കുവൈറ്റ് സിറ്റി: കോട്ടയം ജില്ലാ പ്രവാസി അസോസിയേഷൻ കുവൈറ്റ് (കോഡ്പാക്) കോട്ടയം ഫെസ്റ്റ് അബ്ബാസിയ അസ്പെയർ ഇന്ത്യൻ ഇന്റർനാഷണൽ സ്കൂളിൽ നടന്നു. പ്രസിഡന്റ് ഡോജി മാത്യുവിന്റെ അധ്യക്ഷതയിൽ ചേർന്ന പരിപാടി കോട്ടയം എംപി ഫ്രാൻസിസ് ജോർജ് ഉദ്ഘാടനം ചെയ്തു.
നാടുമായുള്ള ബന്ധം എപ്പോഴും കാത്തുസൂക്ഷിക്കുന്നവരാണ് പ്രവാസികൾ എന്ന് അദ്ദേഹം ഉദ്ഘാടനപ്രസംഗത്തിൽ പറഞ്ഞു. പാലാ എംഎൽഎ മാണി സി. കാപ്പൻ മുഖ്യപ്രഭാഷണം നടത്തി. ജനറൽ സെക്രട്ടറി സുമേഷ് ടി. സുരേഷ് സ്വാഗതം അർപ്പിച്ചു.
ചടങ്ങിൽ ട്രഷറർ പ്രജിത്ത് പ്രസാദ്, രക്ഷാധികാരി ജിയോ തോമസ് വനിതാ ചെയർപേഴ്സൺ സെനി നിജിൻ, മുൻ പ്രസിഡന്റ് അനൂപ് സോമൻ, മെഡെക്സ് മെഡിക്കൽ കെയർ സിഇഒ മുഹമ്മദ് അലി, റോയൽ സീഗൾ ഗ്രൂപ്പ് ചെയർമാൻ സുനിൽ പറകപാടത്ത്,
യുണൈറ്റഡ് ലോജിസ്റ്റിക്സ് കമ്പനി മാനേജിംഗ് ഡയറക്ടർ സിവി പോൾ, ടിവിഎസ് മാർക്കറ്റിംഗ് മാനേജർ ഗംഗി ഗോപാൽ, കുടയുടെ ജനറൽ കൺവീനർ അലക്സ് മാത്യു, കാലിക്കറ്റ് ലൈവ് റസ്റ്റോറന്റ് മാനേജർ സച്ചിൻ, അഡ്വൈസറി ബോർഡ് ചെയർമാൻ കെ.വി. വിജോ എന്നിവർ ആശംസകൾ അർപ്പിച്ചു.
മികച്ച ഹോസ്പിറ്റലിനുള്ള അവാർഡ് ഫ്രാൻസിസ് ജോർജ് എംപിയുടെ കെെയിൽ നിന്ന് മെഡെക്സ് മെഡിക്കൽ കെയർ സിഇഒ മുഹമ്മദ് അലി ഏറ്റുവാങ്ങി. കോഡ്പാക് ബിസിനസ് എക്സിലെന്റ് അവാർഡുകൾ റോയൽ സീഗൾ ഗ്രൂപ്പ് ചെയർമാൻ സുനിൽ പറകപാടത്തിന് മാണി സി. കാപ്പൻ എംഎൽഎയും യുണൈറ്റഡ് ലോജിസ്റ്റിക്സ് കമ്പനി മാനേജിംഗ് ഡയറക്ടർ സിവി പോളിന് ഫ്രാൻസിസ് ജോർജ് എംപിയും നൽകി.
സംഘടനയുടെ വക പൊന്നാടയും മോമെന്റോയും പ്രസിഡന്റ് ഡോജി മാത്യു ഫ്രാസിസ് ജോർജ് എംപിക്കും ജനറൽ സെക്രട്ടറി സുമേഷ് ടി. സുരേഷ് മാണി സി. കാപ്പൻ എംഎൽഎയ്ക്കും നൽകി. സുവനീർ കൺവീനർ ജിത്തു തോമസിന്റെ സാന്നിധ്യത്തിൽ ഫ്രാൻസിസ് ജോർജ് സുവനീർ പ്രകാശനകർമം നിർവഹിച്ചു.
സംഘടനയുടെ ഡിജിറ്റൽ പ്ലാറ്റ്ഫോം അപ്ലിക്കേഷൻ മാണി സി. കാപ്പൻ നിർവഹിച്ചു. സിന്ധു സുരേന്ദ്രൻ അവതാരകരായെത്തിയ ചടങ്ങിന് പ്രോഗ്രാം കൺവീനർ നിജിൻ ബേബി മൂലയിൽ നന്ദി അറിയിച്ചു. ഡാൻസ് കോമ്പറ്റിഷൻ വിജയികൾക്ക് എംപിയും എംഎൽഎയും ട്രോഫി നൽകി.
തുടർന്ന് പ്രശസ്ത സിനിമാ താരം ലക്ഷ്മി ഗോപാലസ്വാമിയുടെ ക്ലാസിക്കൽ ഡാൻസും പിന്നണി ഗായകർ അഭിജിത്ത് കൊല്ലം, അഖില ആനന്ദ്, സാംസൺ സിൽവ, കീബോർഡിസ്റ്റ് ഷിനോ പോൾ, റിധം സുമിത് സെബാസ്റ്റ്യൻ എന്നിവരുടെ നേതൃത്വത്തിലുള്ള സംഗീത നിശയും അരങ്ങേറി.
ജോയിന്റ് സെക്രട്ടറി റോബിൻ ലുയിസ്, ഷൈജു എബ്രഹാം, ജോയിന്റ് ട്രെഷറർ സിജോ കുര്യൻ, ചാരിറ്റി കൺവീനർ ബുപേഷ്, ജോയിന്റ് ചാരിറ്റി കൺവീനർ ജോസഫ്, ബീന വർഗീസ്, അഡ്വൈസറി ബോർഡ് അംഗം നിധി സുനീഷ്, ജസ്റ്റിൻ ജെയിംസ്, പ്രവീൺ ചങ്ങനാശേരി, ഏരിയ കോഓർഡിനേറ്റർസ് നിവാസ് ഹംസ, പ്രദീപ് കുമാർ, ഹരി കൃഷ്ണൻ, റോബിൻ തോമസ്,
എക്സിക്യൂട്ടീവ് അംഗങ്ങളായ രതീഷ് കുമ്പളത്, സിബി പീറ്റർ, ഷെലിൻ ബാബു, സവിത രതീഷ്, രശ്മി രവീന്ദ്രൻ, ടിബാനിയ, ബിനു യേശുദാസ്, സുബിൻ ജോർജ്, പ്രസാദ് നായർ, സി.ജി. ദീപു, മനോജ് ഇത്തിത്താനം, ഷൈൻ പി. ജോർജ്, ജിജുമോൻ, സുഭാഷ്, വനിതാ വേദി അംഗങ്ങൾ സാന്ദ്ര രാജു, ഷിഫാ എന്നിവർ നേതൃത്വം നൽകി.
|