Deepika.com Nri News :പുതുവർഷത്തിലെ ജർമനിയിലെ സുപ്രധാന മാറ്റങ്ങൾ.......

Europe

പുതുവർഷത്തിലെ ജർമനിയിലെ സുപ്രധാന മാറ്റങ്ങൾ

Back To NRI Home Forward This News Click here for detailed news of all items

ബർലിൻ: പുതുവർഷം പിറന്നപ്പോൾ ജർമനിയെ കാത്തിരിക്കുന്നത് പല മാറ്റങ്ങളാണ്. ചാൻസലർ ആംഗല മെർക്കൽ നാലാമൂഴത്തിനു മത്സരിക്കുന്ന വർഷമാണിത്. അവർ തുടർന്നാലും മാറിയാലും നാട്ടുകാർക്ക് അതൊരു വ്യത്യസ്തത തന്നെ.

പാർലമെന്റിൽ സീറ്റ് തേടി എഎഫ്ഡി ആദ്യമായി രംഗത്തിറങ്ങുന്ന വർഷം കൂടിയാണ് തെരഞ്ഞെടുപ്പ് വർഷം. അതിനുള്ള സജീവ സാധ്യത നിലനിൽക്കുകയും ചെയ്യുന്നു. തെരഞ്ഞെടുപ്പിനു മുൻപു തന്നെ മെർക്കലും യുഎസിന്റെ നിയുക്‌ത പ്രസിഡന്റ് ഡോണൾഡ് ട്രംപും തമ്മിൽ കൂടിക്കാഴ്ചയും നടക്കും.

മെഡിക്കൽ മരിജുവാന നിയമവിധേയമാക്കുന്നതിന്റെ നടപടിക്രമങ്ങളും പുതു വർഷത്തിൽ പൂർത്തിയാകും. ചാൻസലർ മാത്രമല്ല, രാജ്യത്തിന്റെ പ്രസിഡന്റും 2017 ൽ മാറ്റം വരും.

കറന്റ് ചാർജ് കൂടുന്നതാണ് മറ്റൊരു പ്രധാന മാറ്റം. രാജ്യത്തെ മിനിമം വേതനം മണിക്കൂറിൽ 8.84 യൂറോ ആയി വർധിക്കുന്നത് 2017ലാണ്. രാജ്യത്തെ പൊതു അവധി ദിവസങ്ങളുടെ എണ്ണത്തിൽ ഒന്നിന്റെ വർധന വരും. ഒക്ടോബർ 31 ആണിത്. മാർട്ടിൻ ലൂഥർ കിംഗ് 95 തീസിസ് പുറത്തിറക്കിയതിന്റെ അഞ്ഞൂറാം വാർഷികം ആഘോഷിക്കുന്നതിന്റെ ഭാഗമാണിത്. പുതുവർഷത്തിൽ പലവിധ മാറ്റങ്ങളാണ് ജർമനിയിൽ പ്രത്യക്ഷത്തിൽ തന്നെ സംഭവിച്ചിരിക്കുന്നത്. പൊതുഗതാഗതത്തിനു ചെലവ് കൂടി എന്നത് ഇതിൽ ഏറ്റവും പ്രധാനം. ബസ്, യു ബാൻ, എസ് ബാൻ എന്നിവയുടെ ടിക്കറ്റ് നിരക്കുകൾ വർധിച്ചു.

തൊഴിലാളികളുടെ മിനിമം വേതനം മണിക്കൂറിൽ 8.84 യൂറോ ആയി. ഇത് 8.50 യൂറോ ആയിരുന്നു കഴിഞ്ഞ വർഷം. ഐസിഇ ട്രെയിനുകളിൽ വൈഫൈ സംവിധാനം ഏർപ്പെടുത്തിയതാണ് മറ്റൊരു പ്രധാന മാറ്റം.

