Deepika.com Nri News :ജര്‍മനിയിലെ എഎഫ്ഡി പാര്‍ട്ടി മുസ്ലിംവിരുദ്ധ നയം അംഗീകരിച്ചു.......

Europe

ജര്‍മനിയിലെ എഎഫ്ഡി പാര്‍ട്ടി മുസ്ലിംവിരുദ്ധ നയം അംഗീകരിച്ചു

Back To NRI Home Forward This News Click here for detailed news of all items

ബെര്‍ലിന്‍: ജര്‍മനിയിലെ തീവ്ര വലതുപക്ഷ സംഘടനയായ ഓള്‍ട്ടര്‍നേറ്റീവ് ഫോര്‍ ജര്‍മനി പാര്‍ട്ടി (എഎഫ്ഡി) ഇസ്ലാം വിരുദ്ധ നയം അംഗീകരിച്ചു.

ശനിയാഴ്ചയും ഞായറാഴ്ചയുമായി സ്റുട്ട്ഗാര്‍ട്ടില്‍ നടന്ന പാര്‍ട്ടി കോണ്‍ഗ്രസിലാണു പാര്‍ട്ടി നയം വ്യക്തമാക്കിക്കൊണ്ടുള്ള പത്രിക പുറത്തിറക്കിയത്. ഇസ്ലാം മതം ജര്‍മനിയുടെ ഭാഗമല്ല, ഇത് ജര്‍മനിക്കു ചേര്‍ന്നതല്ലെന്നും പ്രമേയം വ്യക്തമാക്കുന്നു. ജര്‍മനിയിലെ മുസ്ലിം മിനാരങ്ങളും മോസ്കുകളും ബുര്‍ക്കയും ശിരോ വസ്ത്രവും ഉള്‍പ്പെടെ ഇസ്ലാം മതവുമായി ബന്ധപ്പെട്ട എല്ലാ കാര്യങ്ങളും നിരോധിക്കണമെന്നും പാര്‍ട്ടി കോണ്‍ഗ്രസില്‍ അഭിപ്രായമുയര്‍ന്നത് ബഹുഭൂരിപക്ഷത്തോടെയാണു പാസായത്. ഇക്കാര്യങ്ങള്‍ സംയോജിപ്പിച്ച് ജര്‍മനിയോടുള്ള രാജ്യസ്നേഹം ഇസ്ലാം മതത്തിലൂടെ പ്രകടമാക്കാനാവില്ലെന്നും സമ്മേളനം അടിവരയിട്ടു പാസാക്കി.

ജര്‍മന്‍ സമൂഹത്തിലെ അന്യവസ്തു എന്നാണ് പാര്‍ട്ടി ഡെപ്യൂട്ടി ചെയര്‍മാന്‍ അലക്സാന്‍ഡര്‍ ഗൌലാന്‍ഡ് ഇസ്ലാം മതത്തെ വിശേഷിപ്പിച്ചത്. കത്തോലിക്കാ, പ്രൊട്ടസ്റന്റ് വിഭാഗങ്ങള്‍ പോലെയല്ല, രാജ്യം പിടിച്ചെടുക്കുക എന്ന ലക്ഷ്യത്തോടെ പ്രവര്‍ത്തിക്കുന്നതാണ് ഇസ്ലാമിന്റെ സംവിധാനമെന്നും ജര്‍മനി ഇസ്ലാമികവത്കരിക്കാന്‍ മറ്റു രാജ്യങ്ങളില്‍ നിന്നുള്ള പ്രേരണ ഇവിടെ വിലപ്പോകില്ലെന്നും അതിനാല്‍ കരുതിയിരിക്കണമെന്നും അദ്ദേഹം മുന്നറിയിപ്പു നല്‍കി. ജര്‍മന്‍ ഭരണഘടനയുമായി ഒരിക്കലും യോജിച്ചു പോകാന്‍ കഴിയാത്ത ഒരു രാഷ്ട്രീയ ആശയം എന്നാണ് ഇസ്ലാം മതത്തെ എഎഫ്ഡി വക്താവ് ബിയാട്രിസ് വോന്‍ സ്റ്റോര്‍ച്ച് വിശേഷിപ്പിച്ചത്.

