Deepika.com Nri News :കാട്ടുതീ ശമിക്കുന്നില്ല; ഹോളിവുഡിലേക്ക് പടരുന്നു.......

Americas

കാട്ടുതീ ശമിക്കുന്നില്ല; ഹോളിവുഡിലേക്ക് പടരുന്നു

Back To NRI Home Forward This News Click here for detailed news of all items

ലോസ് ആഞ്ചലസ്: അമേരിക്കയിലെ ലോസ് ആഞ്ചലസ് നഗരത്തിൽ പടരുന്ന കാട്ടുതീക്കു ശമനമില്ല. അമേരിക്കൻ സിനിമാ വ്യവസായത്തിന്‍റെ കേന്ദ്രമായ ഹോളിവുഡിലേക്കും തീ വ്യാപിക്കുന്നതായാണു റിപ്പോർട്ട്.

ചൊവ്വാഴ്ച മുതൽ ആറു കാട്ടുതീയാണ് ലോസ് ആഞ്ചലസ് കൗണ്ടിയുടെ പല ഭാഗങ്ങളിലായി ആരംഭിച്ചത്. അഞ്ചു പേർ മരിക്കുകയും വീടുകളടക്കം നൂറുകണക്കിനു കെട്ടിടങ്ങൾ ചാന്പലാവുകയും ചെയ്തു. ഒരു ലക്ഷത്തിലധികം പേരോട് ഒഴിഞ്ഞുപോകാൻ നിർദേശിച്ചു.

വരണ്ട കാലാവസ്ഥയും കൊടുങ്കാറ്റിനു സമാനമായ കാറ്റും മൂലം കാട്ടുതീ അണയ്ക്കാൻ കഴിന്നില്ലെന്ന് അഗ്നിശമനസേന അറിയിച്ചു.

ലോസ് ആഞ്ചലസിന്‍റെ കേന്ദ്രഭാഗത്തുള്ള ഹോളിവുഡ് ഹിൽസിൽ ആരംഭിച്ച കാട്ടുതീ അത്ര വലുതല്ലെന്നാണു റിപ്പോർട്ട്. എന്നാൽ, ഹോളിവുഡ് ഹിൽസിനു തെക്കുഭാഗത്തായി സ്ഥിതിചെയ്യുന്ന സിനിമാവ്യവസായ കേന്ദ്രമായ ഹോളിവുഡിലുള്ളവരോട് മുൻകരുതലെന്ന നിലയിൽ ഒഴിഞ്ഞുപോകാൻ നിർദേശം നൽകി.

ഓസ്കർ അവാർഡുകൾ നൽകുന്ന ഡോൾബി തിയറ്റർ അടക്കം സ്ഥിതി ചെയ്യുന്നത് ഹോളിവുഡിലാണ്. ഹോളിവുഡ് ഹിൽസിലും സിനിമാതാരങ്ങൾക്കു വസതികളുണ്ട്.

ഇതിനിടെ, ലോസ് ആഞ്ചലസിന്‍റെ പടിഞ്ഞാറുഭാഗത്ത് പടരുന്ന കാട്ടുതീ 15,832 ഏക്കർ ഭൂമി ചാന്പലായി. ഹോളിവുഡ് അഭിനേതാക്കളായ ലെയ്റ്റൻ മീസ്റ്റർ, ആഡം ബ്രോഡി എന്നിവരുടെ വീടുകളും ചാന്പലായി. കാട്ടുതീ മൂലം 5000 കോടി ഡോളറിന്‍റെ നഷ്ടമുണ്ടായെന്നാണു പ്രാഥമിക അനുമാനം.

അന്നമ്മ ജേക്കബ് ഫ്ലോറിഡയിൽ അന്തരിച്ചു.

ഫ്ലോറിഡ: അടൂർ ചുണ്ടോട്ട് അന്നമ്മ ജേക്കബ് (100) ഫ്ലോറിഡയിൽ അന്തരിച്ചു. ഓമല്ലൂർ വിളവിനാൽ കുടുംബാംഗമാണ്.

എച്ച്എംപിവി, രോഗപകർച്ചയിൽ ആശങ്ക വേണ്ട: ലോകാരോഗ്യ സംഘടന.

ന്യൂയോർക്ക്: ആഗോളതലത്തിൽ വലിയ ആശങ്കയായി ചൈനയിൽ പടർന്ന ഹ്യൂമൻ മെറ്റാന്യൂമോ വൈറസുമായി (എച്ച്എംപിവി) ബന്ധപ്പെട്ട് ആശ

കാലിഫോർണിയയിലെ കാട്ടുതീ: മഹാദുന്തമെന്നു ബൈഡൻ.

വാഷിംഗ്ടൺ: കാലിഫോർണിയ സംസ്ഥാനത്തെ വിവിധ മേഖലകളെ വിഴുങ്ങിയ അസാധാരണ കാട്ടുതീ വിതച്ചതു വലിയ നാശം.

മത്സരിച്ചിരുന്നെങ്കിൽ ജയിക്കുമായിരുന്നു: ബൈഡൻ.

വാഷിംഗ്ടൺ ഡിസി: തെരഞ്ഞെടുപ്പിൽ മത്സരിച്ചെങ്കിൽ ഡോണൾഡ് ട്രംപിനെ തോല്പിക്കാൻ കഴിയുമായിരുന്നെന്നു യുഎസ് പ്രസിഡന്‍റ് ജോ

ഒരുമയ്ക്ക് പുതിയ സാരഥികൾ.

ഫ്ലോറിഡ: ഒർലാൻഡോ ആസ്ഥാനമായുള്ള മലയാളി സംഘടനയായ ഒർലാൻഡോ യുണൈറ്റഡ് റീജണൽ മലയാളി അസോസിയേഷന്‍റെ(ഒരുമ) 2025 വർഷത