Deepika.com Nri News :3600 ജീവനക്കാരെ പിരിച്ചുവിടാൻ മെറ്റ ഒരുങ്ങുന്നു.......

Americas

3600 ജീവനക്കാരെ പിരിച്ചുവിടാൻ മെറ്റ ഒരുങ്ങുന്നു

Back To NRI Home Forward This News Click here for detailed news of all items

സാൻഫ്രാൻസിസ്കോ: പ്രകടനം മോശമായ 3,600 ജീവനക്കാരെ പിരിച്ചുവിടാൻ സമൂഹമാധ്യമ ഭീമൻ മെറ്റ ഒരുങ്ങുന്നു. ഇതിനുപകരം പുതിയ ആളുകളെ റിക്രൂട്ട് ചെയ്യുമെന്നും ആഭ്യന്തരമായി പുറത്തിറക്കിയ മെമോ ഉദ്ധരിച്ച് രാജ്യാന്തര മാധ്യമം റിപ്പോർട്ട് ചെയ്തു.

ഫേസ്ബുക്ക്, ഇൻസ്റ്റഗ്രാം, വാട്സ്ആപ് എന്നീ സമൂഹമാധ്യമ പ്ലാറ്റ്ഫോമുകളുടെ മാതൃകമ്പനിയായ മെറ്റയുടെ ജീവനക്കാരിൽ അഞ്ച് ശതമാനത്തെ ഈ നീക്കം ബാധിക്കുമെന്ന് കമ്പനി വാർത്താ ഏജൻസിയായ എഎഫ്പിയോട് സ്ഥിരീകരിച്ചു.

സെപ്റ്റംബറിൽ പുറത്തുവിട്ട കണക്കുകൾ പ്രകാരം മെറ്റയ്ക്ക് ആകെ 72,400 ജീവനക്കാരാണ് ഉള്ളത്. പ്രകടനം അടിസ്ഥാനമാക്കി ആളുകളെ ഒഴിവാക്കുന്ന നടപടികൾ കഴിഞ്ഞ ആഴ്ച മൈക്രോസോഫ്റ്റും തുടങ്ങിയിരുന്നു.

ആകെയുള്ള ജീവനക്കാരിൽ ഒരു ശതമാനത്തിൽ താഴെയുള്ളവരെയാണ് ഈ നീക്കം ബാധിക്കുകയെന്നും കമ്പനി അറിയിച്ചു. ഡോണൾഡ് ട്രംപ് 20ന് പ്രസിഡന്‍റായി അധികാരമേറ്റെടുക്കുന്നതിന് മുന്നോടിയായി വ്യാപകമായ മാറ്റങ്ങളാണ് മെറ്റ നടത്തുന്നത്. അതിനിടയിലാണ് പിരിച്ചുവിടലും വരുന്നത്.

ട്രംപിന്‍റെ വിജയത്തിന് പിന്നാലെ യാഥാസ്ഥിതിക (കൺസർവേറ്റീവ്) ആശയങ്ങളോട് കൂടുതൽ അടുപ്പം കാണിക്കുന്ന സക്കർബർഗ് നിരവധി രാഷ്ട്രീയ നേതാക്കളുമായി ബന്ധം സ്ഥാപിക്കുന്നുണ്ട്.

ട്രംപുമായി അത്താഴ വിരുന്നുകളും നടത്തിയ സക്കർബർഗ് മെറ്റയുടെ പബ്ലിക് അഫയേഴ്സ് തലവനായി റിപ്പബ്ലിക്കൻ പാർട്ടിക്കാരനെയാണ് നിയമിച്ചിരിക്കുന്നത്. യുഎസ് ഫാക്ട് ചെക്കിങ് പദ്ധതി നിർത്തുന്നതായി സക്കർബർഗ് കഴിഞ്ഞയാഴ്ച പറഞ്ഞിരുന്നു.

ഈ പദ്ധതിക്കെതിരെ യുഎസിൽ കൺസർവേറ്റീവുകൾ രംഗത്തുവന്നിരുന്നു. പദ്ധതി സെൻസർഷിപ് ആണെന്നാണ് ഇവരുടെ നിലപാട്. ബുധനാഴ്ച അഭിപ്രായം പറയാൻ കമ്പനി വിസമ്മതിച്ചു, പക്ഷേ ബ്ലൂംബെർഗിന്‍റെ റിപ്പോർട്ടിംഗ് കൃത്യമാണെന്ന് പറഞ്ഞു.

തൊഴിൽ നഷ്ടപ്പെടുന്ന യുഎസിലെ തൊഴിലാളികളെ ഫെബ്രുവരി 10ന് അറിയിക്കും. മറ്റ് രാജ്യങ്ങളിലുള്ളവരെ പിന്നീട് അറിയിക്കുമെന്ന് ബ്ലൂംബെർഗ് പറഞ്ഞു.

പതിമൂന്നുകാരനിൽനിന്നു ഗര്‍ഭം ധരിച്ച് പ്രസവിച്ച അധ്യാപിക അറസ്റ്റിൽ.

ന്യൂജഴ്‌സി: പതിമൂന്നുകാരനായ സ്‌കൂള്‍ വിദ്യാര്‍ഥിയെ ലൈംഗികമായി പീഡിപ്പിച്ച കേസില്‍ അധ്യാപിക അറസ്റ്റില്‍.

ട്രംപിന് ആശംസ നേർന്ന് എബി തോമസ്.

ഡാളസ്: അമേരിക്കയുടെ 47ാമത് പ്രസിഡന്‍റായി ചുമതലയേൽക്കുന്ന ഡോണൾഡ് ട്രംപിന് ആശംസ നേർന്ന് അമേരിക്കൻ മലയാളി വെൽഫെയർ

"കേരളത്തിലെ അവസാന ജൂതര്‍' ചിത്രപ്രദര്‍ശനം വാഷിംഗ്ടണില്‍.

വാഷിംഗ്ടണ്‍ ഡിസി: കേരളത്തില്‍ പ്രത്യേകിച്ച് കൊച്ചിയിലെ മട്ടാഞ്ചേരിയിലെ വഴികളിലൂടെ യാത്ര ചെയ്യുമ്പോള്‍ നമുക്ക് മുന്നില്

ഇനി ട്രംപ് 2.0! യുഎസിന്‍റെ 47ാം പ്രസിഡന്‍റായി ഇന്ന് ചുമതലയേല്ക്കും.

വാഷിംഗ്ടൺ: അമേരിക്കയുടെ 47ാമത് പ്രസിഡന്‍റായി ഡോണൾഡ് ട്രംപ് ഇന്ന് ചുമതലയേൽക്കും. ഇന്ത്യൻസമയം രാത്രി 10.

കലിഫോർണിയയിലെ കാട്ടുതീ ദുരിതബാധിതർക്ക് ഒറ്റത്തവണ ധനസഹായമായി 770 ഡോളർ നൽകും.

കലിഫോർണിയ: കലിഫോർണിയയിലെ കാട്ടുതീ ദുരിതബാധിതർക്ക് ഫെഡറൽ പിന്തുണ നൽകാനുള്ള ശ്രമങ്ങളുടെ ഭാഗമായി പ്രസിഡന്‍റ് ജോ