ഹിറ്റ്ലറുടെ കാലഘട്ടത്തിനുശേഷം ആദ്യമായാണ് ഒരു രാഷ്ട്രീയ പാര്‍ട്ടി ഒരു മത സമൂഹത്തെ അപ്പാടെ തുടച്ചുനീക്കുമെന്നു പ്രഖ്യാപിക്കുന്നതെന്നു മുസ്ലിം കൌണ്‍സില്‍ ചെയര്‍മാന്‍ അയ്മന്‍ മേസിയെക് ചൂണ്ടിക്കാട്ടി. എഫ്ഡിയുടെ പ്രമേയത്തിനെതിരെ പ്രതികരിക്കുകയായിരുന്നു മേസിയേക്.

എഫ്ഡി പാര്‍ട്ടി രൂപീകരിച്ച് മൂന്നുവര്‍ഷം തികഞ്ഞപ്പോഴേയ്ക്കും പാര്‍ട്ടിക്ക് അഭൂതപൂര്‍വമായ പിന്തുണയാണു ലഭിക്കുന്നത്. മെര്‍ക്കലിന്റെ അഭയാര്‍ഥി നയത്തെ ഏറ്റവും കൂടുതല്‍ എതിര്‍ക്കുന്നത് എഫ്ഡിയാണ്. അതുകൊണ്ടുതന്നെ അടുത്ത പൊതുതെരഞ്ഞെടുപ്പില്‍ മെര്‍ക്കലിനെ മുട്ടുകുത്തിക്കാന്‍ കച്ചമുറുക്കുന്ന ഇവരുടെ ഇപ്പോഴത്തെ ജന പിന്തുണ ചില പ്രദേശങ്ങളില്‍ 19 മുതല്‍ 27 ശതമാനം വരെ ഉയര്‍ന്നിട്ടുണ്ട്. പ്രാദേശിക തലത്തിലും ദേശീയ തലത്തിലും ഇവര്‍ പഞ്ചായത്ത്, നഗര, സംസ്ഥാന സഭകളില്‍ അംഗങ്ങളെ വിജയിപ്പിക്കാന്‍ കഴിഞ്ഞതും മറ്റു രാഷ്ട്രീയ പാര്‍ട്ടികളെ അലോസരപ്പെടുന്നുണ്ട്.

റിപ്പോര്‍ട്ട്: ജോസ് കുമ്പിളുവേലില്‍

സീറോമലബാർ സഭ നോക്ക് തീർഥാടനം; മാർ റാഫേൽ തട്ടിൽ അയർലൻഡിലെത്തും.

ഡബ്ലിൻ: അയർലൻഡ് സീറോമലബാര്‍ സഭയുടെ ഈവർഷത്തെ നാഷണൽ നോക്ക് തീർഥാടനം മെയ് 11ന് നടക്കും.

ഡെറിയിൽ പാലാ സ്വദേശി സിബി ജോസ് അന്തരിച്ചു.

ഡബ്ലിൻ: ഡെറിയിൽ പാലാ മേരിലാൻഡ് സ്വദേശി പാമ്പക്കൽ സിബി ജോസ്(46) അന്തരിച്ചു.

അയർലൻഡിൽ മലയാളിയായ റോഹൻ സലിന് ചെസ് കിരീടം.

ഡബ്ലിൻ: അയർലൻഡിൽ ചെസ് ചാമ്പ്യൻഷിപ്പിൽ മലയാളിത്തിളക്കം.

സി.ആർ. മഹേഷിനെ ആക്രമിച്ചതിൽ ശക്തമായി പ്രതിഷേധിച്ച് ഐഒസി യുകെ.

ലണ്ടൻ: കൊല്ലം കരുനാഗപ്പള്ളിയിൽ കൊട്ടികലാശത്തിനിടെ എൽഡിഎഫ് പ്രവർത്തകർ വ്യാപകമായി അഴിച്ചുവിട്ട ക്രൂരമായ അക്രമങ്ങ

ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍.

ബെര്‍ലിന്‍: ബ്രിട്ടീഷ് പ്രധാനമന്ത്രി റിഷി സുനാക്ക് ബെര്‍ലിനില്‍ സന്ദര്‍ശനത്തിനെത്തി.