ഇലക്ട്രിസിറ്റി ബില്ലുകൾ ഈ വർഷം ഉയരാൻ പോകുകാണ്. പല കമ്പനികളും ഇതിനകം തന്നെ വർധന പ്രഖ്യാപിച്ചു കഴിഞ്ഞു. ചിലർ നടപ്പാക്കുകയും ചെയ്തു.

കുട്ടികൾക്കായുള്ള സർക്കാർ ആനുകൂല്യങ്ങൾ വർധിക്കുന്നത് ഇടത്തരക്കാരെ സഹായിക്കും. നികുതി ദായകർക്കുള്ള പുതിയ ഇളവുകളും പുതുവർഷത്തിൽ നിലവിൽ വന്നു.

<ആ>ജർമൻ ട്രാഫിക് നിയമങ്ങളിലും മാറ്റം

പുതുവർഷത്തിൽ ജർമനിയിലെ ട്രാഫിക് നിയമങ്ങളിൽ നിരവധി ഭേദഗതികളുണ്ടായി. സൈക്ലിസ്റ്റുകൾക്കു കൂടി ബാധകമാകുന്ന ഭേദഗതികളാണ് പാസാക്കിയിരിക്കുന്നത്. ഇവയെല്ലാം പുതുവർഷത്തിൽ പ്രാബല്യത്തിലായി.

കിൻഡർഗാർട്ടനുകൾ സ്കൂളുകൾ ഓൾഡ് ഏജ് ഹോമുകൾ എന്നിവയ്ക്കു മുന്നിൽ വേഗപരിധി മുപ്പതായി പരിമിതപ്പെടുത്തുന്നതാണ് ഇതിൽ പ്രധാനം. റെസ്ക്യൂ വാഹനങ്ങൾക്കുള്ള പ്രത്യേക ലെയ്നും നിർണയിക്കപ്പെടുന്നു.

നീളമേറിയ ട്രക്കുകൾക്കുള്ള നിയന്ത്രണങ്ങളിൽ ചില ഇളവുകൾ വരുന്നു. സൈക്ലിസ്റ്റുകൾക്ക് പ്രത്യേകം ട്രാഫിക് ലൈറ്റുകൾ ഇല്ലാത്തിടത്ത് അവർ കാറുകൾക്കുള്ളവ തന്നെ പിന്തുടരണമെന്നതാണ് മറ്റൊരു പരിഷ്കാരം.

റിപ്പോർട്ട്: ജോസ് കുമ്പിളുവേലിൽ

സീറോമലബാർ സഭ നോക്ക് തീർഥാടനം; മാർ റാഫേൽ തട്ടിൽ അയർലൻഡിലെത്തും.

ഡബ്ലിൻ: അയർലൻഡ് സീറോമലബാര്‍ സഭയുടെ ഈവർഷത്തെ നാഷണൽ നോക്ക് തീർഥാടനം മെയ് 11ന് നടക്കും.

ഡെറിയിൽ പാലാ സ്വദേശി സിബി ജോസ് അന്തരിച്ചു.

ഡബ്ലിൻ: ഡെറിയിൽ പാലാ മേരിലാൻഡ് സ്വദേശി പാമ്പക്കൽ സിബി ജോസ്(46) അന്തരിച്ചു.

അയർലൻഡിൽ മലയാളിയായ റോഹൻ സലിന് ചെസ് കിരീടം.

ഡബ്ലിൻ: അയർലൻഡിൽ ചെസ് ചാമ്പ്യൻഷിപ്പിൽ മലയാളിത്തിളക്കം.

സി.ആർ. മഹേഷിനെ ആക്രമിച്ചതിൽ ശക്തമായി പ്രതിഷേധിച്ച് ഐഒസി യുകെ.

ലണ്ടൻ: കൊല്ലം കരുനാഗപ്പള്ളിയിൽ കൊട്ടികലാശത്തിനിടെ എൽഡിഎഫ് പ്രവർത്തകർ വ്യാപകമായി അഴിച്ചുവിട്ട ക്രൂരമായ അക്രമങ്ങ

ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍.

ബെര്‍ലിന്‍: ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍ സന്ദര്‍ശനത്തിനെത്തി.