അബുദാബി: അബുദാബി സംസ്ഥാന കെഎംസിസി സ്പോർട്സ് വിംഗിന്റെ നേതൃത്വത്തിൽ ഡിസംബർ 15ന് ഇന്ത്യൻ ഇസ്ലാമിക് സെന്ററിൽ വച്ച് നടക്കുന്ന ഓൾ ഇന്ത്യ കബഡി ടൂർണമെന്റിന്റെ പോസ്റ്റർ പ്രകാശനം ചെയ്തു.
അബുദാബി കെഎംസിസി പ്രസിഡന്റ് ഷുക്കൂർ അലികല്ലുങ്ങൽ അധ്യക്ഷത വഹിച്ചു. യുഎഇ കെഎംസിസി വർക്കിംഗ് പ്രസിഡന്റ് അബ്ദുല്ല ഫാറൂഖി പോസ്റ്റർ പ്രകാശനം നിർവഹിച്ചു. ഇന്ത്യൻ ഇസ്ലാമിക് സെന്റർ വൈസ് പ്രസിഡന്റ് വി.പി.കെ. അബ്ദുള്ള ഉദ്ഘാടനം ചെയ്തു.
യുഎഇയിലെ പ്രഗത്ഭരായ എട്ട് ജില്ലാ ടീമുകൾ ആണ് ടൂർണമെന്റിൽ മത്സരിക്കുന്നത്. ഇന്ത്യ കബഡി ഫെഡറേഷനുമായി സഹകരിച്ചു നടത്തുന്ന ടൂർണമെന്റിൽ ഇന്ത്യൻ പ്രൊ ലീഗ് പ്ലേയേഴ്സ് അടക്കമുള്ള കളിക്കാർ ഓരോ ടീമിന് വേണ്ടിയും അണിനിരക്കും. ആദ്യ നാല് സ്ഥാനക്കാർക്ക് ആകർഷകമായ കാഷ് പ്രൈസും ട്രോഫിയുമാണ് സമ്മാനം.
പ്രകാശന ചടങ്ങിൽ ഇന്ത്യൻ ഇസ്ലാമിക് സെന്റർ ജനറൽ സെക്രട്ടറി ഹിദായത്തുള്ള പറപ്പൂർ, ട്രഷറർ ബി.സി. അബൂബക്കർ, കെഎംസിസി നേതാക്കളായ അഡ്വ. കെ.വി. മുഹമ്മദ് കുഞ്ഞി, അഷ്റഫ് പൊന്നാനി, റഷീദ് പട്ടാമ്പി, ഹംസ ഹാജി പാറയിൽ, മൊയ്ദൂട്ടി വേളേരി, ഷറഫുദീൻ കൊപ്പം, അബ്ദുൽ ബാസിത് കായക്കണ്ടി,
ഖാദർ ഒളവട്ടൂർ, ഹനീഫ പടിഞ്ഞറെമൂല, ഇ.ടി.എം. സുനീർ, ഷാനവാസ് പുളിക്കൽ, അൻവർ ചുള്ളിമുണ്ട, ജാഫർ തങ്ങൾ, ശിഹാബ് കരിമ്പനാട്ടിൽ, അബ്ദുറഹ്മാൻ ഹാജി, അൻവർ കൈപ്പമംഗലം, ഹാരിസ് ആറ്റിങ്ങൽ, ഹസൻ കുഞ്ഞി വട്ടക്കോൽ, പി.കെ. അഷ്റഫ്, അബ്ദുൽ സമദ് തുടങ്ങിയവർ സംസാരിച്ചു.
|