Deepika.com Nri News :ഭക്തിഗാന രചയിതാവ് സതീഷ് കെ. മേനോനെ കെഎച്ച്എൻഎ ആദരിച്ചു.......

Americas

ഭക്തിഗാന രചയിതാവ് സതീഷ് കെ. മേനോനെ കെഎച്ച്എൻഎ ആദരിച്ചു

Back To NRI Home Forward This News Click here for detailed news of all items

ന്യൂയോർക്ക്: മകരവിളക്ക് മഹോത്സവത്തോട് അനുബന്ധിച്ച് ന്യൂയോർക്കിലെ വൈഷ്ണവ ക്ഷേത്ര ഓഡിറ്റോറിയത്തിൽ വച്ച് ബ്രീത്ത് മ്യൂസിക് അക്കാദമി ഡിട്രോയിറ്റിന്‍റെ ഭക്തിഗാനമേള അരങ്ങേറി. അയ്യപ്പ സേവാസംഘവും കൃഷ്ണകൃപാ മ്യൂസിക് ടീമും ചേർന്നാണ് പരിപാടി സംഘടിപ്പിച്ചത്.

ഈ അയ്യപ്പ ഗാനമേളയിലെ ശ്രദ്ധേയമായ പല ഗാനങ്ങളും സതീഷ് കെ. മേനോൻ രചിച്ചതായിരുന്നു. അനിത കൃഷ്ണയുടെ നേതൃത്വത്തിൽ ആരംഭിച്ച ഗാനമേളയിൽ ഡിട്രോയിറ്റിൽ നിന്നെത്തിയ ബ്രീത്ത് മ്യൂസിക് അക്കാദമി ടീമംഗങ്ങൾ മകരവിളക്ക് മഹോത്സവത്തിൽ ശബരിമല സന്നിധാനത്തിന്‍റെ മാതൃകയിൽ ഒരുക്കിയ മണ്ഡപത്തിൽ അവിസ്മരണീയമായ സംഗീതക്കച്ചേരി അവതരിപ്പിച്ചു.

അയ്യപ്പസേവാ സംഘം പ്രസിഡന്‍റ് കൂടിയായ ഗോപിനാഥ് കുറുപ്പും കൃഷ്ണകൃപാ മ്യൂസിക്കിന്‍റെ പ്രസിഡന്‍റ് സതീഷ് കെ. മേനോനും എൻബിഎ പ്രസിഡന്‍റ് ജനാർദ്ദനൻ തോപ്പിലും ചേർന്ന് മണ്ഡപത്തിൽ ഭദ്രദീപം തെളിയിച്ചു.

രാധാമണി നായരുടെ ഭക്തിനിർഭരമായ ഈശ്വരപ്രാർഥനയ്ക്ക് ശേഷം അയ്യപ്പ സേവാസംഘം സെക്രട്ടറിയും കെഎച്ച്എൻഎ ട്രഷററുമായ രഘുവരൻ നായർ ഡിട്രോയിറ്റ് ബ്രീത്ത് മ്യൂസിക് അക്കാദമിയുടെ അംഗങ്ങളെ സദസ്സിന് പരിചയപ്പെടുത്തി.

പ്രസിഡന്‍റ് ഗോപിനാഥ് കുറുപ്പ് സ്വാഗതം ആശംസിച്ചു. ശോഭ കറുവക്കാട്ട് മാസ്റ്റർ ഓഫ് സെറിമണിയായി. സതീഷ് മേനോൻ നന്ദി പ്രകാശിപ്പിച്ചു. ബ്രീത്ത് മ്യൂസിക് അക്കാദമിയിലെ എല്ലാവരെയും പൊന്നാട അണിയിച്ച് ആദരിച്ചു.

മകരവിളക്ക് മഹോത്സവം വിജയിപ്പിക്കുന്നതിന് എൻബിഎയുടെ മുൻ സെക്രട്ടറി സേതുമാധവൻ നൽകിയ സംഭാവനകൾ ശ്ലാഘനീയമായിരുന്നു. മണിമണ്ഡപം അലങ്കരിച്ചത് സുധാകരൻ പിള്ളയാണ്.

കെഎച്ച്എൻഎ പ്രസിഡന്‍റ് ഡോ. നിഷ പിള്ള വിരാട് 25 സിൽവർ ജൂബിലി കൺവൻഷൻ ഓഗസ്റ്റ് 17 മുതൽ 19 വരെ ന്യൂജഴ്സിയിലെ അറ്റ്‌ലാന്‍റിക് സിറ്റിയിലുള്ള എംജിഎം റിസോർട്ട് ഇന്‍റർനാഷനലിൽ നടക്കുന്നതിനെക്കുറിച്ച് വിശദീകരിച്ചു.

