Deepika.com Nri News :ജര്‍മനിയുടെ കറിവൂര്‍സ്റിന് 65 വയസ്.......

Europe

ജര്‍മനിയുടെ കറിവൂര്‍സ്റിന് 65 വയസ്

Back To NRI Home Forward This News Click here for detailed news of all items

ബര്‍ലിന്‍: പൊടിരൂപത്തിലാക്കിയ സുഗന്ധ വ്യഞ്ജനങ്ങള്‍ വിതറി കെച്ചപ്പില്‍ മുക്കി തയാറാക്കുന്ന സോസേജിനെ കറിവൂര്‍സ്റ് എന്നു വിളിക്കാമെങ്കില്‍, അതിന്റെ ആവിര്‍ഭാവത്തിന് അറുപത്തഞ്ച് വയസ് തികഞ്ഞു. ഇക്കാലത്ത് ജര്‍മനി സന്ദര്‍ശിക്കുന്ന വിദേശ വിനോദ സഞ്ചാരികള്‍ ഒരിക്കലെങ്കിലും ഇതൊന്നു രുചിച്ചു നോക്കാതെ മടങ്ങില്ലെന്നായിരിക്കുന്നു കാര്യങ്ങള്‍. അത്രയേറെ ജനകീയമായിരിക്കുന്ന ജര്‍മനിയുടെ കറിവൂര്‍സ്റ്.

ഹെര്‍ത്ത ഹ്യൂയര്‍ എന്നയാളാണ് ഈ ലളിതമായ ഡിഷിന്റെ ഉപജ്ഞാതാവ്. മഴക്കാലത്ത് വീട്ടില്‍ ബോറടിച്ചിരിക്കുമ്പോള്‍ നടത്തിയ ഒരു പരീക്ഷണമായിരുന്നുവത്രെ അദ്ദേഹത്തിന്റേത്. 1949 ലായിരുന്നു ഈ പരീക്ഷണം. പത്തു വര്‍ഷം കഴിഞ്ഞപ്പോഴേക്കും ഹ്യൂയര്‍ തന്റെ വിഭവത്തിന് മ്യൂണിക്കില്‍ നിന്നും പേറ്റന്റ് എടുത്തു. ചില്ലപ്പ് എന്നാണ് അന്നു പേരു നല്‍കിയത്. ചില്ലി, കെച്ചപ്പ് എന്നിവ ചേര്‍ത്തായിരുന്നു ഇത്.

തുടര്‍ന്ന് ബര്‍ലിനില്‍ അവരുടെ വാനുകള്‍ തന്നെ പിന്നീട് ഇവ വ്യാപകമായി വിതരണം ചെയ്തു. ഇന്നൊരു കറിവൂര്‍സ്റ് മ്യൂസിയം തന്നെ പ്രവര്‍ത്തിക്കുന്നു. ശീതയുദ്ധ സ്മാരകത്തിലെത്തുന്നതിനൊപ്പം ആളുകള്‍ ഇവിടെയും ഇപ്പോള്‍ എത്തുന്നു.

ജര്‍മനിയില്‍ ഇപ്പോള്‍ സുലഭമായി ലഭിക്കുന്ന ഈ ഭക്ഷണത്തിന് വിലയുടെ കാര്യത്തില്‍ വിവിധ സ്ഥലങ്ങളില്‍ വൈവിധ്യമുണ്ടെങ്കിലും 2 യൂറോ 99 സെന്റ് മുതല്‍ മുകളിലോട്ടാണ്. സിറ്റികളില്‍ മാത്രമല്ല പ്രാദേശികമായും ഈ വിഭവം ലഭ്യമാണ്. ഇതുമാത്രമായി വില്‍ക്കുന്ന ചെറിയ കടകളും നഗരങ്ങളില്‍ കാണാം. ഇതിനൊപ്പം കക്ഷണങ്ങളാക്കി വറുത്ത പൊട്ടറ്റോയും(ഫ്രിറ്റന്‍), മയോണൈസും ചേര്‍ത്തു കഴിക്കാന്‍ ഏറെ സ്വാദിഷ്ടമാണ്. ആബാലവൃദ്ധജനങ്ങളുടെയും ഇഷ്ടഭോജനമാണ് കറിവൂര്‍സ്റ്. കൊളോണിലെ കറി കൊളോണ്‍ റസ്ററന്റ് ഏറെ പ്രസിദ്ധമാണ്. 2013 ല്‍ ഈ വിഭവം 60 മില്യന്‍ ജനങ്ങള്‍ കഴിച്ചിട്ടുണ്ടെന്നാണ് ഔദ്യോഗിക കണക്ക്.

റിപ്പോര്‍ട്ട്: ജോസ് കുമ്പിളുവേലില്‍

ബ്രിട്ടീഷ് പ്രധാനമന്ത്രി റിഷി സുനാക്ക് ബര്‍ലിനില്‍.

ബര്‍ലിന്‍: ബ്രിട്ടീഷ് പ്രധാനമന്ത്രി റിഷി സുനാക്ക് ബര്‍ലിനില്‍ സന്ദര്‍ശനത്തിനെത്തി.

യുഡിഎഫിന് വോട്ട് നല്‍കാന്‍ പ്രവാസി കുടുംബങ്ങളോട് ഒഐസിസിയുടെ ആഹ്വാനം.

ബര്‍ലിന്‍: രാജ്യം അതി നിര്‍ണായകമായ തെരഞ്ഞെടുപ്പിന് സാക്ഷ്യം വഹിക്കുമ്പോള്‍, പ്രവാസികള്‍ അടക്കമുള്ള ജനാധിപത്യ വിശ്വാ

ചൈന ചാരക്കേസ് : ജര്‍മന്‍ തീവ്ര വലതുപക്ഷ എഎഫ്ഡി ഉദ്യോഗസ്ഥന്‍ അറസ്റ്റിൽ.

ബര്‍ലിന്‍: ചാരവൃത്തി ആരോപിച്ച് തീവ്ര വലതുപക്ഷ ആള്‍ട്ടര്‍നേറ്റീവ് ഫോര്‍ ജര്‍മനി (എഎഫ്ഡി) രാഷ്ട്രീയ പാര്‍ട്ടിയിലെ ജീവനക്കാരനെ പോലീസ് അറസ്റ്റ് ചെയ്തു.

മലയാളം ഈവനിംഗ് ചർച്ച്‌ സർവീസ് ആരംഭിച്ചു.

ഡബ്ലിൻ: വിക്ലോ കൗണ്ടിയിൽ ചർച്ച് ഓഫ് ഗോഡ് സഭയുടെ നേതൃത്വത്തിൽ മലയാളം ഈവനിംഗ് ചർച്ച് സർവീസ് ആരംഭിച്ചു.

യുഡിഎഫ് യുകെ സംഘടിപ്പിച്ച തെരഞ്ഞെടുപ്പ് കൺവൻഷൻ മാത്യു കുഴൽനാടൻ ഉദ്ഘാടനം ചെയ്തു.

ലണ്ടൻ: യുകെയിലെ വിവിധ യുഡിഎഫ് അനുകൂല പ്രവാസി സംഘടനകളുടെ കൂട്ടായ്മയായ യുഡിഎഫ് യുകെയുടെ നേതൃത്വത്തിൽ ലോക്സഭ തെരഞ്ഞ