമി ചിറയ്ക്കൽ മണവാളൻ, ഫാ. പോൾ വെട്ടിക്കാട്ട്, ഫാ. തോമസ് തൈക്കൂട്ടത്തിൽ, ഫാ. സജി തോട്ടത്തിൽ, ഫാ. ടെറിൻ മുല്ലക്കര, ഫാ. സെബാസ്റ്റ്യൻ ചാമക്കാല എന്നിവർ നേതൃത്വം നൽകും.

18 വയസിനു മുകളിലുള്ള എല്ലാ വനിതകളും ഉൾപ്പെടുന്ന വിമെൻസ് ഫോറത്തിന്‍റെ പ്രവർത്തനങ്ങൾ രൂപതയുടെ മുന്നോട്ടുള്ള പ്രവർത്തനങ്ങൾക്ക് ഒരു മുതൽക്കൂട്ടാകുമെന്ന് മാർ ജോസഫ് സ്രാന്പിക്കൽ പ്രത്യാശ പ്രകടിപ്പിച്ചു.

റിപ്പോർട്ട്: ഫാ. ബിജു കുന്നക്കാട്ട്

സുനിൽ പി. ഇളയിടത്തോടും ദീപ നിശാന്തിനോടും സംവദിക്കുവാനുള്ള വേദി ഒരുക്കി കൈരളി യുകെ.

ലണ്ടൻ: മലയാള സാഹിത്യ സാംസ്‌കാരിക മേഖലയിൽ വ്യക്തിമുദ്രപതിപ്പിച്ച രണ്ടു പ്രമുഖ വ്യക്തിത്വങ്ങളുമായി യുകെയിലെ പ്രവാസി

വെറുതേ കൊടുത്താലും ആര്‍ക്കും വേണ്ടാതെ ഗീബല്‍സിന്‍റെ വീട്.

ബെര്‍ലിന്‍: അങ്ങു കേരളത്തില്‍ വരെ രാഷ്ട്രീയ പ്രസംഗങ്ങളില്‍ ആവര്‍ത്തിച്ച് ഉച്ചരിക്കപ്പെടുന്ന പേരാണ് ഗീബല്‍സിന്‍റേത്.

യുകെയിൽ കൗൺസിലറായി രണ്ടാം വട്ടവും മല‍യാളി.

ലണ്ടൻ: യുകെയിലെ പ്രാദേശിക കൗൺസിൽ തെരഞ്ഞെടുപ്പിൽ മലയാളിയായ സജീഷ് ടോമിന് ഇക്കു

ഗ്രേറ്റ് ബ്രിട്ടൻ രൂപതയിൽ മതാധ്യാപക ദിനം നടത്തി.

കൊവെൻട്രി : ഗ്രേറ്റ് ബ്രിട്ടൻ സീറോ മലബാർ രൂപതയിലെ വിശ്വാസ പരിശീലകരുടെ വാർഷിക ഒത്തുചേരൽ കൊവെൻട്രിയിൽ നടത്തപ്പെട്

യുകെയുടെ മലയാറ്റൂർ തിരുനാളിന് ജൂൺ 30ന് കൊടിയേറും; പ്രധാന തിരുനാൾ ജൂലൈ ഏഴിന്.

മാഞ്ചസ്റ്റർ: യുകെയുടെ മലയാറ്റൂർ എന്ന് ഖ്യാതികേട്ട മാഞ്ചസ്റ്റർ വീണ്ടും തിരുനാൾ ആഘോഷലഹരിയിലേക്ക്.