ലണ്ടന്‍: യുകെയില്‍ ഒക്ടോബര്‍ 23, 24, 25 തീയതികളില്‍ ആരംഭിക്കുന്ന നീണ്ടൂര്‍ ദശാബ്ദി സംഗമ ആഘോഷത്തിലെ വിശിഷ്ടാതിഥിയായി എത്തിചേര്‍ന്ന നീണ്ടൂര്‍ ഇടവക വികാരി ഫാ. സജി മെത്താനത്തിനു ലണ്ടന്‍ ഹീത്രു വിമാനത്താവളത്തില്‍ സ്വീകരണം നല്‍കി. ഫാ. സജി നീണ്ടൂര്‍, നീണ്ടൂര്‍ സംഗമ ദശാബ്ദി സംഘാടക സമിതി അഡ്വൈസര്‍ ജോണി കല്ലടാന്തി, സംഗമ സമിതി സെക്രട്ടറി സജി മാത്യു, റൂബി കല്ലടാന്തിയില്‍ തുടങ്ങിയവര്‍ സ്വീകരണ യോഗത്തില്‍ പങ്കെടുത്തു.
നീണ്ടൂര്‍ ദശാബ്ദി സംഗമത്തില്‍ വിഷിഷ്ടാതിഥിയായി ആന്റോ ആന്‍റ്റണി എംപി, ഫാ. റെജി ഓണശേരില്‍, വി.സി പീറ്റര്‍ കുഴിയില്‍, ഗ്ളോബല്‍ നീണ്ടൂര്‍ സംഗമ പ്രസിഡണ്ട് ഏബ്രഹാം കല്ലിടാന്തിയില്‍, ജോബി ഇടപ്പള്ളിച്ചിറ തുടങ്ങിയവരും വിവിധ രാജ്യങ്ങളില്‍ നിന്നായി എത്തിച്ചേരും.
23 നു (വെള്ളി) വൈകുന്നേരം അഞ്ചിനു രജിസ്ട്രേഷന്‍ ആരംഭിക്കും. 24നു (ശനി) വൈകുന്നേരം നടക്കുന്ന പൊതുസമ്മേളനത്തെ തുടര്‍ന്നു റാലി, കലാഭവന്‍ നൈസ് അണിയിച്ചൊരുക്കുന്ന വെല്‍ക്കം ഡാന്‍സ്, മാജിക് ഷോ, ഗാനമേള തുടങ്ങിയ കലാപരിപാടികളും അരങ്ങേറും. 25നു (ഞായര്‍) രാവിലെ ദിവ്യകുര്‍ബാനയ്ക്കുശേഷം അടുത്ത രണ്ടു വര്‍ഷത്തേക്കുള്ള ഭാരവാഹികളെ തെരഞ്ഞെടുക്കും.
രണ്ടായിരത്തില്‍പരം പ്രവാസി കുടുംബാംഗങ്ങളെ കോര്‍ത്തിണക്കി ആഗോള സംഗമങ്ങള്‍ സംഘടിപ്പിക്കുന്ന നീണ്ടൂര്‍ പ്രവാസി കുടുംബങ്ങളുടെ യുകെയിലെ പത്താമത് സംഗമം മൂന്നുദിവസങ്ങളിലായി വിപുലമായ പരിപാടികളോടെ സംഘടിപ്പിക്കുന്നതിനുള്ള ഒരുക്കങ്ങള്‍ പൂര്‍ത്തിയായതായി സംഘാടകര്‍ അറിയിച്ചു.
വിവരങ്ങള്‍ക്ക്: ബെന്നി ഓണശേരില്‍ (പ്രസിഡന്റ്) 07828745718, ജയിംസ് വട്ടക്കുന്നേല്‍ (ജോ. സെക്രട്ടറി) 07557941159, ബിനീഷ് പെരുമാപ്പാടം (ട്രഷറര്‍) 07950478728, ജോണി കല്ലിടാന്തിയില്‍ 07868849273, ഷാജി വരാക്കുടിലില്‍ 07727604242.
ഢലിൌല: ടങഅഘഘണഛഛഉ ങഅചഛഞ, ടഠഅഎഎഛഞഉടഒകഞഋ, ടഠ14 8ചട.
റിപ്പോര്‍ട്ട്: അപ്പച്ചന്‍ കണ്ണഞ്ചിറ
|