Deepika.com Nri News :ബോറിസ് ജോൺസൺ ബ്രിട്ടീഷ് വിദേശകാര്യ സെക്രട്ടറിയാകുന്നതിൽ പരക്കെ അതൃപ്തി.......

Europe

ബോറിസ് ജോൺസൺ ബ്രിട്ടീഷ് വിദേശകാര്യ സെക്രട്ടറിയാകുന്നതിൽ പരക്കെ അതൃപ്തി

Back To NRI Home Forward This News Click here for detailed news of all items

ലണ്ടൻ: മുൻ ലണ്ടൻ മേയർ ബോറിസ് ജോൺസൺ ബ്രിട്ടന്റെ പുതിയ വിദേശകാര്യ സെക്രട്ടറിയായി തെരഞ്ഞെടുക്കപ്പെട്ടതിൽ ജർമനിക്ക് അതൃപ്തി. ഔദ്യോഗികമായി ആരും ഇതു പ്രകടിപ്പിച്ചിട്ടില്ലെങ്കിലും സർക്കാരിനോടും വ്യവസായ ലോബിയോടും അടുപ്പമുള്ള വൃത്തങ്ങളെല്ലാം ഇതു സ്‌ഥിരീകരിക്കുകയാണ്.

തെരേസ മേ ബ്രിട്ടീഷ് പ്രധാനമന്ത്രിയാകുന്നതിനെ ജർമനി അടക്കം യൂറോപ്യൻ യൂണിയൻ ഐക്യം ആഗ്രഹിക്കുന്നവരെല്ലാം സഹർഷം സ്വാഗതം ചെയ്തിരുന്നു. ബ്രിട്ടൻ യൂറോപ്യൻ യൂണിയനിൽ തുടരണം എന്നാവശ്യപ്പെടുന്ന ക്യാംപിലായിരുന്നു തെരേസ. ഈ സാഹചര്യത്തിൽ, അവർ പ്രധാനമന്ത്രിയാകുന്നത് യൂറോപ്പിന്റെ പൊതു താത്പര്യങ്ങൾക്ക് ഗുണകരമാകുമെന്നായിരുന്നു പ്രതീക്ഷ.

അതേസമയം, ബ്രിട്ടൻ യൂറോപ്യൻ യൂണിയൻ വിടണമെന്ന് ആവശ്യപ്പെടുന്ന കാമ്പയിനിനു നേതൃത്വം നൽകിയ ആളാണു ബോറിസ് ജോൺസൺ. അദ്ദേഹം തന്നെ വിദേശകാര്യ മന്ത്രിയായി നിയമിതനാകുമ്പോൾ കാര്യങ്ങൾ ഏതു തരത്തിൽ മുന്നോട്ടു കൊണ്ടുപോകുമെന്ന ആശങ്ക ജർമനി അടക്കമുള്ള രാജ്യങ്ങളിൽ ശക്‌തമാണ്.

മറ്റു പല രാജ്യങ്ങളിൽനിന്ന് അവിശ്വസനീയത കലർന്ന പ്രതികരണങ്ങളാണ് ജോൺസന്റെ പുതിയ സ്‌ഥാനലബ്ധിയെക്കുറിച്ചു പുറത്തുവരുന്നത്. തുർക്കി പ്രസിഡന്റിനെ അപമാനിച്ചതും യുഎസ് പ്രസിഡന്റ് സ്‌ഥാനാർഥിയുടെ വംശ മഹിമ അന്വേഷിച്ചതുമെല്ലാം ഇവർ ഉയർത്തിക്കാട്ടുന്നു.

അതേസമയം, സ്വീഡനിൽ ഈ തീരുമാനം ഹർഷാരവത്തോടെയാണു സ്വാഗതം ചെയ്യപ്പെട്ടത്. മറ്റു സംസ്കാരങ്ങളുമായി ഇടപെടുന്ന കാര്യത്തിൽ മികച്ച റിക്കാഡാണ് ജോൺസനുള്ളതെന്നാണു സ്വീഡൻകാരുടെ പൊതു അഭിപ്രായം.

ജോൺസനെ വിദേശകാര്യ സെക്രട്ടറിയാക്കിയ തീരുമാനം നിരുത്തരവാദപരമായിപ്പോയെന്ന് പല യൂറോപ്യൻ നേതാക്കൾക്കും രഹസ്യമായി അഭിപ്രായമുണ്ട്.

ലണ്ടനിലെ ഫ്രഞ്ച് അംബാസഡറുടെ വസതിയിൽനിന്നു മടങ്ങുമ്പോൾ ചിലർ അദ്ദേഹത്തെ കൂക്കിവിളിച്ചു. ഹിതപരിശോധനയ്ക്കു മുൻപ്, ജോൺസൺ ജനങ്ങളോടു കള്ളം പറയുകയാണെന്ന് ഫ്രഞ്ച് വിദേശകാര്യ മന്ത്രി മാർക്ക് അയ്റോൾട്ട് ആരോപിച്ചിരുന്നു.

<ആ>റിപ്പോർട്ട്: ജോസ് കുമ്പിളുവേലിൽ

സീറോമലബാർ സഭ നോക്ക് തീർഥാടനം; മാർ റാഫേൽ തട്ടിൽ അയർലൻഡിലെത്തും.

ഡബ്ലിൻ: അയർലൻഡ് സീറോമലബാര്‍ സഭയുടെ ഈവർഷത്തെ നാഷണൽ നോക്ക് തീർഥാടനം മെയ് 11ന് നടക്കും.

ഡെറിയിൽ പാലാ സ്വദേശി സിബി ജോസ് അന്തരിച്ചു.

ഡബ്ലിൻ: ഡെറിയിൽ പാലാ മേരിലാൻഡ് സ്വദേശി പാമ്പക്കൽ സിബി ജോസ്(46) അന്തരിച്ചു.

അയർലൻഡിൽ മലയാളിയായ റോഹൻ സലിന് ചെസ് കിരീടം.

ഡബ്ലിൻ: അയർലൻഡിൽ ചെസ് ചാമ്പ്യൻഷിപ്പിൽ മലയാളിത്തിളക്കം.

സി.ആർ. മഹേഷിനെ ആക്രമിച്ചതിൽ ശക്തമായി പ്രതിഷേധിച്ച് ഐഒസി യുകെ.

ലണ്ടൻ: കൊല്ലം കരുനാഗപ്പള്ളിയിൽ കൊട്ടികലാശത്തിനിടെ എൽഡിഎഫ് പ്രവർത്തകർ വ്യാപകമായി അഴിച്ചുവിട്ട ക്രൂരമായ അക്രമങ്ങ

ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍.

ബെര്‍ലിന്‍: ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍ സന്ദര്‍ശനത്തിനെത്തി.