കുവൈറ്റ് സിറ്റി: "തംകീൻ'(ശാക്തീകരണം) എന്ന പ്രമേയവുമായി കുവൈറ്റ് കെഎംസിസി രണ്ടു മാസക്കാലം നടത്തിയ പ്രമേയ ചർച്ചയ്ക്ക് മഹാസമ്മേളനത്തോടെ പ്രൗഢമായ സമാപനം.
അബ്ബാസിയ സെൻട്രൽ സ്‌കൂൾ ഓപ്പൺ ഗ്രൗണ്ടിൽ നടന്ന മഹാ സമ്മേളനം മുസ്‌ലിം യൂത്ത് ലീഗ് സംസ്ഥാന പ്രസിഡന്‍റ് പാണക്കാട് സയ്യിദ് മുനവ്വറലി ശിഹാബ് തങ്ങൾ ഉദ്‌ഘാടനം ചെയ്തു.
കുവൈറ്റ് കെഎംസിസി സംസ്ഥാന പ്രസിഡന്‍റ് സയ്യിദ് നാസർ അൽ മശ്ഹൂർ തങ്ങൾ അധ്യക്ഷത വഹിച്ചു. മുസ്‌ലിം ലീഗ് സംസ്ഥാന ജനറൽ സെക്രട്ടറി പി.എം.എ. സലാം മുഖ്യാതിഥി ആയിരുന്നു. സെക്രട്ടറി കെ.എം. ഷാജി മുഖ്യപ്രഭാഷണം നടത്തി.
കുവൈറ്റ് കെഎംസിസി മൂന്നാമത് ഇ. അഹമ്മദ് എക്സലൻസി അവാർഡ് എം.എ. ഹൈദർ ഗ്രൂപ്പ് ചെയർമാൻ ഡോ. എസ്.എം. ഹൈദറലിക്ക് ചടങ്ങിൽ വച്ച് കൈമാറി. മുഖ്യസ്പോൺസർ ആയ മെട്രോ മെഡിക്കൽ ഗ്രൂപ്പിന്‍റെ പത്താംവാർഷിക ലോഗോ പ്രകാശനം മെട്രോ ഗ്രൂപ്പ് എം.ഡി. മുസ്തഫ ഹംസയ്ക്ക് നൽകി കൊണ്ട് സയ്യിദ് മുനവ്വർ അലി തങ്ങൾ നിർവഹിച്ചു.
കുവൈറ്റ് കെഎംസിസി പുതിയ അപ്ലിക്കേഷൻ ലോഞ്ചിംഗും പുതിയ മെമ്പർഷിപ് കാർഡ് വിതരണോദ്ഘാടനവും 2025 കലണ്ടർ പ്രകാശനവും സമ്മേളനോപഹാരമായ ‘ദർശനം തംകീൻ’ സ്പെഷ്യൽ പതിപ്പ് സോവനീർ റിലീസിംഗും ചടങ്ങിൽ നടന്നു.
ഇന്ത്യൻ ഡോക്ടേർസ്‌ ഫോറം മുൻ പ്രസിഡന്‍റ് ഡോ. അമീർ അഹമ്മദ് മുനവ്വറലി തങ്ങളിൽ നിന്നും കുവൈത്ത് കെഎംസിസി അംഗത്വം സ്വീകരിച്ചു. യുഎന്നിലെ കുവൈറ്റ് അംബാസിഡർ ഷെയ്‌ഖ ഉമ്മ് അബ്ദില്ല അൽ സബാഹ്, ബ്രിഗേഡിയർ അബ്ദുല്ല ഖാലിദ് അൽ ദുവൈല,
ഇ. അഹമ്മദ് എക്സലൻസി അവാർഡ് ജേതാവ് ഡോ. എസ്. എം. ഹൈദർ, മെട്രോ മെഡിക്കൽ എം.ഡി. മുസ്തഫ ഹംസ, അൽ അൻസാരി എക്സ്ചേഞ്ച് ജനറൽ മാനേജർ അബ്ദുറഹിമാൻ, "മാംഗോ' മാനേജിംഗ് ഡയറക്ടർ റഫീഖ് അഹമ്മദ് എന്നിവർ പ്രസംഗിച്ചു.
കുവൈറ്റ് കെഎംസിസി ഉപദേശക സമിതി ചെയർമാൻ ടി.ടി. സലിം, വൈസ് ചെയർമാൻ ബഷീർ ബാത്ത, സംസ്ഥാന ഭാരവാഹികളായ റഊഫ് മശ്ഹൂർ തങ്ങൾ, ഇഖ്ബാൽ മാവിലാടം, ഫാറൂഖ് ഹമദാനി, എം. ആർ. നാസർ, ഡോക്ടർ മുഹമ്മദലി, എം.കെ. അബ്ദുറസാഖ്,
സിറാജ് എരഞ്ഞിക്കൽ, ഗഫൂർ വയനാട്, ഷാഹുൽ ബേപ്പൂർ, ഫാസിൽ കൊല്ലം എൻജിനിയർ മുഷ്‌താഖ്‌, ഇല്യാസ് വെന്നിയൂർ, ഉപദേശക സമിതി അംഗങ്ങളായ സിദ്ധിഖ് വലിയകത്ത്, ഇസ്മായിൽ ബെവിഞ്ച, കെ.കെ.പി. ഉമർകുട്ടി, മുൻ പ്രസിഡന്‍റ് കുഞ്ഞമ്മദ് പേരാമ്പ്ര, ലത്തീഫ് നീലഗിരി എന്നിവർ സംബന്ധിച്ചു.
ഡോ. ഗാലിബ് അൽ മശ്ഹൂർ തങ്ങൾ അറബ് നേതാക്കളുടെ പ്രസംഗം പരിഭാഷപ്പെടുത്തി. കുവൈറ്റ് കെഎംസിസി ജനറൽ സെക്രട്ടറി മുസ്തഫ കാരി സ്വാഗതവും ട്രഷർ ഹാരിസ് വള്ളിയോത്ത് നന്ദിയും പറഞ്ഞു.
|