ബാസല്‍: ലോകകപ്പിന് കാത്തിരിക്കുന്ന മുഴുവന്‍ ഫുട്ബോള്‍ പ്രേമികള്‍ക്കും ആവേശം വിതറി ഇന്ത്യന്‍ യൂത്ത് ഓര്‍ഗനൈസേഷന്‍ നടത്തിയ വാശിയേറിയ ഫുട്ബോള്‍ ടൂര്‍ണമെന്റില്‍ ടിച്ചിനൊ യുണൈറ്റഡ് ജേതാക്കളായി.
ഫസ്റ് റണ്ണര്‍ അപ് മുഗിവാര സുറിച്ച്, സെക്കന്റ് റണ്ണര്‍ അപ് ബാസല്‍ വണ്‍ എന്നീ ടീമുകള്‍ കരസ്ഥമാക്കി.
ചിക്വിറ്റാസ് ടീമിലെ കെവിന്‍ ഉള്ളാട്ടില്‍ ബെസ്റ് പ്ളെയറായും ബാസല്‍ വണ്‍ റ്റീമിലെ സഞ്ജയ് കുളങ്ങര ടോപ് സ്കോററായും, റ്റിച്ചിനൊ യുണൈറ്റഡിലെ രഞ്ജിത് പൈനാടത്ത് ബെസ്റ് ഗോള്‍ കീപ്പറായും തെരഞ്ഞെടുക്കപ്പെട്ടു.
ചിക്വിറ്റാസ്, ബാസല്‍ കണക്റ്റഡ്, ടിച്ചിനൊ യുണൈറ്റഡ്, ഇന്ത്യന്‍ ബുള്‍സ്, ടിം മുഗിവാര, അന്‍ഡര്‍ ഡോഗ്സ്, ഡൊപ്പല്‍ എ, ബാസല്‍ വണ്‍, എവ്സം ബോയ്സ്, ഫാന്ടാസ്റിക് സെവന്‍, എന്നീ പത്തു ടീമുകളാണ് ബാസലിലെ റാങ്ക് ഹോഫ് സ്റേഡിയത്തില്‍ ആവേശം വിതറിയത്.
രാവിലെ എട്ടിനാരംഭിച്ച മത്സരങ്ങള്‍ വൈകുന്നേരം ഏഴിന് സമാപിച്ചു. പൂര്‍ണതയിലും കൃത്യനിഷ്ടയിലും മികവ് പുലര്‍ത്തിയ ഇന്ത്യന്‍ യൂത്ത് ഓര്‍ഗനൈസേഷന്‍ ഭാരവാഹികള്‍ അഭിനന്ദനം അര്‍ഹിക്കുന്നു. പ്രസിഡന്റ് ജെറോം പതിപ്പാട്ട്, സെക്രട്ടറി ആതിര കാശംകാട്ടില്‍, സ്പോര്‍ട്സ് സെക്രട്ടറി ലെയൊ വള്ളാടിയില്‍ എന്നിവരുടെ നേതൃത്തത്തില്‍ കെന്‍ വടക്കുംചേരി, കിരണ്‍ കുമുള്ളില്‍, മാര്‍ട്ടിന്‍ കുഞ്ഞാപറമ്പില്‍, പ്രിന്‍സ് പുലികോട്ടില്‍, കിരണ്‍ മാടശേരി എന്നിവര്‍ ടൂര്‍ണമെന്റിന്റെ വിജയത്തിനായി പ്രവര്‍ത്തിച്ചു.
റിപ്പോര്‍ട്ട്: ജേക്കബ് മാളിയേക്കല്‍
|