തുടർന്ന് കെഎച്ച്എൻഎ ട്രഷറർ രഘുവരൻ നായരും ചെയർമാൻ ഗോപിനാഥ് കുറുപ്പും ചേർന്ന് റജിസ്ട്രേഷൻ പാക്കറ്റ് വിതരണം ചെയ്തു. നൂറു കണക്കിന് ഭക്തിഗാനങ്ങൾ രചിച്ച സതീഷ് കെ. മേനോനെകെഎച്ച്എൻഎ പ്രസിഡന്‍റ് ഡോ. നിഷാ പിള്ളയും ചെയർമാൻ ഗോപിനാഥ് കുറുപ്പും ചേർന്ന് പൊന്നാട അണിയിച്ച് ആദരിച്ചു.

ട്രഷറർ രഘുവരൻ നായർ, ട്രസ്റ്റീ ബോർഡ് മെമ്പർ വനജ നായർ, ഡയറക്ടർ ബോർഡ് മെമ്പർ രാധാമണി നായർ, എന്‍എസ്എസ് ഹഡ്സൺ വാലി പ്രസിഡന്‍റ് ജി.കെ. നായർ, എന്‍ബിഎ പ്രസിഡന്‍റ് ജനാർദ്ദനൻ തോപ്പിൽ,

മഹിമ പ്രസിഡന്‍റ് പുരുഷോത്തമ പണിക്കർ, എസ്എന്‍എ ചെയർമാൻ സഹൃദയ പണിക്കർ, കെഎച്ച്എന്‍എ ന്യൂയോർക്ക് കൺവൻഷൻ കോഓർഡിനേറ്റർ ഡോ. ഉണ്ണിക്കൃഷ്ണൻ തമ്പി എന്നിവർ സന്നിഹിതരായിരുന്നു.

ഗാന്ധിമാർഗം പ്രചരിപ്പിക്കുന്നതിനായി അമേരിക്കയിലൂടെ നടന്ന് ഇന്ത്യക്കാരൻ.

സാൻ ഫ്രാൻസിസ്കോ: മഹാത്മാ ഗാന്ധിയുടെ 150ാം ജന്മവാർഷികത്തോട് അനുബന്ധിച്ച് സമാധാന സന്ദേശം പ്രചരിപ്പിക്കുന്നതിനായി അമേ

അമേരിക്കയിൽനിന്നും നാടുകടത്തിയ ഇന്ത്യക്കാർ ഇന്ന് അമൃത്സറിലെത്തും.

ന്യൂഡൽഹി: അനധികൃത കുടിയേറ്റക്കാരെ ഒഴിപ്പിക്കുന്നതിന്‍റെ ഭാഗമായി അമേരിക്കയിൽനിന്നും നാടുകടത്തിയ ഇന്ത്യക്കാരിൽ ആദ്

മാർത്തോമ്മാ ഫാമിലി കോൺഫറസ് ജൂലൈ മൂന്നു മുതൽ ന്യൂയോർക്കിൽ.

ന്യൂയോർക്ക്: മാർത്തോമ്മാ സഭയുടെ നോർത്ത് അമേരിക്കൻ ഭദ്രാസനത്തിന്‍റെ ആഭിമുഖ്യത്തിൽ നടക്കുന്ന ഫാമിലി കോൺഫറസ് ജൂലൈ മൂന

നോർത്ത് ഈസ്റ്റ് അമേരിക്കൻ ഭദ്രാസന കോൺഫറൻസ് പ്രതിനിധി സംഘം ഹാർട്ട്ഫോർഡ് ഇടവക സന്ദർശിച്ചു.

ഹാർട്ട്ഫോർഡ്: നോർത്ത് ഈസ്റ്റ് അമേരിക്കൻ ഭദ്രാസന ഫാമിലി ആൻഡ് യൂത്ത് കോൺഫറൻസ് പ്രതിനിധി സംഘം ഹാർട്ട്ഫോർഡ് സെന്‍റ് തോമ

അക്ഷരം മലയാളം സ്കൂൾ അന്താരാഷ്ട്ര ഭാഷ ദിനം ആചരിച്ചു.

റെജൈന: സസ്ക്കച്ചവൻ അസോസിയേഷൻ ഓഫ് ഇന്‍റർനാഷണൽ ലാംഗ്വേജസിനോട് (സെയിൽ) ഒപ്പം ചേർന്നു കൊണ്ട് സസ്ക്കച്ചവനിലെ റെജൈന മല