Deepika.com Nri News :യൂറോപ്യൻ യുവതികൾ വില്പനക്ക് : വാങ്ങുവാൻ എത്തുന്നത് ഇന്ത്യാക്കാരും പാക്കിസ്ഥാനികളും.......

Europe

യൂറോപ്യൻ യുവതികൾ വില്പനക്ക് : വാങ്ങുവാൻ എത്തുന്നത് ഇന്ത്യാക്കാരും പാക്കിസ്ഥാനികളും

Back To NRI Home Forward This News Click here for detailed news of all items

ഫ്രാങ്ക്ഫർട്ട്ഗ്ലാസ്ഗോ: യൂറോപ്പിൽ ആണെങ്കിലും ദരിദ്രമായ അവസ്ഥയിലാണ് പല കിഴക്കൻ യൂറോപ്യൻ രാജ്യങ്ങളും. അതിനാൽ തന്നെ അവിടുന്നുള്ള ഞെട്ടിപ്പിക്കുന്ന മനുഷ്യക്കടത്തിന്‍റെയും മാംസവ്യാപാരത്തിന്‍റെയും റിപ്പോർട്ടുകളാണ് ഇപ്പോൾ പുറത്തുവരുന്നത്.

ബ്രിട്ടൻ, ഫ്രാൻസ്, ജർമനി തുടങ്ങിയ യൂറോപ്പിലെ സന്പന്ന രാജ്യങ്ങളിൽ ജീവിക്കാൻ താത്പര്യമുള്ള ഏഷ്യക്കാർ ഉൾപ്പടെയുള്ളവരെ ലക്ഷ്യമിട്ട് വൻ മനുഷ്യക്കടത്ത് സംഘം പ്രവർത്തിക്കുന്നതായും പെണ്‍വാണിഭം ഉൾപ്പെടെയുള്ള കാര്യങ്ങൾക്ക് ഇവർ സ്ത്രീകളെ ഉപയോഗിക്കുന്നതായും ബിബിസി റിപ്പോർട്ട് ചെയ്യുന്നു.

സാം പോളിംഗ് എന്ന അന്വേഷണാത്മക പത്രപ്രവർത്തകയാണ് കിഴക്കൻ യൂറോപ്പുകാർ ഏറെയുള്ള സ്കോട് ലൻഡിലെ ഗ്ലാസ്ഗോയുടെ പ്രന്തപ്രദേശങ്ങളിൽ ഇത് സംബന്ധിച്ച് അന്വേഷണം നടത്തിയത്. മികച്ച ശന്പളമുള്ള ജോലിയും താമസവും വാഗ്ദാനം ചെയ്ത് കിഴക്കൻ യൂറോപ്പിലെ യുവതികളെ ഇന്ത്യാക്കാർ ഉൾപ്പെടെയുള്ള ഏഷ്യൻ വംശജരായ വൃദ്ധന്മാർക്ക് പാസ്പോർട്ടിനും മറ്റു കാര്യങ്ങൾക്കുമുള്ള തട്ടിപ്പ് വിവാഹത്തിനു വേണ്ടി നൽകുന്നതായി ബിബിസി റിപ്പോർട്ടർ കണ്ടെത്തി.

പെണ്‍കുട്ടികളെ കുടുക്കാനായി ഗ്ലാസ്ഗോയിലും മറ്റും നിരവധി ഗൂഡ സംഘങ്ങളാണ് പ്രവർത്തിക്കുന്നത്. ഏഷ്യയിൽ നിന്നുള്ള വൃദ്ധന്മാർ കിഴക്കൻ യൂറോപ്പിലെ കൊച്ചുപെണ്‍കുട്ടികളെ വിവാഹം കഴിക്കുന്ന ഷാം കല്ല്യാണങ്ങൾ കൊണ്ട് സ്കോട് ലൻഡിലെ വിവാഹ റിക്കാർഡുകൾ നിറഞ്ഞിട്ടുണ്ടെന്നാണ് റിപ്പോർട്ടർ പറയുന്നത്. ഗ്ലാസ്ഗോവിൽ രജിസ്റ്റർ ചെയ്ത എഴുപതിലധികം വിവാഹങ്ങളിൽ മൂന്നിലൊന്നും ഗോവൻഹില്ലിൽ ആയിരുന്നു. ഇതിൽ 40 ശതമാനവും അഞ്ചു വർഷം പോലും നീളാത്ത ദാന്പത്യമായിരുന്നത്രേ.

കഴിഞ്ഞ വർഷം, 2016 ൽ പെണ്‍വാണിഭ സംഘത്തിന് ഇരയായി തട്ടിപ്പ് വിവാഹത്തിനുവേണ്ടി സ്കോട് ലൻഡിൽ എത്തിയത് 150 ലധികം പേരായിരുന്നെന്ന് ബിബിസി പറയുന്നു. ഇന്ത്യാക്കാരും പാക്കിസ്ഥാനികളുമാണ് തട്ടിപ്പ് വിവാഹത്തിന് വേണ്ടിയുള്ള യൂറോപ്യൻ യുവതികളുടെ വലിയ ആവശ്യക്കാർ. മയക്കുമരുന്നു വിൽപ്പന കഴിഞ്ഞാൽ ഏറ്റവും കൂടുതൽ ലാഭമുണ്ട ാക്കുന്ന ബിസിനസ് ആയി ഇത് മാറിയിരിക്കുകയാണെന്നും റിപ്പോർട്ടിൽ പറയുന്നു.

റിപ്പോർട്ട്: ജോർജ് ജോണ്‍

സീറോമലബാർ സഭ നോക്ക് തീർഥാടനം; മാർ റാഫേൽ തട്ടിൽ അയർലൻഡിലെത്തും.

ഡബ്ലിൻ: അയർലൻഡ് സീറോമലബാര്‍ സഭയുടെ ഈവർഷത്തെ നാഷണൽ നോക്ക് തീർഥാടനം മെയ് 11ന് നടക്കും.

ഡെറിയിൽ പാലാ സ്വദേശി സിബി ജോസ് അന്തരിച്ചു.

ഡബ്ലിൻ: ഡെറിയിൽ പാലാ മേരിലാൻഡ് സ്വദേശി പാമ്പക്കൽ സിബി ജോസ്(46) അന്തരിച്ചു.

അയർലൻഡിൽ മലയാളിയായ റോഹൻ സലിന് ചെസ് കിരീടം.

ഡബ്ലിൻ: അയർലൻഡിൽ ചെസ് ചാമ്പ്യൻഷിപ്പിൽ മലയാളിത്തിളക്കം.

സി.ആർ. മഹേഷിനെ ആക്രമിച്ചതിൽ ശക്തമായി പ്രതിഷേധിച്ച് ഐഒസി യുകെ.

ലണ്ടൻ: കൊല്ലം കരുനാഗപ്പള്ളിയിൽ കൊട്ടികലാശത്തിനിടെ എൽഡിഎഫ് പ്രവർത്തകർ വ്യാപകമായി അഴിച്ചുവിട്ട ക്രൂരമായ അക്രമങ്ങ

ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍.

ബെര്‍ലിന്‍: ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍ സന്ദര്‍ശനത്തിനെത്തി.