Deepika.com Nri News :ട്രംപിന് ജർമനിയിൽ ഉൗഷ്മള സ്വീകരണം.......

Europe

ട്രംപിന് ജർമനിയിൽ ഉൗഷ്മള സ്വീകരണം

Back To NRI Home Forward This News Click here for detailed news of all items

ബെർലിൻ: ജി 20 ഉച്ചകോടിയിൽ പങ്കെടുക്കാനെത്തിയ അമേരിക്കൻ പ്രസിഡന്‍റ് ഡൊണൾഡ് ട്രംപിന് ജർമനിയിൽ ഉൗഷ്മള സ്വീകരണം. അമേരിക്കൻ എയർഫോഴ്സ് വണ്‍ വിമാനത്തിൽ പ്രാദേശിക സമയം ഉച്ചകഴിഞ്ഞ് 3.54 ന് ഹാംബുർഗിലെ ഹെൽമുട്ട് ഷ്മിഡ്റ്റ് വിമാനത്താവളത്തിലെത്തിയ ട്രംപിനൊപ്പം ഭാര്യ മെലാനിയും അദ്ദേഹത്തെ അനുഗമിക്കുന്നുണ്ട്.

ജൂലൈ ഏഴ് എട്ട് തീയതികളിൽ ഹാംബുർഗാണ് ജി 20 ഉച്ചകോടിക്ക് വേദിയാകുന്നത്. പോളണ്ട് പ്രസിഡന്‍റ് അന്ദ്രെ ഡുഡെയുമായും റഷ്യൻ പ്രസിഡന്‍റ് വ്ളാഡിമിർ പുടിനുമായും കൂടിക്കണ്ടതിനുശേഷമാണ് ട്രംപ് ജർമനിയിലെത്തിയത്.

ജി20 ഉച്ചകോടിക്കു വേദിയാകുന്ന ഹാംബുർഗിൽ എല്ലാ മേഖലകളിലും തയാറെടുപ്പ് പൂർത്തിയായിക്കഴിഞ്ഞു. ഇക്കൂട്ടത്തിൽ നഗരത്തിലെ കുപ്രസിദ്ധമായ ചുവന്ന തെരുവും ഉൾപ്പെടുന്നു. രാഷ്ട്രീയക്കാരും മാധ്യമ പ്രവർത്തകരും പ്രക്ഷോഭകരും അടക്കമുള്ളവർക്ക് ഒരുപോലെ സ്വാഗതമോതുന്ന ഇവിടെ ചിലർക്കു മാത്രം പ്രതിഷേധസൂചകമായും പ്രതീകാത്മകമായും നിരോധനവും ഏർപ്പെടുത്തിയിരിക്കുന്നു.

കനത്ത സുരക്ഷാ സന്നാഹമാണ് ഹാംബുർഗിൽ ഏർപ്പെടുത്തിയിരിക്കുന്നത്. നഗരം മുഴുവൻ പോലീസ് നിയന്ത്രണത്തിലാണ്. 20,000 പോലീസുകാരാണ് സുരക്ഷാ സംവിധാനം നിയന്ത്രിക്കുന്നത്. റോഡ് വായു ജലഗതാഗതം മുഴുവൻ പോലീസ് നിരീക്ഷണത്തിലാണ്. ഹാംബുർഗിനു മേലുള്ള വ്യോമഗതാഗതം താത്കാലികമായി നിർത്തിവച്ചിരിക്കുകയാണ്.

ജി 20 ഉച്ചകോടിക്കെതിരെ ശക്തമായ പ്രതിഷേധം ജർമനിയിൽ തുടങ്ങിയിട്ട് ഒരാഴ്ചയോളമായി. ഒരുതരത്തിലും പ്രതിഷേധക്കാരെ പിന്തിരിപ്പിക്കാൻ സർക്കാരിനോ മറ്റു സംഘടനകൾക്കോ ഇതുവരെയും കഴിഞ്ഞിട്ടില്ല. അതുകൊണ്ടുതന്നെ പ്രതിഷേധക്കാരാണ് മെർക്കൽ ഭരണകൂടത്തിന് ഇപ്പോൾ തലവേദന. ഇവരുടെ മറവിൽ എന്തെങ്കിലും ഭീകരാക്രമണ ഉണ്ടാകുമോ എന്ന ആശങ്കയും ഇല്ലാതില്ല. സകല പഴുതും അടച്ചുള്ള കനത്ത സുരക്ഷാ സന്നാഹം ജർമനിയുടെ ചരിത്രത്തിൽ ഇതാദ്യമാണ്.

റിപ്പോർട്ട്: ജോസ് കുന്പിളുവേലിൽ

സി.ആർ. മഹേഷിനെ ആക്രമിച്ചതിൽ ശക്തമായി പ്രതിഷേധിച്ച് ഐഒസി യുകെ.

ലണ്ടൻ: കൊല്ലം കരുനാഗപ്പള്ളിയിൽ കൊട്ടികലാശത്തിനിടെ എൽഡിഎഫ് പ്രവർത്തകർ വ്യാപകമായി അഴിച്ചുവിട്ട ക്രൂരമായ അക്രമങ്ങ

ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍.

ബെര്‍ലിന്‍: ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍ സന്ദര്‍ശനത്തിനെത്തി.

യുഡിഎഫിന് വോട്ട് നല്‍കാന്‍ പ്രവാസി കുടുംബങ്ങളോട് ഒഐസിസിയുടെ ആഹ്വാനം.

ബര്‍ലിന്‍: രാജ്യം അതി നിര്‍ണായകമായ തെരഞ്ഞെടുപ്പിന് സാക്ഷ്യം വഹിക്കുമ്പോള്‍, പ്രവാസികള്‍ അടക്കമുള്ള ജനാധിപത്യ വിശ്വാ

ചൈന ചാരക്കേസ്: ജര്‍മന്‍ തീവ്ര വലതുപക്ഷ എഎഫ്ഡി ഉദ്യോഗസ്ഥന്‍ അറസ്റ്റിൽ.

ബര്‍ലിന്‍: ചാരവൃത്തി ആരോപിച്ച് തീവ്ര വലതുപക്ഷ ആള്‍ട്ടര്‍നേറ്റീവ് ഫോര്‍ ജര്‍മനി (എഎഫ്ഡി) രാഷ്ട്രീയ പാര്‍ട്ടിയിലെ ജീവ

മലയാളം ഈവനിംഗ് ചർച്ച്‌ സർവീസ് ആരംഭിച്ചു.

ഡബ്ലിൻ: വിക്ലോ കൗണ്ടിയിൽ ചർച്ച് ഓഫ് ഗോഡ് സഭയുടെ നേതൃത്വത്തിൽ മലയാളം ഈവനിംഗ് ചർച്ച് സർവീസ് ആരംഭിച്ചു.