Deepika.com Nri News :ഐറിഷ് പാർലമെന്‍റ് തെരഞ്ഞെടുപ്പിൽ മലയാളിയും.......

Europe

ഐറിഷ് പാർലമെന്‍റ് തെരഞ്ഞെടുപ്പിൽ മലയാളിയും

Back To NRI Home Forward This News Click here for detailed news of all items

ഡബ്ലിൻ: അയർലൻഡ് പാർലമെന്‍റ് തെരഞ്ഞെടുപ്പിൽ മത്സരിക്കാൻ മലയാളിയും. ഡബ്ലിൻ മാറ്റർ ആശുപത്രിയിൽ സ്റ്റാഫ് നഴ്‌സും പാലാ വിളക്കുമാടം സ്വദേശിനിയുമായ മഞ്ജു ദേവിയാണ് ഭരണകക്ഷിയായ ഫിനാഫോൾ പാർട്ടിയുടെ ടിക്കറ്റിൽ ഡബ്ലിൻ ഫിൻഗൽ ഈസ്റ്റ് മണ്ഡലത്തിൽനിന്നു ജനവിധി തേടുന്നത്. ചരിത്രത്തിൽ ആദ്യമായാണ് ഒരു മലയാളിക്ക് പാർലമെന്‍റിലേക്കു മത്സരിക്കാൻ അവസരം ലഭിക്കുന്നത്. ഈമാസം 29നാണ് പൊതുതെരഞ്ഞെടുപ്പ്.

കരസേനാംഗമായിരുന്ന സുബേദാർ മേജർ കെ.എം.ബി. ആചാരിയുടെയും രാധാമണിയുടെയും മകളാണ് മഞ്ജു. അയർലൻഡിലെ പ്രമുഖ ഫിംഗ്ലസ് ക്രിക്കറ്റ് ക്ലബിന്‍റെ സ്ഥാപകരിൽ ഒരാളായ തിരുവനന്തപുരം പൂജപ്പുര സ്വദേശി ശ്യാം മോഹനാണു ഭർത്താവ്. മക്കൾ: ദിയ, ശ്രയ.

കഴിഞ്ഞ 20 വർഷമായി അയർലൻഡിലുള്ള മഞ്ജു, മന്ത്രി ഡാറ ഒബ്രെയിനൊപ്പം ചേർന്നാണു ത്സരിക്കുന്നത്. ഡബ്ലിൻ ഫിൻഗൽ ഈസ്റ്റ് മണ്ഡലത്തിൽനിന്ന് മൂന്നുപേരെയാണ് പാർലമെന്‍റിലേക്ക് തെരഞ്ഞെടുക്കുക.

മലയാളികളടക്കം ഒട്ടേറെ ഇന്ത്യക്കാർ താമസിക്കുന്ന ഇവിടെ വിജയം ഉറപ്പാണെന്ന ആത്മവിശ്വാസത്തിലാണ് മഞ്ജു ദേവി. വിജയിച്ചാൽ ഐറിഷ് പാർലമെന്‍റിലെത്തുന്ന ആദ്യ മലയാളിയെന്ന ചരിത്രനേട്ടം മഞ്ജു ദേവിക്ക് സ്വന്തമാകും.

അയർലൻഡിൽ കൗണ്ടി കൗൺസിൽ തെരഞ്ഞെടുപ്പുകളിൽ നിരവധി മലയാളികൾ വിജയിച്ചിട്ടുണ്ട്. ഇത്തരത്തിൽ വിജയിച്ച ഫിനഗേൽ പാർട്ടി നേതാവ് ബേബി പെരേപ്പാടൻ നിലവിൽ സൗത്ത് കൗണ്ടി കൗൺസിലിൽ ആദ്യ മലയാളി മേയറാണ്.

കരോൾ ഗാനമത്സരത്തിന്‍റെ അകമ്പടിയോടെ ക്രിസ്മസിന്‍റെ വരവറിയിച്ച് ഓൾഫ് സ്റ്റോക്ക് ഓൺ ട്രെന്‍റ്.

സ്റ്റോക്ക് ഓണ്‍ ട്രെന്‍റ്: സ്റ്റോക്ക് ഓണ്‍ ട്രെന്‍റിലെ സീറോമലബാറിന്‍റെ കീഴിലുള്ള നിത്യസഹായ മാതാവിന്‍റെ പള്ളിയില്‍ തിരുപ്പി

ഫ്രാങ്ക്ഫര്‍ട്ട് കേരള സമാജം ക്രിസ്മസ് ആഘോഷിച്ചു.

ഫ്രാങ്ക്ഫര്‍ട്ട്: ഫ്രാങ്ക്ഫര്‍ട്ട് കേരള സമാജത്തിന്‍റെ ആഭിമുഖ്യത്തില്‍ ക്രിസ്മസ് ആഘോഷിച്ചു.

പാട്ടുകളുടെ പാലാഴി തീർത്ത് കൈരളി യൂകെ പാട്ടുകൂട്ടം.

സതാംപ്ടൺ: കൈരളി യുകെ സതാംപ്ടൺ പോർട്ട്സ്മൗത്ത് യൂണിറ്റിന്‍റെ നേതൃത്വത്തിൽ വാട്ടർലൂ കമ്യൂണിറ്റി സെന്‍ററിൽ വെച്ചു നടന്ന പാ

പിറവി തിരുന്നാൾ തിരുക്കർമങ്ങൾക്ക് വിപുലമായ സൗകര്യങ്ങൾ ഒരുക്കി ഗ്രേറ്റ് ബ്രിട്ടൻ സീറോമലബാർ രൂപത.

ബിർമിംഗ്ഹാം: യേശുക്രിസ്തുവിന്‍റെ തിരുപ്പിറവി ആഘോഷങ്ങളുടെ തിരുക്കർമങ്ങൾക്ക് വിപുലമായ ക്രമീകരണങ്ങൾ ഒരുക്കി ഗ്രേറ്റ് ബ്രി

ജർമനിയിൽ ആൾക്കൂട്ടത്തിലേക്ക് കാർ പാഞ്ഞു കയറി രണ്ടു മരണം.

ബെർലിൻ: ജർമനിയിൽ ആൾക്കൂട്ടത്തിലേക്ക് കാർ പാഞ്ഞു കയറി ഒരു കുട്ടിയടക്കം രണ്ടു പേർ മരിച്ചു.