Deepika.com Nri News :പാവങ്ങൾക്ക് വീടുകൾ നൽകുന്ന പദ്ധതിയുമായി വേൾഡ് പീസ് മിഷൻ.......

Americas

പാവങ്ങൾക്ക് വീടുകൾ നൽകുന്ന പദ്ധതിയുമായി വേൾഡ് പീസ് മിഷൻ

Back To NRI Home Forward This News Click here for detailed news of all items

കോട്ടയം: വേൾഡ് പീസ് മിഷന്‍റെ 30ാം വാർഷികത്തോട് അനുബന്ധിച്ച് കേരളത്തിലെ എല്ലാ ജില്ലകളിലും 10 വീടുകൾ വീതം 140 വീടുകൾ പണിയുന്ന ജീവകാരുണ്യ പദ്ധതിയുടെ ഉദ്ഘാടനം പ്രശസ്ത സിനിമ സംവിധായകൻ ബ്ലെസി നിർവഹിച്ചു. ചടങ്ങിൽ വേൾഡ് പീസ് മിഷൻ ചെയർമാൻ ഡോ. സണ്ണി സ്റ്റീഫൻ അധ്യക്ഷനായിരുന്നു.

പൂനെ ഫിലിം ഇൻസ്റ്റിറ്റ്യൂട്ട് അധ്യാപകനും മീഡിയ വില്ലേജ്, കെ.ആർ. നാരായണൻ മീഡിയ ഇൻസ്റ്റിറ്റ്യൂട്ട് എന്നീ സ്ഥാപനങ്ങളിലെ അധ്യാപകനുമായിരുന്ന പ്രഫ. കവിയൂർ ശിവപ്രസാദ്, കേരള സ്റ്റേറ്റ് ഹ്യൂമൻ റൈറ്റ് ഫോറം സംസ്ഥാന ജനറൽ സെക്രട്ടറി ടോജോ ചിറ്റേട്ടുകളം എന്നിവർ ആശംസകൾ അറിയിച്ചു.

അശരണരും അതിദരിദ്രരുമായ സ്ത്രീകൾക്ക് സ്വന്തമായി ഒരു വീട് പണിത് നൽകുക എന്ന ലക്ഷ്യത്തോടെ വേൾഡ് പീസ് മിഷനും യുഎസ് വേൾഡ് പീസ് മിഷനും ചേർന്നാണ് ഈ പദ്ധതി ആരംഭിക്കുന്നത്. എല്ലാ സൗകര്യങ്ങളോടു കൂടിയ 140 വീടുകളാണ് പണിയുന്നത്.

ഓരോ ജില്ലയിൽ നിന്നും വേൾഡ് പീസ് മിഷന്‍റെ വുമൺ എംപവർമെന്‍റ് ഗ്രൂപ്പ്, അർഹരായവരെ കണ്ടെത്തി നൽകിയ അപേക്ഷകളിൽ നിന്നാണ് തെരഞ്ഞെടുത്തത്. വേൾഡ് പീസ് മിഷന്‍റെ കെട്ടിട നിർമാണ പ്രവർത്തനങ്ങളുടെ ചുമതലയുള്ള ബേബിച്ചൻ മഞ്ഞപ്രയുടെ നേതൃത്വത്തിലാണ് നിർമാണ പ്രവർത്തനങ്ങൾ നടത്തുന്നത്.

തിരുവനന്തപുരം മുത്തൂറ്റ് ഫിനാൻസുമായി ചേർന്നാണ് ആദ്യത്തെ 10 വീടുകൾ നിർമ്മിക്കുന്നത്. ആദ്യ വീടിന്‍റെ കല്ലിടിൽ കർമം ഫെബ്രുവരി 15ന് തിരുവനന്തപുരത്ത് നടക്കും.

നിർധനരായവർക്ക് ഭക്ഷണ വസ്ത്ര വിതരണം, പഠനത്തിൽ സമർഥരായ സാമ്പത്തിക ഞരുക്കമുള്ള വിദ്യാർഥികൾക്ക് പഠന സഹായം എന്നിവയും വേൾഡ് പീസ് മിഷന്‍റെ നേതൃത്വത്തിൽ നടത്തുന്നുണ്ട്.

ഫാമിലി കൗൺസിലിംഗ്, സ്റ്റുഡന്‍റ്സ് കൗൺസിലിംഗ്, ഗ്രെയ്‌സ് ഹെൽത്ത്‌ ക്ലബ്, ഡീഅഡിക്ഷൻ കൗൺസിലിംഗ് എന്നിവയും സംഘടനയുടെ മുഖ്യപ്രവർത്തനങ്ങളാണ്.

54 രാജ്യങ്ങളിലായി 18,000ത്തിലധികം വോളന്‍റീഴേസ് വേൾഡ് പീസ് മിഷന്‍റെ കർമപദ്ധതികളിൽ സജീവമാണ്.

ഗാന്ധിമാർഗം പ്രചരിപ്പിക്കുന്നതിനായി അമേരിക്കയിലൂടെ നടന്ന് ഇന്ത്യക്കാരൻ.

സാൻ ഫ്രാൻസിസ്കോ: മഹാത്മാ ഗാന്ധിയുടെ 150ാം ജന്മവാർഷികത്തോട് അനുബന്ധിച്ച് സമാധാന സന്ദേശം പ്രചരിപ്പിക്കുന്നതിനായി അമേ

അമേരിക്കയിൽനിന്നും നാടുകടത്തിയ ഇന്ത്യക്കാർ ഇന്ന് അമൃത്സറിലെത്തും.

ന്യൂഡൽഹി: അനധികൃത കുടിയേറ്റക്കാരെ ഒഴിപ്പിക്കുന്നതിന്‍റെ ഭാഗമായി അമേരിക്കയിൽനിന്നും നാടുകടത്തിയ ഇന്ത്യക്കാരിൽ ആദ്

മാർത്തോമ്മാ ഫാമിലി കോൺഫറസ് ജൂലൈ മൂന്നു മുതൽ ന്യൂയോർക്കിൽ.

ന്യൂയോർക്ക്: മാർത്തോമ്മാ സഭയുടെ നോർത്ത് അമേരിക്കൻ ഭദ്രാസനത്തിന്‍റെ ആഭിമുഖ്യത്തിൽ നടക്കുന്ന ഫാമിലി കോൺഫറസ് ജൂലൈ മൂന

നോർത്ത് ഈസ്റ്റ് അമേരിക്കൻ ഭദ്രാസന കോൺഫറൻസ് പ്രതിനിധി സംഘം ഹാർട്ട്ഫോർഡ് ഇടവക സന്ദർശിച്ചു.

ഹാർട്ട്ഫോർഡ്: നോർത്ത് ഈസ്റ്റ് അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസ് പ്രതിനിധി സംഘം ഹാർട്ട്ഫോർഡ് സെന്‍റ് തോമ

അക്ഷരം മലയാളം സ്കൂൾ അന്താരാഷ്ട്ര ഭാഷ ദിനം ആചരിച്ചു.

റെജൈന: സസ്ക്കച്ചവൻ അസോസിയേഷൻ ഓഫ് ഇന്‍റർനാഷണൽ ലാംഗ്വേജസിനോട് (സെയിൽ) ഒപ്പം ചേർന്നു കൊണ്ട് സസ്ക്കച്ചവനിലെ റെജൈന മല